لاحظت في فترة من الفترات أن فيه عضوة من أعضاء المنتدى اللي أنا فيه مركزة على مواضيعي وترد عليها.. وكانت ردودها ردود إعجاب شديد... لدرجة إنها صارت تدور مواضيعي كلها وترد عليها... حتى لو كانت قديمة.....
أنا جاني الغرور وبديت أشوف نفسي... اشعليك منذر إيه من قدي صار لي معجبات...
صرت أجلس على الإنترنت أكثر من جلستي مع أي شخص ثاني...
حتى إذا طلعت مع أخوياي ماأطول معهم وعلى طول أرجع للبيت وأجلس على الأنترنت وأبدأ بالأفكار والكتابة والتأليف كل هذا عشان المعجبين مايفقدون حسي في المنتدى....
يعني الغرور كان واصل حده عندي...
وفي يوم من الأيام كنت طالع للمقهى مع أخوياي وذاك اليوم كعادتي في الفترة الأخيرة مااطول معهم رجعت ذيك الليلة بدري يعني حوالي الساعة 12 بالليل...( حنا يالشباب الفاضي 12بالليل . يعتبر أول الليل عندنا )... مو مثل بعض الناس الشاعه عشر وهي حاشرته خخخخخخخخ
المهم وأنا راجع وقاعد أسولف مع نفسي وأغني وأهيجن وموسع الصدر على الآخر...
ويوم دخلت شارع حارتنا الرئيسي..وكان كالعادة في مثل هالأوقات فاضي تقريبا....
وفجأة...
لقيت وحده لحالها بالشارع وتأشر...
أنا حسبتها تأشر لليموزين وراي ... بس يوم طالعت مع المراية ماوراي سيارات...
قلت في نفسي ... وش عندها ذي...ووش قصتها.....
خلني أخذ فرة ثانيه بالشارع وأشوف وش السالفة...
اتصلت على ال ساري وقال لا توقف انتبه لنفسك بس قلت ماعلي منه
كلمت هاوي قال انتبه
كلمت دهن ومحتري ورعاد ودرعان وتمياط
وكل الاعضاء لاني لازم اشاورهم بعضهم مايرد وبعضهم مشغول جواله
ومحتري قالي ماعليك وقف بس قلت يلا
المهم
خذت لي فرة وفرتين وثلاث.... وكانت كل مامرت سيارة أشرت لها... ومحد يوقف لها...
أنا قلت أبوقف لها.. بس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي....
قلت أبجهز العجرا وامسكها بيدي وأوقف وأن شفت شي مريب نزلت عليه وجلدته بذا العجرا....
وفعلا وقفت....
قلت : نعم وش عندك تأشرين؟..
قالت: لو سمحت يااخوي أبيك توصلني للبيت....
أنا : ومتى المعرفة عشان أوصلك لبيتكم..
هي : أجل وشوله واقف لي....
أنا : أنا واقف أبشوف وش سالفتك... يعني بنت تالي الليل وفي شارع فاضي .. وش القصة..؟..
هي : ومو معنى هالشي إني أكون من اللي في بالك... أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو خاف ووقفني هنا....
أنا : لاحوووووول ولاقوة إلا بالله... طيب طيب ...بيتكم وينه فيه؟....
العضو الأكثر نشاطاً هذا اليوم 
العرض الشجري
