طاحت الدنيا قبل طيحة دموعي من عيوني
ولايم دموع المفارق بـ الملامح حق وولى
لاتلوموني على دموعي ولا تستضعفوني
ادري ان الدمع غالي لكن الغياب اغلى
فان لمحتوني سرحت وغبت عنكم نبهوني
واشغلوني في تفاصيل السوالف يمكن اسلى
الجفا حطم عزومي والسهر والف جفوني
والصبر بيت يضج بحزن كهل ونوح ثكلى
فاتنة شعري وبنت احساسي وشيخة لحوني
ليت دورات الليالي مثلها سمحا وخجلى
سامح الله ذنبها راحت وخلتني بدوني
فقدها بلوى وشر وذكرها الشر وابلى
اتذكرها والوم الحظ واعاتب ظنوني
اه يالولا الظروف وآه من قولتي لولا
يرتفع سوق العذارى بلحلا ويطيح دوني
لولهن رزة قوام وعنق ريم وعين نجلا
من يعوض فارعة عقلي ومياسة جنوني
ومن يبدل ويتجاوز سقفي العالي بلاعلى
يكفي انها ماتشابه غيرها تشبه طعوني
ماهي بحلوه ولكن طاهره و الطهر احلى
ودام ربي خالق دموعي لاجل تبكي عيوني
والله اني في دموعي لاحزنت احق وولى
العضو الأكثر نشاطاً هذا اليوم 
العرض الشجري
