هذه قصيدة للشاعر ،؛، طلال الرشيد ،؛، رحمه الله وأسكنه فسيح جناته ..!
نبذة بسيطه عن القصيدة :
طلب الشاعر ،؛، بدر بن عبدالمحسن ،؛، من أبو نواف أن يكمل هذه الفكرة :
$ لا هنت ،، قلي من أنت $
وقال رحمه الله أن يطلب منك تكملة فكرة أصعب من أن توجد أنت هذه الفكرة التي ولدت في ذهن شاعر آخر ...
وقال كانت هذه المسألة بالنسبة لي سلاحآ ذا حدين :
إما أن أخفق وهذا أمر سيئ في حقي .. وأما أن أنجح وهذا يمثل دفعة قوية بالنسبة لي ..!
ولكن ولله الحمد توفق في إكمالها .. وهذا بشهادة الجميع ..!
أعذروني ع الإطاله ..!
سأتترككم مع القصيدة ..!
لا هنت ...
قل لي من أنت ..؟!
ياللي أعرفك وجه .. وحروف ودار ..
يا اللي بعينك ثلج ..
تدفى فيه نار ..!
يا صاحبي الرحال ..
ما يشبهك إلا الخيال ..!
يا اللي أعرفك مثل اسمي ..
مثل رسمي ..
مثل إحساسي ونفسي ...
يا اللي اجهلك ..
مثل الأمل والغيب ...
يا صاحبي :
لا أنت بعيد .. ولا قريب ..
يا أنت غريب ..
قاسي أبد ما يوم لنت ..
وبأعرف من أنت ..؟!
جيت لك مثل أمس ..
وجيتني مثل باكر ..
قلت لك .. لو كنت فاكر ..
إني بعمري عرفتك ..
وإني ما عمري عرفتك ..!
جيتني مثل هم ..
وجيت لك مثل نجوى ..
قلت لك : والله ما أقوى ..
إني أتحمل غموضك ..
صاحبي : من به يعوضك ..؟!
إنت السؤال ..
تنساه كل الأجوبه ..
مثل الخيال ..
عجزت حقيقة تقربه ..!
جيت لك يوم اللقاء ..
جيتني يوم الوداع ..
قلت لي : فل الشراع ..
رحلة ضياع ..
يا ديرتي اللي ادلها البارح ..
وضيعتها اليوم ..
وضيعت معها النوم ..
ولحاف روحي والحلوم ..
وبرد الشتاء جارح ..
وكل العيون تلوم ..!
يا الواضح الغامض ..
يا العاذل الواعظ ..
في يوم عرس الشمس ..
كل الظلام اللي حضر مرفوض ..
أنا أكرهـ اللي أكرهه فيك الغموض ..
وأحب اللي ينوض بمبسمك أو بالنحر ..
وأحب اليم والأظلم ..
في العيون .. وفي الشعر ..
وإن كان تسأل من أنا ..؟!
أنا اللي في دنياك أبد ما قد آمنت ..
ويمكن ..
أنا : أنت ..!
والله يرحم ابو نواف ويجمعنا فية بجنات النعيم ويغفر له اميين يارب
العضو الأكثر نشاطاً هذا اليوم 
العرض الشجري
