قصيدة " بور "

بمناسبة إنطلاق لجنة مسابقة شاعر المليون " الثانية "
أهدي هذه القصيدة لشعراءها .. ولكم أنتم كمصافحة أولى ..

[frame="7 80"]

" بور "



الشعر يا صار ما به شيء بين السطور = مثـل الأمـاكــن تـــمــوت بقـلــب زوارها


والحــابل النــابل اللـي صـــابنا بالفتور = ما عـز كــثر القصـايد ســعــر سمسارها


فاحت روايح قصيدة قبل فـوح العطور = والـــدار مـلــت جــحا ومــــــل مسمارها


من وين تنبت سنابل شـعر والقاع بور = والبـير خــاوي والأنــفس يبست ثمـارها


الكـذب طيراً يعشش في ظلام الصدور = والصدق نـوراً سـطـع بالأرض وأقطارها


يا نافـخ الكـير لا تحـلـم بـريح البخور = قــلايد المـــاس يلـبســها مــــن أختارها


القصـد واضــح ومـــوال المعاني يدور = حــول القضية ولا يطــلـع مـن أسوارها


مليون شـاعـر ومليـونين بين الحضور = والأمســية تــومـي بــذيــله لـمـــنخارها


يهيم شــاعر ويبحـر فــي جميع البحور = ويبـتـل فـيـها ولا يشـــرب من أسرارها


يا باهـت الوجـــه لا يغريك كثر الظهور = عشــرة عصافـير في كفـك مع أوكارها


ما أنت الزلامي ولا بصري ولابن سرور = حـمــراء شفـايفك والمكــياج بجـوارها


تصفيف الأبيـات والـفـكـرة بلـيا شعور = مثل الـذي يرضــع الناقــة من حوارها


الشــق أكــبر من الرقـعـة ومـلّ الصبور = والسبحة اللي تشـــده تنقض أحجارها


ما يستر الناس يوم العرض ثوب الغرور = وما يقطع الخير بالدنياء سوى أشرارها


لا تهـمـل الجــذع ويغـّـرك فـتـاة القشور = خـــذ من حـديقة كــلامي باهي أزهارها


يا هـبت الـريـح لا تــرمي للأرض البذور = مـا كــل غيـمـة تـــدر بـوابــل أمطارها


يا حامل الماء على كفوفك غبار العفور = كـب الوضـوء واغسل الكفين وغبارها


الطيـش يا ما فـتك في غافـلات النـحور = والغـي سوس نخر بالــرؤس وأفكارها


الشعــر ينبوع وبطـون الركايب ضمور = شـــد المطـــايا لـــو تطـّــول بمشوارها


القصـد واضح وسر البير بين السطور = ومـن واق بالبير لا ياقـف على جدارها


منيف المهيلب .

[/frame]

ملحوظة : هذه القصيدة نشرت بمجلة أنهار الأدبية .

الموضوع الأصلي: قصيدة " بور " || الكاتب: منيف المهيلب || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ما أنت الزلامي ولا بصري ولابن سرور = حـمــراء شفـايفك والمكــياج بجـوارها


,,,,,,,,,,,,,,,

صح لسانك يامنيف

وانا أأيدك وبشـــــــــــــــــــده

واقترح عليك تشارك بشاعر المليون

عشان ترفع مستواه

تسلم على الرائعه

صح لسانك منيف اسعد الله اوقاتك
وحروفك الرائعه

تقبل المرور

يبيض وجهك على القصيده
اخ منيف المهيلب
ويلبسك العافيه

الكـذب طيراً يعشش في ظلام الصدور = والصدق نـوراً سـطـع بالأرض وأقطارها

يا نافـخ الكـير لا تحـلـم بـريح البخور = قــلايد المـــاس يلـبســها مــــن أختارها

ياسلام عليك
اخوي منيف صدقت ماكل من قال الشعر اجاد

مصافحه رائعه
صح فكرك ننبضك
ابو مهيلب
بيض الله وجهك على هالجزله

صح لسانك مدد بلا عدد
قصيدة وفاء من شاعر وافي

يسلمك منيف مهيلب

فاحت روايح قصيدة قبل فـوح العطور = والـــدار مـلــت جــحا ومــــــل مسمارها


من وين تنبت سنابل شـعر والقاع بور = والبـير خــاوي والأنــفس يبست ثمـارها

الله عليك منيف

صح لسانك ولا هان شانك
قصيدة جزلة .. وافية

حياك اخوي منيف المهيلب
تسلم على القصيده
صح الله لسانك
لننتظر جديدك

عزالله ماقصرت بيض الله وجهك
على القصيده
صح لسااانك يالطربه
منيف

تقديري لك

اخي منيف مهيلب
اولا احييك وتشرفت ان اكون هنا بمتصفحك
وهنا اتوقع هجاء لبعض الصاعدين
من الشعراء.
ولكن اشاهد
جمال الشعر في عدم التكلف وهذا هو جمالك الشعري هنااا
عدم التحديد في اختيار ابيات معينه
يعطي القصيده ككل حقها من الروعه
صح لسانك وفكرك وانا اختك

ودمت للتميز ولنا

المهيلب يالعزوه صح لسانك على ابياتك الجميله0


جمعت الفكره الرائعه والمعنى الواضح


ونظمت بشكل متمكن يالغالي00


الراوي00

إلى جميع من شرف النص بحضوره او ملاحظاته .. او حتى من قرأ النص بطريقة مختلفة تتجلى لتصبح أعمق من النص .

شكراً لكم .

أهنيك على روعه أسلوب
صح لسانك منيف
أكثر من رائع

[align=center]الشاعر القدير : منيف المهيلب


الله الله الله
الله الله
الله

ماشاء الله عليك يالطربه

صح الله لسانك ملاااايين

ولاهنت وبيض الله وجهك


لك مني الغلا


اخوووك

سرحان[/align]