رشـــة عتـــب ..!!

جفّ ريق الثواني لين ضاق الوريد

من ظمأ البين تكفي منك رشّة عتب

وإن تغلّى سحابك شبّ لومك وقيد

موقد النار جـــــوفي والمحاني حطب

إدمي الصمت ذوّب كل عرقٍ جميد

شمعتك كلّما ولعـــــــتها تنســكب

لو غدا في جفاك الليل برد وجليد

يكتسي من حضورك ياسمين وعنب

يولد الصبح من طلّتك صبحٍ جديد

يحتويه الهنأ من كلّ صوب وحدب

وإن غدا الشعر سيّد إنت للشعر سيد

كل ما قيل في غيرك مشاعر كذب

تدري إن القلوب إن جات كتلة حديد

تنصهر كلّما رفّت عيونك هدب

وتدري إن النجوم إلّلي تسامت بعيد

إتّساقط على بسمة شفاهك شهب

وتدري إن فـ غيابك ينجرح كلّ عيد

في عيوني.. تصوّر في يديك السبب!!

بـ إيد جرح وعذاب، وبلسم الجرح بـ إيد

وآنا بين اليدين إعصار برد ولهب

جيت كلّي مشاعر ما حواها قصيد

عاشقٍ يحتويه الشوق حدّ التعب

لك أطوّع مشاوير القصايد عبيد

وأستعين بـ حروف إسمك سلاسل ذهب

والغلا رغم جرح الصدّ فيني يزيد

لك نخيلٍ تناثر في كفوفك رطب

وإنت خذ ما يطيب لـ نفسك وما تريد

فيك فالي بعد كلّ المواجع طلب

لو خذلني سحابك والشرايين بيد

عن ظمأ البين تكفي منك رشّة عتب

رآقت لي فكآنت هنــآ