ياصاح انا قلبي من الحب مجروح
..................جرح ٍ عطيب ٍ مالقاله مداوي
لو ينشرى قربه شريناه بالروح
..................مير البلى شوفه غدابه هقاوي
اهل دمع ٍ فوق الاوجان مسفوح
..................على الذي ماهوب للغدر ناوي
انا ادري انّه مثلي اليوم مطروح
..................لا شك ما يقوى ولاني بقاوي
لولاي اداري سر الاحباب لابوح
..................وابيع بيعات الهبيل الفداوي
لكني اجحد فيه عن كل مفضوح
..................خوف ٍ عليه من الحكي والدعاوي
حسبي على اللي حط في الدرب ساموح
..................العاذل اللي جر كل البلاوي
من اول ٍ باب المواصيل مفتوح
..................يوم ان عذّال المودده خلاوي
واليوم سد الباب لوح ٍ على لوح
..................وامسيت انا يا صاح قلبي شقاوي
العضو الأكثر نشاطاً هذا اليوم 
العرض المتطور
