|
قصيدة عروس الجود (حائل) للامير طلال الرشيد
قصيدة عروس الجود (حائل) واميرها مقرن بن عبدالعزيز
في امسية العمر لطلال الرشيد بحائل
اتركم مع ماخطته يد طلال الرشيد
يا مسا الخير والطير ومساء الورود
يامسا النود والجود وشـذى عودهـا
يا مسا العيد والغيد وعنـود النفـود
يامسا الحـب يـا حايـل ومحسودهـا
صدّر الشوق ضامي والمشاعر ورود
جيت كلّي من أقصـى الـروح لحدودهـا
كم طلبت القصايد عن غلاهـا تجـود
من دعوني وأنا انخاها علـى جودهـا
ثالثـة والدينـي حايـل أم الـجـدود
أمّـي اللـي غلاهـا عـزّ مولـودهـا
دارنا حـيّ فالـك يالغنـوج الـودود
السمـا لـك مـرات وطلتـك نودهـا
خذ عيوني وشف حايل عروس الوجود
تعرف الفرق.بيـن الشـوك وورودهـا
واهنيك بمقـرن وجـه فـال السعـود
وكل ميراث ابو تركـي مـن سعودهـا
ما يشك بوفـاي لأوليـا الأمـر كـود
فاسـد القلـب والنـيّـه ومقـرودهـا
ما ذخرنا الحتوف ولا نقضنا ا لعهـود
من خلقنـا نصـون النـاس وعهودهـا
زان وجه الكلام وشان وجه الحسـود
بان فرق النوايا البيـض مـن سودهـا
هيجني يـا ربابـه والقصايـد شهـود
عيـدي اليـوم شوفتـكـم وبشهـودهـا
لاح برق السلام وهلّ مـزن الـردود
جت تقودن مشاعركـم وانـا اقودهـا
يـا هلـي والله إنّـي لـو اعيـد وازود
مـا أوفـي حقـوق الـود مـن كودهـا
تحياتي لكم
شموخ الضيغمي
|
العضو الأكثر نشاطاً هذا اليوم 
العرض الشجري
