اليكم اخر ماخط قلمي عسا ان تحوز على رضاكم
الضيق قهواني على فكـة الريـق
********** صار المعزب يوم انا صرت ضيفه
سبـعـة فـنـاجـيل ٍ تقـهـوتـها ضيق
********** ما هو بكيفي لـكـن الـضيـق كيـفه
جاملة حظ ٍ حالف ٍ حلف ما يفيق
********** وداريت جـرح ٍ زايـد ٍ في نزيـفـه
اطيق سم الجرح واحيان ما اطيق
********** وعايـش بهـالدنـيـا حيـاتي كسـيفه
صابر وصار الصبر بالوقت توهيق
********** فـارس ولكن مـا عـرف ويـن سيـفه
الحلم يبغى مع هل الحلم تحقــيـق
********** والحيـل يـقـصـر والايـادي كـفيـفه
وبعض الصداقه ماتجي بالتوافيق
********** وكـم واحد ٍ مـن بعد عرفه تـعيـفه
والطيب يبقى مع هل الطيب توثيق
********** والطيّب اللي صار ذكره صـحيـفه
وانا انبليت بناس واجد مـطـافيـق
********** ما هـمـهـم بـالـوقـت غـيـر الـلطيفه
والحب بين الناس طاريه تشويق
********* كـلـن يـسـولـف لـلبـشـر عـن ولـيفـه
وحب الصحيح اللي عليه المواثيق
********* حب الشريف اللي عشق له شريفه
وسر ياقلم واكتب على نغمة الضيق
********* دام الـمـعزب ماحترم وقـت ضـيـفه
وسلامتكم
العرض الشجري
