مساء وصباح الياسمين
ل رقي ذآئقتكم أحبتي
............
ياعيـنِ لاتناميـن مع من ينـامووون
............ لين الصباح يحين وقـت إنبلاجـه
اخاف لو تغفيـن .. صدفه يمروون
............ يمكن بـ هذا الليل يبغـون حاجـه
هم من ظلام الليل كانوا يخافوون
............ منهو لهم لو نمت يشعل سراجـه
ماهو بإيديهم يـوم عني يروحوون
.............. هم يعرفون القلب مثل الزجاجه
لو ينكسر ويطيح ...ماعاد يلقوون
............. لو بعد "مية عام" طب لـ علاجـه
قالوا نجي ماأظن ممكن يكذبوون
.......... ماطولنا حييـن .. كووود انتواجـه
لكن طريق الموت ندري ويدروون
............ مايرجّـع اللي يوم ..عـدا سياجـه
"مكتوب" والمكتوب عنه يقولوون
.......... ماهو بـ كيف الشخص وإلا مزاجه
شفتي خفـوقي يـووم كانوا يغيبون
............. ياعين لجل الوصل كم درب داجه
آآحسّهم بـ عٌروق قلبي يماشوون
............ "دم الوريـد" اللي تزااايـد هيـاجه
واسمع صداهم حين بإسمي ينادون
........... وبين الضلوع العوج زاد اختلاجـه
ياعيـن لاتنامين ... يمكـن يعدوون
.............. وإلا الزمن ياعين يضحك حجاجه
وأسلى وأعيش العمر مع من يعيشون
................ وآصك باب القلب رغم احتياجـه
يمكن ننام الليل مع من يناموون
.............. وإلا الصباح يحين وقت إنبلاجـه
..........................
لشاعرتها العذبة / أحلام مؤجلة
ول كل من مر هنا 
" آآحسّهم بـ عٌروق قلبي يماشوون "
العرض المتطور
