معاناتي الازليه مع الطياره ماراح تنتهي .. المشكله اذا صرت ماتستغني عنها في حلك وترحالك !!
يبدى القلق عندي قبل موعد الاقلاع بيومين .. يجي في بالي الطيارات اللي طاحت بالعالم .. ويجي ببالي الافلام اللي فيها تطيح الطياره ..!
انا خوفي بعد الله من ان الطياره تطيح .. اما لو الدعوى تنفجر الطياره في مكانها اسهل .. على الاقل يموت الواحد على طول .. مهوب يقعد يتعذب الين تصفق دميجته بالارض
اذا مشت الطياره وصارت في وضع الاقلاع ودعس السواق كل الدوسه .. وسمعت صوت الكنداسه قسم باالله قلبي شوي ويطلع من محله :
احسن شي سواه انهم غيروا اللي كان يلقي دعاء السفر .. كنت اذا سمعته منول احس اننا خلاص بعمليه انتحاريه !!
حطوا واحد صوته فيه نوع من السعاده .. !!
اهم شي ان الجريده قدامي عشان محد ينتبه اني مرتعد ... اسوي نفسي منهمك بالقراءه وانا قلبي بين رجولي .. واجلس اطالع اللي بجمبي بطرف عيني اناظر هو مستغرب من الوضع او عادي .. وبعض الاحيان احس اني الوحيد اللي متروع بالطياره .. والمذله اذا شفت بزر جالس يضحك ومبسوط وانا يالشايب خانقتني العبره من الخوف
يمكن الراحه الوحيده بالطياره اذا اخذت وضعها فوق وطفت لمبة حزام الامان.. بس لازم تصير حركه يمين يسار .. خصوصاً ان خط السير لرحلاتي فيه منعطف ابن الكلللللب .. ياخي وزارة النقل ماحولك احد الى الحين ماصلحوه(كل تبن
وترجع المعاناة اذا قرب وقت الهبوط .. وصار الطيار عليمي وقعد يوازنها على المنصه وياما طلع وياما نزل !!
واللي يقهرني زود انها ماتنزل على طول يجلس يلعب في اعصابنا الين تنهار نفسياً ..
يمكن تحسبوني امزح يوم اقول ان الطيار عليمي .. والله ياجماعة الخير من كثر من سافرت على الطياره اني عرفت ان فيه طيارين محترفين وفيه طيارين داخلين عرض في مجال الملاحه الجويه << احلى
وانتم كلكم بسافر فيكم يابعد حيي وحتى صاحب المنتدى اولكم ابيكم تصدقون بس
والله ان واحد من الطيارين في احد المرات يوم جا يهبط انه صفق بنا الارض صفقه ولا نزة شاصي اعوذ باالله
انا استغرب من الناس اللي تروح سفريات بعيده تجلس بالطياره 8 ساعات واكثر ياساتر وش هالقلوب !!
ياناس مني البلا ولا الطياره صدق تخوف ولا وش السالفه ؟؟
العضو الأكثر نشاطاً هذا اليوم 
العرض الشجري
