طـــــلال الــرشـــيد(دموع حائل)

للمرحوم الامير طلال الرشيد..هذه المشاعر قيلت في وقتها
وهنا اردت اعادة نشرها في بعد حيي





صوتيه هنا

مل قلب غدى بين الحنايا يلوج =
=والله اني ماالومه لويزيد النحيب
صرت من لوجته انوح مثل الخلوج =
=يوم قفى حواره يسحبونه صويب
جاني العلم ماصدقت كثر الهروج =
=قلت يمكن اشاعه من ردي النصيب
شلني ماسمعته والقدم ماتدوج=
=في مكاني ودمعي فوق خدي صبيب
اشهدان المنايا شيدتله بروج=
=في سمانا وصرنا للمراثي نجيب
التطم بالضماير كل ساحل وموج =
=كيف جرح الطنايا عقب موته يطيب
مات راع الطويله مستفيض النتوج =
=مستميل الهمم راع القلم والاديب
راح واقفت ركابه يوم حان الخروج =
=مات شيخ الطنايا والمنايا تصيب
وهلت دموع حائل بالمحاجر تروج =
=صار ينعي فراقه الخوي والغريب
وخيم الحزن كله والتصاريف عوج=
=جعل ربي يعوضه بالجنان الرطيب
والمشاعر عظيمه والمثايل تهوج =
=والقدر بامر ربه لاامربه يصيب