قصائد الشعراء المشاركين في الحلقة الثانية من شاعر المليون

الشعراء المشاركين بالحلقة الثانيه من النسخه الرابعه لبرنامج شاعر المليون
حصه هلال ( ريمية )( المملكة العربية السعودية )
رائد عبد الرحمن الشيباني( المملكة العربية السعودية )
فهد السعدي ( عمان)
محمد فياض الحويطي (الاردن)
مشاري مطلق الشليمي (الكويت)
منير بن نصر المرزوقي ( تونس)
ناصر بن ثويني العجمي (الكويت )
مسعود زعمان الوايلي ( المملكة العربية السعودية )

قصائدهم :

حصه هلال ( ريمية )
المملكة العربية السعودية

ذولا الرجال يقال حصن ٍ مناكير
ماهم بحال كروش هي والكحيله
إن اقبلوا خلّو حياتك نواويـر
وان ادبروا شاحوك من عند ذيله
دايم ضحاياهم بنـات المناعيـر
كم شيخة ٍ حطو عليها خبيلـه
زيزومهم لو هو يقود الطوابيـر
عند الغنج وام الغنج بِرد حيلـه

لو انه ابو زيد والا انـه الزيـر
لو خزته طفله غـدا واحليلـه
لا لامح المهره يدوس المحاذيـر
ويروح عجه قاطب ٍ مع صهيله

وان جيتي بوجهه تجيك الاعاصير
ينسف على الراس المعاند شليله
راح الحصان وجعلها له مسافير
باكر يعوّد لـك تباريـه عيلـه

إما اشلعي وادعي بقلبه مسامير
والا اصبري صبر القلوب الهبيله

عَلك الرسن ما فاد قبلك غنادير
وكم بالعنان من الحراير ذليلـه
ممدي له القانون حدب ٍ مشاهير
ومع قوته يمـده بكـل خيلـه

فوضى وبالفوضى تضيع المعايير
ومن دنّع الغايه يهيـن الوسيلـه


****


رائد عبد الرحمن الشيباني
المملكة العربية السعودية

هنا يا شاطيء الراحة بدا بك شاعـرٍ مغمـور
يتوه ولا لقى دربٍ يقدي سعـي رجلينـه ..
مشى واتعب قدم رجله وذاق من العنا والجور
ولا منه بدع له قاف شاب القاف في حينه ..

مشى درب الظلام وشاف قدمه للمعالي نـور
وحث الرجل يبقى اللي نواه وشافته عينـه ..
وفجأة ما لقى نفسه سوى قدام ذا الجمهـور
يغرد بالقصيدة والمصفـق تعبـت ايدينـه ..

على الله وإتكل بالله لو غيض الصدور يفـور
ونيشن ما يبى إلا اللي نـواه وتـم تعيينـه ..
معه بندق تصيب الرمي ما ركب لهـا ناظـور
لو أنه للرمـي رجالهـم واجـد نياشينـه ..
يبى اللي من سنينٍ فايتـات يخيلهـا مقهـور
وعذر الشاعر المقهور تـوه بـأول سنينـه ..
وبإذن الله مدام إنه هنا لا ماهـوب معـذور
لـيتركها تنام بظل ابن مشيب وفي يمينـه ..
لو إن من دونها خمسين رجـالٍ يمـد الشـور
عليا كل واحد سـل مسنونـه وسكينـه ..
وهي بنت الشيوخ اللي نباها يشفـي المعثـور
عريبة ساس ما كـلٍ يراضيهـا بتدوينـه ..
وأنا اللي لا حضرت اسمع وأنا ماني قصير شبور
إليا جيت آرد العد القراح ولأرتوي طينـه ..
يجي شعري بعض الاحيان بستانٍ يفوح زهـور
يتوه المستمع فـأحلى شذاه وفي رياحينـه ..
عليك الله وأكبر ياقصيدي والزمـان يـدور
لا تبحث في خفى شاعرك وتضيع مضامينه ..
وانا اللي كل ما جاتك مصيبة قلتلك ماجـور
عسى ربي يعينك ياشعـر والتايـه يعينـه ..
ابي منك المدد ياشعر بعد اللي عطـاه الحـور
إلهي خالقي سبحـان تصويـره وتكوينـه ..
ابي تملي خفوقي ياقصيدي بالشعـور شعـور
مثل مسجد رسول الله لأكتظوا مصلينـه ..
حجيجٍ من حرم مكة تداعو للرسول اتـزور
تسلم يا رسول الله عليك أرواح مسكينـه ..
ذبحها فـالزمن فكر التطرف والعمي والعـور
أمورٍ خارجه عن منطلق عقلي وعن دينـه ..
لكن قبل اختمك ياشعر ودي والرجال حضور
أعلم كل رجالٍ حضر مـا بينـي وبينـه ..
ورثت أرض الشعر جدباء يا ابن زايد وقفرٍ بور
وبالهمه جعلت الشعـر مخضـره بساتينـه ..


****


فهد السعدي
عمان


من بين اصابيعي تسيل حـروف للدفتـر رغـد
نبش الجروح اللي يحب وطب يبـري علتـه ..
النوم حسناء كل ما استجـدي ذوايبهـا تصـد
وإن ما اكترثت , اتشبذت بي وكل شيءٍ رخته ..
نتفت ريش القلب خوف انه يطيـر ومـا يـرد
مدري نبت له ريش وإلا اني غفلـت وشلتـه ..
حيث إن طلتها ملت فمـي ياذكـر الله ومـدد
ممشوق العذق الذي مره رجـع عـن ملتـه ..
سافر بـي وكنـي لـي جناحيـن اتهيـا للهدد
والنقش في عيون الملأ هالفيلسوف شـقصتـه ..

هي تشبه الماء والظما والوقت جا معهـم عهـد
واشبه لمن مر الديـار اللـي بكتـه وبكتـه ..
ما يشكي إلا عشق روح لروح بمفـارق خلـد
الريح جوا الـدار والأقـدار بابـك صكتـه ..
كل قطعةٍ منهـا كريمـة حسـن وتحيـر بلـد
كل ما بسطت الكف من جوع الوصال وردته ..
يا مال .. نهام اخشبتها فـزرقتـي يـزرع ورد
والورد ماعمره نبـت عالمـوج لكـن رزتـه ..
لين ارسمت للغيم لوحـة وسالـت الدنيـا بـرد
ماكنه إلا عقد لؤلـؤ خلـف جمـرٍ صفتـه ..
كذاب لو بحلف لمحت المـاء فـي الرقبـه و رد
والماء في كل ركن تحت الجلد تلمـح غبتـه ..
مائيةٍ والنـار كـن ربـي غرسهـا عـالجسـد
فـعيون من نفسه على سود النوايـا حدتـه ..
كـان السمـو يقودهـا والآل عكـاز وسنـد
واليوم كل شيءٍ تمنى تقـود ركبـه ودفتـه ..
ما دنقت راس شحمتها ولا فنـى فيهـا جلـد
لو يعبث الغربي برطبها النخـل واقـف ربتـه ..
إلاي كل ماطري عليها وكل مـا فيهـا صمـد
إلاي من زد الرجال اللـي تسامـى وحبتـه ..
ماهو عشان الشعر لو الشعر لـه حـظ الأسـد
سل نهر دمعٍ محتشد فـي حجـر ممـا كنتـه ..
سل رجفة ايديها .. جفنها اللي رقد لو ما رقـد
سل عضة شفاها وطيرٍ فـي قفصهـا هدتـه ..
سل عنق ساعة رمـل غطتـه بعبايتهـا ونشـد
عيني عن ذراعي وأنا اتأمـل رهـاه ودقتـه ..
سل صفة زهورٍ على الدرب اتغنى بـلا حسـد
كل ما خطت والدرب شيءٍ ودها لو فضتـه ..
سل كوستا عن صوتها وسكوتهـا ليـل الأحـد
عن سالفتها وعزف ضحكتهـا وخـدٍ مرتـه ..
سل ما تشاء تجاوبك كـل قطعـةٍ منهـا فهـد
وتضج كل الارض في قولـة تحبـه وخلتـه ..
من بين اصابيعه تسيل حـروف للدفتـر رغـد
نبش الجروح اللي يحب وطب يبـري علتـه ..


****


محمد فياض الحويطي
الاردن


أدري هي الدنيا كذا مثل السـراب أحلامهـا
كم واحدٍ لامن لقي حلمه تجـي وتضيعـه ..
أحدٍ سما لين السمـا و أحـدٍ ركـع لأيامهـا
والجاهل اللي لضحكت تضحك عليه وتخدعه ..
واللي تحدى ظلمها وأحـرق جميـع أعلامهـا
رافض أبد دستورها حتى قبـل لا يسمعـه ..

ما من عتب يضحك طرب لو كان يجرع سمهـا
متعودنٍ من كاسهـا سـم الليـال يجرعـه ..

إليا اقبلت وإلا أدبـرت متريـحٍ مـا لامهـا
إن كان تبسط كفهـا وإلا تشـد وتمنعـه ..

مثل الجبل ما ضامته لكـن صمـوده ضامهـا
مهما عصف ريح الزمن يبقى الجبل في موقعه ..

صعبٍ خبرت أن الرجل ما ينثـي لأحكامهـا
صلبٍ تحت سيف الصبر ما يشتكي لو قطعه ..
حتى الصخر دونه يجي لامـن تحـدى ظلمهـا
وشلون ما يصبر وهو في رحمـة الله مطمعـه ..

في دفتر الدنيا كتـب فـي حبرهـا وأقلامهـا
عاصي أنا لك يا زمن هذا اعتـراف اوقعـه ..
عاصي على طول المدى مهما تطـول أعوامهـا
وأعشق وأشرف من عصى حكم الليالي وأتبعه ..
وإن شفت هالدنيا جهل تعبد جديـد أصنامهـا
خل الذي يعبد صنم فـي هالليالـي ينفعـه ..

ودي لها وجه الغضب لامـن ركـع خدامهـا
لاهو معك يصلح ولا يصلح تكون أنك معه ..
ضاعت هقاوي عبدها يومـن وقـع بأوهامهـا
واللي بذر قالوا حصد محصوله اللي يزرعـه ..
وش عاد منفـوع النـدم لا داستـه بأقدامهـا
وابدت له الوجه الذي غطت عليه الأقنعـه ..
من يوم كانت وابتدت حتـى زمـان ختامهـا
الذل ما فك الردي يوم الهنـادي مشرعـه ..
واختر خويٍ ما سـأل بـقصورهـا وخيامهـا
عن جودها ولا الردى نفسـه أبـد مترفعـه ..

راعي وفا .. كفه عطا .. مايلتفـت لأرقامهـا
ينفى الذي غيره بهـا كـل الحيـاة يجمعـه ..




****
يتبع