خدمة من الإتصالات السعودية تقدر تشحن جوالك"العام" بكرت "سوا"اذا إنفصل

خدمة من الإتصالات السعودية تقدر تشحن جوالك"العام" بكرت "سوا"اذاا انفصل




- هذه الخدمة تسمى شحن الجوال العام " الفاتورة " بكرت شحن من سوا .

- يعني لو انفصل جوالك العام بسبب الحد الائتماني "استقبال " ، او انفصل بسبب عدم السداد " استقبال وارسال " او حتى لو ما انفصل ، تقدر تاخذ كرت شحن سوا " 10 ريال او 50 ريال او 100 ريال " وتكلم بجوالك العام .

- والطريقة سهلة تتصل على 1500 وتشحن جوالك مثل "سوا " واذا جيت تتصل على رقم لازم تضغط قبل الرقم نجمة ثم ثمانية ثم الرقم المطلوب مثلا :

8055XXXXXXX*

- وايضا حتى لو ماكان عندك "صفر دولي " عادي اشحن جوالك واتصل دولي مثلا :

80096655XXXXXXX*

وهذي تفيد الناس الي مايحبون يضيفون الصفر الدولي

- وميزة هالخدمة ايضا ان الارقام الي تتصل عليها ماتبين في الفاتورة نهائيا ولا يجيك تقرير بها .

- وايضا تقدر تشحن جوالك باي وقت حتى لو منفصل ارسال واستقبال ، اهم شي ما يكون الجوال ملغي نهائيا.

- وايضا حتى لو جوالك موب مفصول ومكالماتك وصلت 200 ريال مثلا وتبغى الفاتورة بس تصدر بهالمبلغ عادي اشحن جوالك بكرت "شحن سوا " وقبل اي رقم تتصل عليه اضغط على" 8* " حتى ينخصم من الشحن ولا ينحسب على الفاتورة .

- هالخدمة بتفك الناس الي ينفصل جوالهم في اوقات حرجه ويمكن تسدد ويقولون لك 902 بعد 24 ساعة يشتغل بسبب نظامهم "الدايخ " وانت مضطر تكلم فعادي اشحن وكلم .

- وايضا تقدر تحط جوالك حد ائتماني منخفض 300 ريال ، ولو انفصل تشحنها وتكلم .

- وايضا بعض الناس فواتيرهم مثلا توصل 1800 او 1000 وينفصل بسبب الحد الائتماني او بسبب الفاتورة قبل "العيد " باسبوع " وتلقى الشخص طفران فعادي يشحن ب100 او 200 ويكلم فيها .


-----------------------



عموما الخدمة احتمال يطرحونها قبل العيد او بعده

الموضوع الأصلي: خدمة من الإتصالات السعودية تقدر تشحن جوالك"العام" بكرت "سوا"اذا إنفصل || الكاتب: أمير الذوق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

الله يبشرك بالخير يالغالي
حدي ألفين وينقطع ههههههه
<<جوال هالسحليه بيجر بس تستقبل كول مي خخخخخ

ميرو مشرفنا الرائع الله يسعد قلبك على الخبر..

تقبل مروري..
بقايا حلم..

آمير الذوق

مشكور يالغلآ على نقل الخبر

أحترامي لك

يسلموو امير الذوق
يعطيك العافيه على الخبر
الله يعيننا كل يوم جاي شي جديد

امير كل الشكر لك يااهل الذوق والرقه والاحساس وماقصرت ياعزوتي


حايلي