الحزن تعبير .. {والدمعه} خلاصة شعور..

/
\




الحزن تعبير .. والدمعه خلاصة شعور
والشعر مثل الدموع . وصدق الاحساس غير..

هذا اول الغيث يا حبر القلم والسطور
مبطي وانا اردّ مافي خاطري واستخير..

تعبت والوقت ينبش في قبور الصدور
واسرار الايام لو طال المدى وسط بير..

الى متى ؟ والاماني كذب ../ والصمت جور
و ( رزنامة العمر ) حتّت من ورقها كثير..

وين انت يا أغلى ظلامٍ ما يساويه نور؟
صاحِبك ودّه يكمل كل عمره ضرير..

ياصاحبي دونك القى الذنب /..| والعرف ..| سور
والنفس يا حبّها للذنب . و القلب طير..

اي والله اني تعبت ألفّ حولك وادور
ماودّي اسمع جوابك عن سؤال المصير..

شفها تساقط من عيوني كبار الامور
و اشوفك اكبر من الحاجه وحلم الفقير..

اشتقت لك .. يا قراح الما وصوت الطيور
الارض جردا ويغشاها.. الضما . والهجير..

تعال .. واكسر بحلو الذكريات الغرور
( اقولها ).. والاماني في رمقها الاخير..

وجه الحياوي لعب فيه الزمان الجسور
واللي صفالي من الايام قلب وضمير..

الحاصل إني عجزت القى لذنبك {طهور
واستغفر الله بعض الصبر مافيه خير..



/
\

مما راق لي

دمتم بكل الود

الموضوع الأصلي: الحزن تعبير .. {والدمعه} خلاصة شعور.. || الكاتب: على النيه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات