ماتفيد ألأماني ... المواجع ماتفيد..

وش يفيد أني أحبك وأنت ضيعت المفيد..
..... كلمة أسف ما تغطي كبر جرحك في حشاي..


للأسف شكك تجدد بينك وبين الأكيد..
..... صارت الدنيا بعينك خوف والسنه غلاي..


خانك التوقيت فيني واتضح لي من جديد..
..... إنك أعظم ذنب عشته واقترفته من هواي..


لا تفكر في شعوري دام لي راي سديد..
..... أقدر أفهم في شعوري للحقائق كل رأي..


أظلمك لو قلت باقي للأمل فجر بعيد..
..... وأظلمك أكثرإذا واسيتك بكذبة رضاي..


ماتفيد ألأماني ... المواجع ماتفيد..
..... كم نهيتك لا تواصل لعبة حظوظك معاي..


كان ظلمك لي هوايه كلما ينقص يزيد..
..... وكنت تتفنن بجرحي وأنا اتحمل عناي..


يومنك أرخصت المشاعر من هو اللي مستفيد..
..... إنت وألا الجرح ولا كلكم غاوي شقاي..


لك بقلبي ذكريات وشبه نيران تقيد..
..... وواقم من الذل دايم واصل لأبعد مداي..


من قديم الوقت غرك ضعفي وصبري العنيد..
..... ما دريت ان الزمااااااااان يدور ويقدر وفاي..


ما دريت ان الزهر لا صار بأعماقي جليد..
..... ينتهي حسنه مثل ما أنهاك حسنك في ضماي..


ياوضيع القدر عندي لا تقول ولا تعيد..
..... الهوى قبلك عرفته وإنت مجهول بخفاي..


روح وتحمل ضميرك وأن حكى فيك القصيد..
..... ما كتبته غير ذم قاصده قبلي جفااااااااااااي..


لا تقول إني أحبك وأنت ما قلت المفيد..
..... كلمة أسف ماترجع حب ميت في حشاي..


تقديري لكم

الموضوع الأصلي: ماتفيد ألأماني ... المواجع ماتفيد.. || الكاتب: عشوق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات