قصة عمران البجيدي من عنزه

المقطع بصوت الراوي والزميل ابو فهد فواز الغسلان





هذه السالفه جرت لعمران البجيدي وهو من البجايده من عنزه ...وكان له ولد يقاله (ساير) وكان توه شاب واذا سرحت أبلهم كان يسرح معها جنب الين تاصل مع ابل القبيله ...

وفي يوم من الايام جاء واحدً قوماني يبي عسى شئ يتهياله من البل عشان يحوفه ويوم قرب من الابل وهو ينطحه ساير ويجي بينهم رمي وتصيب طلقه في ساير ويطيح مقتول ...

ويقوم هالحايف يبي يزبن للبيوت يشوفها مد النظر والرجاجيل يلحقونه وهو مايقدر ينحاش
لانه وسط ديار عنزه ويبي يزبن زبنه ويوم قرب من البيوت وهو اللى ينصى اكبر بيت بينهم
ويجي راكض والرجاجيل من وراه ويوم قرب وهو يحذف عمره حذف على البيت ويقول :

دخيل دخيل يا رجل قال عمران دخلت . ( الرجال زبن بيت ابو المقتول ساير ) والرجاجيل من وراه فقالوا: ياعمران ذابحن ولدك ساير .

وقتها أنفجع عمران فهذه مصيبه لانه زبّن الرجال يوم جاه زابن والثانيه انه قتل ابنه فقعد شوي وهو منّزل راسه بالخد ويتماسك عمره ثم قال: الرجال دخل وساير مثله مثل ساير الناس روحوا وخلوه .

ويقعد شوي الا هذه ام ساير جات تمشى مفجوعه وتقرب حتى وصلت للدخيل

ويقوم عمران ويجي وياقف بينها وبين الدخيل خايف انها مغبيهً لها جنبيه والا شئ وتذبح الدخيل فتصير مصيبه وتسود وجهه

وقال : وش عندتس يامره وهي ساكته مفجوعه وكررها عليها ثلاث مرات فقالت هألابيات :

الـحـمــد لـلـبــاري صــــدوق الـمـخـايــل

الـلـى بـلانـي باللـيـالـي بـــلاء ايـــوب

مـايـسـتــوي لـــــك يـارفــيــع الـحـمـايــل

ذبحت دخيل البيـت عيـبً وعـذروب

أدخـل دخيـل البـيـت لــو كــان عـايـل

عفـواً عـن المحـروج حــقً ومـاجـوب

تكـسـب بـهـا نـامـوس بـيــن القـبـايـل

وماراح يخلـف والـذي صـار مكتـوب

والطـيـب حبـلـه بـيـن الاجـــواد طـايــل

ولايستوي طيبً من الصبر مسلوب

مــار خـلـه دخـيـل يـاذعــار الـسـلايـل

لو كان لابني مهجه القلـب مطلـوب

وسلامة اقلوبكم
اتمني تروق لكم القصه

الموضوع الأصلي: قصة عمران البجيدي من عنزه || الكاتب: عقاب النهار || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

قصه رائعه
شكرا لك على إختيارك الرائع
سلم نبض قلبك وقلمك
دمت متألق

قصة جميلة
أخي عقاب
سلمت ولاهنت

العزوه


الله يلبسك العافيه على هالقصه الرائعه يا رائع

متميز دوماً


تحيتي

قصه ممتعه كثير شاعرنا
يديك الف عافيه يّ بطل على انـتقائها
إلهي يسعدك ويحقق أمانيك خيو..،

همس
شرف لى انه نالت اعجابك
ونور المتصفح بحظورك وخالقي
ومليون ولايكفون
يسلم قلبك وروحك
تقديري واحترامي

نبراس
شرف لى انه نالت اعجابك
ونور المتصفح بحظورك وخالقي
ومليون ولايكفون
يسلم قلبك وروحك
تقديري واحترامي

بندر
شرف لى انه نالت اعجابك
ونور المتصفح بحظورك وخالقي
ومليون ولايكفون
يسلم قلبك وروحك
تقديري واحترامي

وتم ابعيد
شرف لى انه نالت اعجابك
ونور المتصفح بحظورك وخالقي
ومليون ولايكفون
يسلم قلبك وروحك
تقديري واحترامي

يالبيه القصه ومن جااب القصه
الله لا يخلينا من بني وااااايل
تسلم أمبراطورنا والنعم فيك
وفي شااااااااعرنا فواز الغسلان
لا خلا ولا عدم منكم

ارحبي يالعنود
ولبا قلبك وتسلم روحك لغواليك
لاهنتى وشرفتى بمرورك ولاعليك زود
لك التقدير والاحترام

ياملا العافيه ابوي عقاب
يعطيك الف عافيه

شكرا ياغالي ابو ضاري ياعساك للعافيه يابعدي

:

ما اروعك ياعقاب كفيت ووفيت

قصيده مؤثره وعاداة العرب وتقاليدهم الساميه

بقت وستبقى قصصآ سترويها الأجيال وتتوارثها

:
:


تسلم على هـ القصه
الله يعطيك الف عافيه

:
: