مكالمه بين خطيب وخطيبته فسخت خطوبتهما

مكالمه بين خطيب وخطيبته أدت الى فسخ الخطوبه



رن جرس الموبايل للمرة الخامسة يعني كان يدق اكثر من مره وردت عليه الخطيبة ..

الخطيب : أعتقد أنا انسان مو .. تطنشيني وماتردين على تيليفوناتي ..

الخطيبة : رد السلام في الاول وبعدين نتفاهم ..

الخطيب : شو راح يكون عذرج يعني بتقولين كنت نايمه ولا قاعده مع أمي وخواتي ..

الخطيبة : الله يسامحك تتهمني قبل ما تسمع مني ..

الخطيب : بصراحة الأمر واضح بدون ماتوضحين .. ليش ماتردين على تيليفوناتي اكيد ..كنتي مشغوله مع غيري ما كنتي فاضية لي؟

الخطيبة : بصراحه فعلا كنت مشغولة مع غيرك ..

الخطيب : منو هذا اللي ماخذ عقلج وكل تفكيرج لدرجة ما خلاج
تردين على تيليفوناتي؟

الخطيبة : بصراحه يووم أكون معاه أنسى الدنيا وما فيها ف لازم ياعزيزي تعذرني..

الخطيب : وبكل وقاحه تقولين هذا الكلام يدامي وحنا بعدنا مخطوبيين واذا تزوجنا شو كنتي بتسوين ؟

الخطيبة : الله يسامحك ما في داعي للغلط مادمت انا ما غلطت عليك ..

الخطيب : كل هذا وما غلطتي.. تطنشين تيليفوناتي وماتردين علي 4 اتصالات طول اليوم ويوم رديتي الحين تقولين يوم أكون معاه أنسى الدنيا وما فيها كل هذا وما غلطتي؟

الخطيبة : هذا اللي حصل كنت مشغوله معاه وما قدرت ارد على تيليفوناتك ..

الخطيب : الظاهر ما راح نقدر نكمل هاي العلاقه ف خليج مع اللي كنتي مشغوله معاه .. و اللي فضلتيه علي ..

الخطيبة : يزاك الله خير هذا أحسن شي سويته ..

الخطيب باستغراب : ليش انتي فرحانة لفصخ الخطوبة ومنو هذا اللي ضحيتي فيني علشانه؟

الخطيبة : أنا فرحانه لان اتصالاتك الأربعه اليوم كشفت لي شيء خطير يبعدني عنك .. و يخليني أصمم على فصخ الخطوبه ..

الخطيب باستغراب : ممكن تفهميني أكثر ..

الخطيبة : انت اتصلت فيني اليوم الساعه 11.45 الظهر

و الساعة 3.45 العصر

و الساعة 6:30 المغرب
والساعة 8 العشاء


وهذا هو اتصالك الخامس اللي تكلمني فيه

الخطيب : شيء عجيب انج تتذكرين حتى ساعه الاتصال بكل دقه ..

الخطيبة : أتذكرها لأنها الأوقات اللي أكون فيها مشغوله مع اللي أحب و اللي أنسى كل شيء عشانه و بذات يووم أكون معاه في هاي الأوقات .. و أنا الحين فرحانه لأني اكتشفت انك مشغول من هو أحق بانشغالك به ، تحب تعرف أنا مع منو كنت ؟

الخطيب : منو!!!! ؟

الخطيبة : كنت مع الله ، لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها ، و أنا ماأقدر أرتبط في انسان لاتربطه صلة بالله ..

وسكرت الخطيبة التيليفون فويهه خطيبها قررت انها تبتعد عنه ..


قصة تستحق التفكير كثيراً!

الموضوع الأصلي: مكالمه بين خطيب وخطيبته فسخت خطوبتهما || الكاتب: عـآدل الغـلآ || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

اكثر الله امثالها
اشكرك
على القصه كل التقدير لشخصك الكريم

شكرا لك على المشاركه
لك تقديري واحترامي

اخوي عادل الغلا
كل الشكر على القصة..
اطيب المُنى ..

يسلمووو يالغلا بصرااااحه قلبي تقطع من الخرعه بالبدايه بس فهمت قبل يتقطع كله \

والله قصه غريبه وحلوه بجد

هو مقرود مالقى يتصل به الا وقت الصلاه
وزين ماسوت فيه
يعطيك العافيه ع القصه

احترامى وتقديرى

قصه رائعه

لكن النصيب وحظه شين


مشكووور اخوي ع الانتقاء الجميل


دمت بخير

شـكــ وبارك الله فيك ـــرا لك ... لك مني أجمل تحية .