| | ايه أدري .. وانت تدري عن مدى شوقي وشعوري $ ||

-

ايه أدري .. وانت تدري عن مدى شوقي وشعوري
بجوف صدري
وعن حكايات المحبة .. اللي تحييني وتقتل ..
كل حلم يعيش فيني
تقتله ويسيح دم
والنهايات الجميلة نبتديها بشكوى همّ .
ونخلق احياء وشوارع .. ونبدا في سكة عبور ، لشخص خاشع .
مادرى باللي جراله .. غير قصة يبتديها شاعرٍ يترجم حروفة
وينتهي فيها كلامه

ومن هموم الباخره داخل محيط .. يقول بدري
ايه بدري .. تو عمري .. عايش وسني صغير

ايه ادري .. ان عمري .. كامل وعقلي كبير
ايه ادري .. ان نهاياتي تمنيني كثير .. تموت بدري

والله أدري .. اني ميت في عيونك واني ادري كل احلامي تموت .. بحلم عذري

من كلام البارحة طاحت من عيوني دموعك
............... وشفت شوقك يكتب احساسي ويكتبني لحنينك

انتثر قدام روحك وانجلي بقمّة خضوعك
............... ياشموعك يوم صارت تشتعل تضوي سنينك

يادفاي فـ عز بردك انتهى حرّك وجوعك
............... ابتدا دفتر .. يعزز ماضي مابيني وبينك

انت وينك؟ منك ويني؟ من ولائك حد طوعك
............... منك عايش فيك رايح غايب واسمع أنينك

من أنينك .. وين ابهدى ؟
وانت تتعبني بحدودك .. وانت فيني تقتل اشواقي بجنونك
ماعرفت إنسان مثلي .. عايش ودمعه بخده ؟
ماعرفت انسان مثلي .. تصطفق يده بيده ؟

وين ابرحل عن عيونك .. وانا ميّـت
ياشعوري اللي غطاني بحضوري .. وصفّق الجمهور واحساسي خذاني
يم قلبك .. ماعرفت انك معي بكل الطريق
الا من شفتك بدايات القصيدة ..
وشفت بسماتك حروف .. وحتى جمهوري يردد . ياجمالات القصيدة ..
وآنا من قلبي ارتّل ابجديات الحروف
حروف اسمك ..
والقصيد اصبح فريد ..
وشاعرك عايش وحيد
وارفع عيوني اخاف اني اشوفك في يديني من دموع
واحفظك مني لنفسي .. لإنك اجمل من وطى بالأرض
لكني أبرحل .. مثل ماجيتك فـ بسمه ،، بأتركك في دمعتين
وعيشي في ذكرى حبيبك .. وشوفي من لهفة حنينه .. كيف يبكي ويحفظ دموعه يصونك
لإنك أجمل من حكايات الشعر والعاشقين
بأبتعد بلقاك .. في رحلة حنين ..
زحمة اشواق ومباني همّ في كل السنين
والشتا ليله حزين ..
زحمة انفاس وليالي موت .. والموعد يحين
وين كل العابرين .. انتهت زحمة شوارع
وبأبتسم في دمعتين
وشوق يدري ..
اني الليلة حزين . . |

فهد المهوّس $