(اهل الكويت)
قصة شروق الشمس .. ما بدت أمس ..
حكايه أطول من سوالف عود ..
لأطفال الفريج ..
قصة الما .. والجناين والاريج ..
سوالف السيف العتيج ..
ماهو عبث .. حطها الله تاج ..
في راس الخليج ..
قصة الحب الحنين ..
في شايب أكبر مـ السنين ..
قال بسجوده يا إلهي ليت ..
جنّة الدنيا فـ بيت ..
قام الله أعطاه الكويت ..
من فرّق الملح ..
بين الصبايا والشواطي والعيون ..
من سيّل الما في الغصون ..
غير الكويت الغاليه ..
لعيونها كلّش .. يهون ..
عندي أمل ..
تجفف أفراح اللقا .. دمعٍ همل ..
عندي أمل وايد كبير ..
ياكر يجي صوت البشير ..
يبشر عيون الحيارى ..
بالنصر ورجوع الاسير ..
وش ينفض العهن ..
عن وجه شمس الصبح ويرد الكسوف ..
عن جيد مياسٍ هنوف ..
هيّ الكويت الغاليه ..
حنا أهلها وإنتو الضيوف ..
هذا البحر ..
لو ياخذ وجيه النواخذ ما ضفَر ..
عندي أمل وايد قريب ..
باكر جروح أهلي تطيب ..
ويعود محبوب الحبايب ..
الغايب اللي ما يغيب ..
والشايب اللي من سنين ..
قال بسجوده خاشع ياليت ..
أهل وفاهم بالوفى له صيت ..
قام الله أعطاه الوفى ..
كل الوفى ..
أهل الكويت ..
العضو الأكثر نشاطاً هذا اليوم 
العرض الشجري
