قصيده رائعه ((( معوض خير))

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
معوّض خير ياحيٍ تهقوى في الزمـان ومـال=سنينك لو رقيـت بعدلهـا يطرحـك مايلهـا
تعلّم وإعرف إن الدرب قدامك سهـل وجبـال =جبـال تطولهـا وجبـال بعيونـك تخايلـهـا
ومعوّض خير ياحيٍ وردت الماء بدون حبـال=يطول بك الوقوف وشربة المـاء ماتحصّلهـا
وقوفك عند راس البير مايسقيك لـو فنجـال =ولاينفعك شوف الجمـه اللـي منـت طايلهـا
ومعوّض خير ياحيٍ خدعك من الرجال أشكـال =تشوف أشكالها وتحطها أرفـع مـن منازلهـا
تعلّم من زمانك لاتصير مـن أجهـل الجهـال=ترى في كل يـوم تجيـك عبـره لاتجاهلهـا
إذا ربي وهب لك عقل تلقى في الرجال رجـال=تعرف اللـي يطلّـع قيمتـك واللـي ينزلهـا
ترى من بعض مايندي الجبين ويحرج الرجال=لياسـاق الميانـه فـي نفـوسٍ ماتقبّلـهـا
ومهما شفت في صاحبك من نخوه وطيبة فال=ترى بعض السجايـا كثـرة الإلحـاح يقتلهـا
معاريف الرجال ديون وديون الرجـال ثقـال=لياصرت متعافي ليش تغـرق فـي جمايلهـا
رصيدك في حياتك سمعتك مع طيبيـن الفـال=رجال الطيب والمعروف بالمعـروف عاملهـا
ولاتبدي بجاهـك فـي مقـامٍ مايسـر الحـال =ولاتشفـع لنـاسٍ ماتنومـسـك بفعايلـهـا
لياجاتك تعذّرهـا مـدام العـذر لـه مدخـال=ووقت الجد قول لهـا الصحيـح ولاتجاملهـا
وخذ منـي نصيحـه لاتصـدق كـل ماينقـال=يجـرك للنميمـه ليـن يطرحـك بحبايلـهـا
يجيلك ناقـل النمّـات بهـروجٍ تغـث البـال =سوالف في قفاك وحظك أطيب يـوم تجهلهـا
يبـرر بالحميـه والصداقـه شينـة الأفعـال=يجمّـل صورتـه بعلومـه اللـي ماتجمّلـهـا
ولو كانت حميه فيك رد المخطيه فـي الحـال=ولاكان إستمعها فـي قفـاك وجـاك شايلهـا
ترى من جاب لك ودّى وهذي عـادة النقـال=يحاول يقتنص من فمك كلمـه لأجـل ينقلهـا
ومثل ماقال عندك راح عنك وعند غيرك قـال=وزوّد عشر فوق الكلمه اللـي كنـت قايلهـا
تجنّب مجلسه لاتجلس إلا مع كريـم خصـال=تحمّـل ميلتـه وإن ملـت ميلتـك يتحمّلهـا
ولاتصبر على الجار الردي لوهي ثلاث ليـال=تضـرك جيرتـه لوكـان بيبانـك تقفلـهـا
وبيع الدار بأول سومةٍ تعرض علـى الـدلال=ورزقـك عنـد ربٍ كاتـب اللقمـه وكافلهـا
وبنتك لاتزوجها الردي لوهـو كثيـر المـال =تربيهـا علـى الطـالات وتشـوّه سلايلهـا
وكم من لاش يرمي خيبة إبنه فوق راس الخال=لوإن الخال من روس الرجال ومـن دلايلهـا
ليامنك عرفـت تميّـز الطيّـب مـن البطـال=وفادتك التجارب في الحيـاة وفـي مسايلهـا
وكشفت الفرق مابين الصحيح وحيلة المحتـال=وتعلمت الفراسه في الوجيـه اللـي تقابلهـا
بعد هذي ترى مالك غنى عن صحبة العقّـال=يدلونـك بـرايٍ ينقـض الدعـوه ويفتلهـا
يقولون الرجال اللي سوالفهـم حِكـم وأمثـال=ليامن ضاعت الحيلـه يـدل القـوم عاقلهـا
نصيحة واحدٍ جرّب وشاف من الزمان اهـوال=يقدّم لـك خلاصـة هجـرةٍ جـرّب هوايلهـا[/poem]

الشاعر/ عبدالله الهذلي

الموضوع الأصلي: قصيده رائعه ((( معوض خير)) || الكاتب: ابو الحارث || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ياسلام عليك يابوالحارث على الطرح الرائع
حكم من اول بيت الي اخر بيت

اقتباس:

المشاركة الأصلية كتبت بواسطة خلف الهديرس

ياسلام عليك يابوالحارث على الطرح الرائع
حكم من اول بيت الي اخر بيت

الله لايهينك اخوي خلف

قصيده جزلة المعآني
صح لسآن شآعرهآ وسلمت يمنآك لنقلهآ
لآهنت ,,

اقتباس:

المشاركة الأصلية كتبت بواسطة على النيه

قصيده جزلة المعآني
صح لسآن شآعرهآ وسلمت يمنآك لنقلهآ
لآهنت ,,

الله لايهينك على المداخله

اختيار راق لي
سلم شاعرها وسلمت ذائقتك

اقتباس:

المشاركة الأصلية كتبت بواسطة نايف المري

اختيار راق لي
سلم شاعرها وسلمت ذائقتك

الله لايهينك اخوي نايف المري

ابو الحارث
الله يعافيك على النقل

قصيد جميله وانتقاء عذب
سلمت اخويا ابوالحارث

قصيده جدا رائعه
الف شكر لك