يامزونن فوق حايل تلوح بروقها

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

يـامزونـن فـوق حـايـل تـلـوح بروقهـا=في ديارن طيب اهلهـا يـنـيــر اشناقهـا
امطري ريـضان حايـل وحـمـر فلوقهـا=من غلا سكان حايـل وطيـب اخلاقهـا
راحة الـخـافق فياضـن طلـع زملوقهـا=والخزاما في دعوث(ن) زهت بارناقهـا
ديرتن طيب الخلايـق مشى بعروقهـا=ومن عطور اهل المراجل تفوح اسواقها
من شياهينـن جـبـالـه وكـور فروقهـا=ومن رحل عنها شكى الضيم عقب فراقها
يارجـالــن بالـمكـارم تـسـوق حـقـوقهـا=وياسيـوفن بـالمـلاقـى تـصــون ارفاقهـا
الـبـيـارق بالـمــعـزه تـرفــرف فـوقـهـا=والصخى والطيب فيها جـرى ميـثـاقهـا
انـجبت نـاس غـلاهـا سكـن بعـمـوقهـا=وسط شريان الضماير حنيـن اشواقهـا
العساكر دون حايل شكت مـن عوقهـا=من قرانيس الحرايـب علـى مطباقهـا
عقب وديان الوساعه تعانـي ضوقهـا=واشتكت نار الحرايب وجمـر احراقهـا
ذاق مضراب الهنـادي وشيـن فتوقهـا=واخـتـفى يبي السلامـه بوسـط انفاقهـا
ومزبن اللي في ربوعـه شكى من بوقهـا=وبين اجا وركون سلمى لقـى ترياقهـا
عند ناسن تطرب الروح فـي منطوقهـا=لين ينسى ريف شامـه وريـم عراقهـا
يارجالن حب حايل سكـن فـي موقهـا=والدواء لجروح قـلـبـي علـى مفراقهـا
قاله اللي مـن غـلاهـا نـظـم طاروقهـا=وان تركته ثار بالروح صفـق حلاقهـا
من غلاها نغلـي الـطيـن مـع طـابوقهـا=عشقة(ن)قامت تغـنـج علـى عشاقهـا
هـي غـنـاتـي بالمدايـن وذوقـي ذوقهـا=جـنـة الخافق منامـي تـحـت مشراقهـا [/poem]

الموضوع الأصلي: يامزونن فوق حايل تلوح بروقها || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات