•.♥.• ماعاد لك فالقلب حشمـه وتقديـر •.♥.•

[align=center]
السلام عليكم ..

جبت لكم اليوم قصيده

للشاعره القديره : النادره ...

قصيده رائعه بكلماتها ومضمونها ..

اتمنى تنال ع اعجابكم ..

أترككم مع القصيده ..




ياصاحبـي ماعـاد فيهـا معاذيـر
النفس طابت والمفـارق نويتـه !

يكفي الم يكفي دمـوع وتحاسيـر
يكفي بوسط الجوف جرحي خفيتـه

بشوم عن دنياك واواصـل السيـر
وباخذ معي قلـبٍ بصـدك جفيتـه

ماعاد لك فالقلب حشمـه وتقديـر
من بعد هرجٍ فـي قفايـه حكيتـه!

الوضع مزري مايبي زود تفكير ؟!
من باعني برخيص لا ما شريته !!

من صغر سني وانا في منهجي غير
تكوين خلقـي نـادرٍ مـا لقيتـه !

اطمح على الاول ولا اطيق الاخيـر
وابرز نجاحي في طريـقٍ مشيتـه

قول وفعل ماهـو كـلام التعابيـر
واكبر دليل انك لشعـري هويتـه !

لا انت ولا غيرك له اليـوم تأثيـر
فوق السحب عالي شموخي بنيتـه

ماعزني جمـع الذهـب والدنانيـر
راسي عزيـز وكـل رجـمٍ رقيتـه

دونت كل اللـي مضالـي بتقريـر
وياللآسـف اليـوم تـو ماقريتـه

برحل واخلي عيشةٍ مابهـا خيـر
واقولهـا للكـل صاحبي نسيـتـه !

وان اسألوني قلتنا خيـر ياطيـر ؟
بعته مثل مابـاع قلـبٍ عطيتـه !


تحياتي للجميع ..

أختكم / عـــيون مغلــيها

[/align]

الموضوع الأصلي: •.♥.• ماعاد لك فالقلب حشمـه وتقديـر •.♥.• || الكاتب: عيون مغليها || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات