الله يعين اللـي سـرا ليلـه ونومـه مااهتنـاه
قامت هواجيسه تحيطـه مـن يمينـه والشمـال
يسـرح ويضـوي ويتفكـر ماحصلـه مبتغـاه
وان قال تبغى تستوي قال الزمن مالـك مجـال
الحـظ مايـل يندبـه لعـل ينهـض ياعسـاه
يرقب عسى شمس الفرح تشرق وطال الليل طال
ايمنـي نفسـه بالفـرج والهـم يبحثلـه خفـاه
حسبي على بعض الهموم اللي تثيـر الانفعـال
الفكر عيا يسعفـه كالبيـر لا مـن شـح مـاه
ياشين حاله يوم غيره لاشـرب يشـرب زلاال
حاله كما حال الضعيف اللي ولا حيـن رعـاه
خلوه ربعه والقرايب وانقطـع حبـل الوصـال
يصيح ينخى يعتـزي واللـي يجاوبلـه صـداه
من كبر حملن فوق متنـه لا يطـاق ولايشـال
يقول ابصبر كودي أظفـر والبـلا وقتـه بـلاه
ولا فاد به صبره ودمع العين فوق الخـد سـال
يالله ياسامع دبيب النمـل مـن فـوق الحصـاه
يامحصي اوراق الشجر يامحصي حبات الرمال
يا اكرم كريمـن مايـرد العبـد لامنـه دعـاه
ياواحدن خيـره مضـى فينـا وفينـا لايـزال
أفزع لمنهـو جـاك يسعـى يامـلاذه يارجـاه
امجنبن كل الخلايـق يـوم قربـك راس مـال
يالله عبدك ضاق به هالكـون مـن كـل اتجـاه
حقق له احلامن لها في داخل الصـدر اجتـوال
قصيده للشاعر : ناصر بن مقحص السهلي
العضو الأكثر نشاطاً هذا اليوم 
العرض الشجري
