من صاحب القصيده ؟

من يعرف صاحب القصيده ؟؟

سما ياحرفي الراهي تشـوف ان القصـيد سـبـاق000 سـمـا يـالـلـه نـبـى ناخــذ انـا ويـاك تحـلــيـقـه

الى حضرة جناب اللي مع درب الهوى منساق 000 نصيحه كان تسمعني طريق الحب توهيـقـه !!

انا اللي ذاق مر الحب 0 مرارالحب ما ينذاق 000 انا اللي من ردى حظه سطى الجرح بمعاليقه

تعبت اراوغ جروحي وعذاب الحب ما ينطـاق 000 تعبت اضغط على قلبِ يموت بشوف عشيقه

تعبت امطر هماليلي على غصـنِ بدون اوراق 000 تـعـبت اسـقـي زماليقـه ولا تـزهـر زماليـقـه

وصلت اخر مداهـيـل القصـايـد باخـر الآفــاق 000 درســت اجمل تفاصيله وعرفـت شلون تطـبيقـه

بخيالي ماطرى رجـعه خيالِ للـقـصـيـد رواق 000 طــموحي يـابــسِ راسـه واكيـد البعـد ما يعـيقـه

لو اكتب ما تيسر دفتري باصغر حروفي ضاق 00 لــو اقــرا مـاتـيـسرلـي تـعـبـت بـكـثـر تدقــيقـه!

على طاري القصيد اللي يجي من داخل الاعماق 000 كـثـيـر احـلام نـحلمهـا ولكن صـعب تحـقيقه

انـا وحـلمـي توادعـنا وداعِ مـا وراه عـنــاق 000 تركني مع ردى حظي ومشى مع قـل توفـيقــه

وانـا وقـلبي تعـانـدنا انا صـابر وهـو مشتاق 000 يـميـن الـلـه وهـو قـلبي تـمر احـيـان مـا طـيقــه!!

افـا ياسـيـد ضـلوعـي تـفـز لطـاري البواق!! 000 افـــا ( ياعيـبة العيـــبه! ) تبــي خــايـن مواثــيـقــه

افا يا مضـغـة ضلوعي بعـد ما تطـعـنك تشاق ؟!000 افـا تـشـتاق لعـيـونِ تخـلت عـنك بالضـيقــه

صـحـيح عـيونها نجـلا هـنوفِ خـدهـا الـدراق 000 ولكن عـيب يخضع له شـموخِ صـعب تـدنـيـقـه!!

افا ياقلبي الصـامل واخـبرك مـا تهـاب فراق 000 واذا يعـني مـزايـاهـا مـزايا صـعب تصـديـقـه

بغيته صادقِ مخلص ولا طاعتني ( بالطقاق!! ) 0 واذا يعني العسل ريقه؟ واذا يعني العسل ريقه !!

الموضوع الأصلي: من صاحب القصيده ؟ || الكاتب: ياسر شمر || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

اعتقد والله اعلم انها للشاعر ( ممـــــــــدوح الراوي))

لست متأكدا ولكن حصل هناك خلاف كبير حول هذه القصيدة..

بعد راسي بدر ماتقصر
يجوز احد يعرفه بالضبط
هنا بحول الله .
وفيت يابدر ولا فيك قصور