جيتك يا عبد المعين تعين .. وثائقي مصور ..ادخل ووسع صدرك يا ((أبو شهد))

كان ياما كان في قديم الزمان

يعني يوم الخميس 29/11/1429هـ

كان فيه واحد جاي من وادي الدواسر

وده يتفرج على السيول في صبخة القصب

اللي تجيك قبل القصب على اليسار وانت جاي من الرياض

المهم الرجال وقف سيارته على جال البحيرة ونزل يتمشى

مادرى الا الماء واصل الجيب

حاول يطلع لكن ما امداه

كفراته صارت تلوص بالطين

المهم ترك موتره يمرح ويوم جاء الصبح ويفزع له راعي حراثة

حاول يسحب الجيب لكن صارت هذي النتيجه

ومن جهة أخرى

تلاحظون الزمزمية ؟؟

شكلهم وسعوا الصدر عند الحراثة

مسيكينة هالحراثة

راحت فيها

هالحين الحراثة تقول :

طلعوووووني وش لقفني أجي بهذا

المهم أشروا لراعي سقس على الخط وجاء فازع يبي يسحب الحراثة

وكانت هذي النتيجة

وهذي صورة ثانيهولاحظ قرب خط الأسفلت

وعرفوا ان الموضوع يبي يطول والدليل ترمس الماء!!

قالوا مابدهاش لازم نجيب شيول

لكن شوفوا وش صار

من شفت الطاسه اللي حاطها وراء وأنا غاسل يدي منه

قامت الحراثة تضحك

وقالت :

( قيت لك يا عبدالمعين عوزك تعيني لئيتك يا عبد المعين عاوز تتعان ) <-- طبعاً باللهجة المصرية لأنها عايشة بين مصاروه بالمزرعة

المهم قالوا الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي بالزمزمية

وقعدوا يتقهوون من البريق اللي قدامكم

ودقت سوالف

وفعلا جاء الوايت علشان يسحب هاللي غاطسين

وشوفوا وش صار؟

وتركو الجيب والحراثة والسقس والشيول

وحاولوا يطلعون الوايت

شكل هالسواق توهق وانواع الجزاءات بتطبق عليه

وحاولوا كثيراً بدون فايدة

ويوم أنهم عجزوا قالوا ما يفل الحديد الا الحديد

جيبوا الدركتر أبو جنزير

ويجيك يتمخطر ويضحك على هاللي غاطسين

لكن جاه ماجاء ربعه

تعلق اخينا وقال هذا مكاني

وجابوا عمال البلدية يحفرون وحطوا من تحته خشب يبونه يطلع لكن ما فاد

وبعد ما استفادوا من الدرس اللي تكرر عليهم في الجيب والحراثة والسقس والشيول والوايت وأبو جنزير

قرروا يسحبونهن من بعيد

ربطوا عدة وايرات في بعضهن وطلعوا أبو جنزير سحب

واللي سحبه الشيول الآخر اللي على الأسفلت

هههههههه الصبخة ما يلعب معها

على الأسفلت وعساك تسلم

ثم سحبوا الشيول

وأخيراً الحمد لله على السلامة

وهذي صورة للموقع من بعيد

يستفاد من الموضوع

1- لاتهايط اذا شفت السيل

2- حاول تستفيد من اللي توهقوا قبلك

3- ماهو كل من اتصل بالدفاع المدني يبي يطلع

وفي الأخير شكراً لمن قام بالتصوير

منقول

الموضوع الأصلي: جيتك يا عبد المعين تعين .. وثائقي مصور ..ادخل ووسع صدرك يا ((أبو شهد)) || الكاتب: ((أبو شهد)) || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ههههههه

لا حول ولا قوة الابالله
اعوذ بالله وش هذه البلوى

يعطيك العافيه اخي الغالي

هههههههههه شر البلية مايضحك ..
تقديري لناقل الموضوع ولكاتبه