كم جرح خذْته من الأحبـاب.. ضمّيتـه

	اللي بقـى لـي مـع الأيـام . وفُيتـه والضيق لـو ينهمـر تشربْـه وديانـي ماهي كبيـره علـي والحـزن غنيتـه وْلاهـي غريبـه إذا وقتـي تحـدانـي الخوف -يا من نبشت القلـب وادميتـه لاعشت زهرة شبابك وانت وحدانـي كم جرح خذْته من الأحبـاب.. ضمّيتـه وجـروح قلبـي زكـاة لْحُـبّّ خِلاّنـي مطعون؟ عاااادي ،، جفا الأقراب؟ داويته تعبان؟ مبطي ،، ردى هالحظ؟ خاوانـي صدمه؟ بسيطه ،، هَوان الحال؟ مرّيتـه مقرود؟ أدري ،، وإذا حرمان؟ عدّانـي ما فـاح هـمّ ٍ لـك الله مـا تقهويتـه ما مـرّ حـزن ٍ بغيـري مـا تبلاّنـي ياما ويامـا مـن الخـذلان .. عديتـه إلا بصاحبْ .. بعد عِشـره تناسانـي أزريـت لأنسـى غيابـه ليـن ناديتـه والمـوت لامـن تجاهلنـي وجافـانـي وينه يجينـي .. وكـل عْتـاب كنّيتـه ياليت يدري بعـد فرقـاه وش جانـي من كنت طفل ٍ وانا أرجـاه فـي بيتـه شيّبت.. واثره علـى هالحـال خلانـي حتـى جنـاح العَتَـب لرضـاه ذليتـه ماطِرْت بعـده فـرح مـن ذلّ جنحانـي يا قلب صبرك .. ترى كل شيّ سويتـه ما كان أفضل من اللـي كـان بإمكانـي لو بيّ قـوه علـى الهجـران؟ خليتـه لو بـيّ ذره مـن النكـران؟ يفدااانـي الجرح أرحم .. إذا يرجع مـن أغليتـه مجروح؟ فِدوه .. ولكن صعب وحدانـي