ريف

هي *ريف*هبة من الله أرى بعينيها جمال الدنيا... وأبتسامتها أجمل لوحة وضحكاتها لحن حياتي و...و...و...أترككم مع ريف

تعال ياحرفي بكتب لي أبيات

ب اللي خذت قلبي وفكري معاها

مهما كتبت من الشعروالعبارات

تتعب حروفي لأجل توصف حلاها

له بسمتن تخلف عقولن رزينات

وله ضحكتن يطرب خفوقي صداها

ومن ما سمعها تنطق أنصاف كلمات.

فاته كثيييير بدنيته من هنااها

وخطواتها تفتن ..ما أشوف خطوات !!

نسمة هواء كل العطور أحتواها

وزادت حلاته أن ربطنا قرينات

وشباصها الوردي يكمل حلاها

أجمل برائة لا عطتني أبتسامات

أن جيت أعاتبها بلحضة خطاها

ياروح روحي يابداية حكايات

يابلسم جروحي ويااا..منتهاها

أدووووخ من لمعة هذيك السنينات

والحسن والفتنة ب فمن حواها

وله نضرتن تسحر مع العصر بالذات

ليامنها ظمت (عروسة )معاها

ألعابها تنطق فرح بس.. بسكات

هنيتها وأغليتهااا من غلاها

وياحضها بلمسة هذيك الكفيفات !

وغوايشه "كفه" هو اللي زهاها

العذر منكن وآآآسفة ياالبنيات

"ريفي "خذت كل الحلا وبه تباااها

1*12*1432


أتمنى تعجبكم ..

سنجاريه
رائعة خاطرتك مذهلة كلماتك
راقي اسلوبك ... اقف هنا متأملا
جمال العبارة وعذب الصياغة
دمتِ شمعة مضيئة
ارق تحية وازكي سلام

خاطره جميله
سلمت ايدك سنجاريه

الريف تستاهل ماكتبتي من ابيات
الله يخليــها دام قلبــك معـــاها

تنقل من قسم الخواطر لهمس القوافي
وهناك شعارنا يعطوك الملاحظات ان وجدت ويوجهوك التوجيه الصحيح ان لزم الامر ..صح لسانك على هالمشاعر الرقيقة تجاه غاليتك ابقاك الله في كنفك ..وسعداء بتواجدك ..

ابيآت جميله
بجمآل ريف وروحك
حفظها الآله ورعآها ..
نص رائع
سلم نبضك وسلمتِ ..

عوافي ياالخيالي على المرور الأكثر من رااائع ...لا عدمناك

خفوق ...الأجمل شوفة أسمك ياالغلاا

أنفاس ...أسعدني تواجدك ولاعدمنا طلتك

على النية ...الله يسلمك والرائع مرورك بصفحتي ياالغلااا

صح لسانك أبيات جميله جدا استمتعت بقرائتها ‏..‏ الله يحفظ ريف ‏ ويخليهالعين ترجيها ‏..‏ لاهنتي ‏‏!‏

وزادت حلاته أن ربطنا قرينات

وشباصها الوردي يكمل حلاها


ههههههههههههههه
ياحياتي هي وشبوصتها
الله يخليها لك وصح لسانك سنجارية

وزادت حلاته أن ربطنا قرينات

وشباصها الوردي يكمل حلاها


ههههههههههههه الله يخليها لك ويحماها

سنجاريه .. قصيدتك صدقيني لو نزلناها بقسم الشعر هنا .. فهو شي طبيعي جدا لانها شبه مكتمله

ينقصك بس شوي تركيز على الوزن في بعض الابيات

لكن المعاني والصور اشعريه عشره على عشره ..واقوى من قصايد كثير تنزل هنا حتى لو كان وزنها تمام

ابارك لك هالشاعريه الرائعه ونرحب بك شاعرتنا الجديده


كل التقدير

*صمت * عوااافي على تواجدك ياالغلا ومشكورة على الدعوات الغالية والله يحفظك

*نور الدنيا* عسى دووووم الضحكة يااارب ...ولو تشوفين ريف بالشباصة!! قمررر ...

أسعدتني طلتك ونورك

*مشرفنا خالد* القصيدة كتبتها بنصف ساعة ...فعذرا على أي كسر وخلل بالوزن !

ومثلك عارف كل قصيدة له لحضة ميلاد .وقصيدتي ب ريف بسبب أبتسامة منها أنولدت مشاعر جسدتها أبيات حقاَ تعجز

عن وصف ريف !....وشكرا لك