عيسى ترى امك طول الايام...
عيسى ترى امك طول الايام ترجيك =وانت مريحٍ وخاطرك مسفهلي
ياطول ماهي من لبنها تغذيـــــــك = ومن مقعدك في حظنها ما تملي
تبغاك تنفع يوم جاد النفع فيــــك = ولا تفارقها على كل حلــــــــي
حقك مضى وامك لها حقها فيـــك = اياك تجفاها ببعد المحلــــــــي
ارجع وبالك كثر الاشغال تلهيــك = من قبل ملك الموت فيها يحلي
ثم انتمنى شوفة امك مع ابيــــك = واتلى الحسايف يوم دمعك يهلي
وش ينفعك لي صار هذي مماشيك = من مقعدك في غربتك لامك مخلي
مثلك فهيم وماتبي من يوصيــــك = واعرف ترى الدنيا وما فيها يولي
وان كان خط الوالدة ما نفع فيك = ترى الوعد بك واحدٍ ما يخلي
يا قاريٍ خطي عسى الرب يعطيك = اياك تخطي في جوابي تخلي
وانصح عسى رب السموات يعطيك =ا لجنة العليا و رفيع المحلي
العضو الأكثر نشاطاً هذا اليوم 
العرض الشجري
