قصيده عن تماسيح اليوم

هلا
كيفكم؟؟ اخبااركم؟؟
ان شاء الله بخير
قصيده بس بليز ما احد يزعل من التماسيح واللي يزعل << يدق راسه بالجدار <<لا امزح




ملاحظه : القصيده تنطبق على تماسيح الخليج


..تماسيح اليوم اكبر مصخرة..
تماسيح اليوم دواهم مقبرة....
***
. .يقول احبج ومنج مهموم..
..يقول اغليج وبج مغروم..
..وبايت ليلي منج محروم..
..وهو نايم وشبعان من النوم..
***
. .واذا وقف فنقطة تفتيش..
..وين الرخصه يا شيخ مافيش..
..بدون فلوس لا متمشيش..
..تماسيح اليوم يا اكبر طيش..
***
..يقول انا حلو وهو اصلا شين..
. .والله مخبل وصدق ميانين..
..تماسيح اليوم اصلا ثعابين..
..تماسيح اليوم اغبى شياطين..<< واختم بالعشره بعد
***
..تشوفه كاشخ وهو مديون..
تقول اخلاق وهو خريج سجون..
.. يسوق متهور يا ترى مينون..
..ولا مواعد كله ضنون..
***
..واذا وحده طاحت في مصيبه..
..كلهم عندها يا ربي غريبه..
..ولا اشكالهم والله عجيبه..
..جنهم ثيران فأحلى زريبه..
***
..فالدكان ماسك مدواخ..
..وفالشهايد الأحمر طاخ طاخ..
. .وابوه يشكي من اكبر آخ..
..تماسيح اليوم آه يا تماسيح اليوم..<< اهات مو اه
***
..لابس لبس اخر مديل..
..ومن حلاته بتذوق الويل..
..وان شاف وحده بيشوف الويل..
..علشان الحلوة للغشوة تشيل..
***
..وعند البنات يجذب ويقول..
..أنا فالوزارة ابويه مسؤول..
..وانا انسان دايم مشغول..
..والاخو رسيب واضن مسطول..
***
..ان شفته يوم تقول هبال..
..وفالمدرسه موجود؟؟ محال..<< تسال وينهم ناطين من الصور
..والمسيد فاضي وش هالحال..
..تماسيح اليوم آه يا تماسيح اليوم..
***
..يا اخوان ودروا هالخبال..
..ان شفتوا وحده قلتو غزال..
. .ترى المستوصف احسن حلال..
.. تماسيح اليوم آه يا تماسيح اليوم..

((والسموحه منكم ولا تاخذون بخاطركم))


تحيــــــــــااتوو


واتمنى محد يزعل مني
وشكرا

الموضوع الأصلي: قصيده عن تماسيح اليوم || الكاتب: دلع الكون || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات