:: كل عام وانتم بخير :: | |||||||||
|
التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | المشرفة المميزه |
قريبا |
بقلم : |
قريبا |
كلمة الإدارة |
« آخـــر الـــمـــشـــاركــــات » |
الإهداءات |
|
05-12-2013, 02:45 PM | #1 |
شاعـــــر
|
الغـاز اللجاوي....فقط مشاهده /حصري بعدحيي
/
لغزرقم ...(1) أتحدى من قرا لغزي يحلّــــه **** **** وأتـحدى يجيـب حلّــه بالقـصـايــد ويش بنتٍ اغلب أوقاته تفلّــه **** **** والنــهـــاريشع ويهديـهـا قـــلايــد ترجهن اللّيل وبطلوع الأهلّـــه **** **** دايـمٍ مــع جنسـها تبـقـى رقـايــد زارها خطاروموقعها يدلّـــــه **** **** من نزل في دارهـاعـاده عــوايـــد له بنات بحظنها زينٍ وحلّـــه ***** **** البنـات تفيــد ولجنــاسـه فوايـــد من يشوف عقاب باللهِ يقلّـــه **** **** يســرع بحلّـه أبوالـراي السدايـــد ((( تصميم اللــجــاوي ))) ******** ******************** ************************ تحيه للجميع ياليت لو تكون الأجابه شعراً ولو بيت واحد....... يوفقكم ربي .................................................. ..،،،،،،،،،،،،،،،،،،،،***************** بعد أن تم حل اللغز عن طريق ألأخ سلام.... حبيت أني أنزل شرح اللغز للتوظيح والفائده: إإرجع للغز: البنت اللي تفله هي زهرة دوار الشمس وهناك من يسميهاعباد الشمس..لأن تفله ...المقصود تفل اوراقها...مع اشراقة الشمس...بمعنى تتفتح أوراق الزهره تنحني وتأخذ حركه دائريه بتجاه الشمس ومع حركة الشمس..كما في الصوره النهار يشع المقصود أشعة الشمس ووصفناه ابالقلايدلأنها..! تسمى أشعة الشمس الذهبيه فهي تشبه الذهب بأاوانهاالذهبيه عندما تشرق على الأرض معلنةً بدء يومٍ جديد. زهرة دوار الشمس عندما يأتي الليل تبدأبلف اوراقهاعلى نفسها وكأنها تخلد للنوم لذالك يمضي الليل وهلة الأشهروهي غير متفتحه زارها خطار المقصود هنا النحل والفراشات التي تمتص رحيقها...وإذا ذاقت طعم رحيقها مره عادة اليها مرآآآآت ومرآآآآآت.حلّه ومنظر وجمال أخاذ... له بنات بحظنها ..المقصود بالبنات هنا البذور بحضن الزهرهوهي يذور تحافظ على جنس النبته وكذلك تعطيها جمالاً أخاذاً.... البنات تفيد... هي غذاء أي الحبوب.. وبنفس الوقت..يؤخذ منه أجود أنواع الزيوت كــــل الشـــكـــر لمن تابع وشارك........* |
|
05-12-2013, 02:54 PM | #2 |
شاعـــــر
|
لغز رقم (2) حله العشب المزروع (الثيل) الروله المنقوله حله.........
لغزنا وآضح ولاتقولو سكآرى=زآن لي نظم القوافي جدْ زان جبته من اجل التنافس والحوآرى=واذكروالمعطي جزيل الأمتنان ويش ارضٍ جت على ارضٍ بوارى=ما أنبتت ارضه شعيروهيبان قبل شهرينٍ ورى العارض توآرى=دجْت فيهاودست برضه بالهوان علمنا فيهاله حدود وجوارى=وشفتهاقبل أمس في حايل تبان قدرة الله ياعرب هاتو الشوآرى=اشرحولي كيف صاروكيف كان تصـميـم // اللــجــاوي |
|
05-12-2013, 03:04 PM | #3 |
شاعـــــر
|
لغز رقم (3) حله بيت الدبور... حله الوتد
تفضل وافتح الصفحه مدآم أنك عنيت وجيت=وحاول تكتشف معنى كنزته داخل الأبيات ألإياويش أمواتٍ مع أحياءسكنوهم بيت=بوسط البيت سكانه تعشوجيفت الأموات مصمم هندسة فنان مثبت بالبناء تثبيت=بدون أسمنت أوميده ولانجار يمه فات وهذا البيت بالأخريروح ويندثرتفتيت=يهجره كل سكانه ولاتسمع لهم أصوات وأذامليت من حله تعبت من الجهدوأزريت=تذكر قدرة الخالق رفع سبعٍ بلاهفوات تصميم اللجاوي / حصري منتديات بعد حيي |
|
05-12-2013, 03:10 PM | #4 |
شاعـــــر
|
لغز رقم (4) .... حله كلمة حلا بمعانيها الثلاث..... لم يتم حله ....حله صاحب اللغز تفسه
ياعارف(ن)للغزلآلآتحرى=قدم حلولك كان ودك تحله خوات لياجت واحده تطري اخرى=متشابهات الوصف والشكل لله ألأوله أصل الثلآث بمسمى=هي ذوقهن وأصل اللغزفيه كله من دونها بعض الخلآيق تدنى=ولبعض البشريمكن يقولون عله والثانيه تولد وتاكل وتنمى=تولد على ميت تجيه أبمحله ألأالذي يحتاط عنه تخلى=تنزل وترحل ماشفت منه غله والثالثه ياما عليها أنتغنى=مرباع خصب لعاشق(ن)شاف مله تلقى احتفال وفرحة(ن)به مهلى=والحظ للي ربعت وسط حله تصميم اللجاوي / حصري منتدى بعدحيي |
|
05-12-2013, 03:16 PM | #5 |
شاعـــــر
|
لغز رقم (5) لغز الكيف ...حله اللغز نفسه / حله الشاعر عقاب النهار
راعي الكيف عمّروأقْبس بْساع الزقاره=قعدتك ترْها طويله ماردخنّها وعمّر قالو أولْ بالمثايل حر وتكفيه ألأشاره=بس هالمره أشاره ولغزتحليله يدمّر طيرطاربفعل فاعل وحام يحوي له إماره=أطلقه راعيه عمْد ولابدا منه متأثّر ولويجيبه صاحبه ماأعطى لجلّابه بشاره=وده أنه دوم حايم يجرده وشلوه مدثّر له شبيه في فضاه وآآه ياماأجمل طياره=بس صادوه بشباك وعقبهانزّل وخمّر ولوتدقق بالمعاني يقْتلب طيرِي حبَاره=وأنت هدّاده بعينك ليا بغيته لا تذمّر (( تــــــــصــــميـــم اللــــجـــاوي )) |
|
05-12-2013, 03:22 PM | #6 |
شاعـــــر
|
لغز رقم (6)... حله العين او الحسد ... / حله الوتد
أهلاً على النيه ويامرحباعقاب=وألفين اهلاً بالوتدوالجماعه ياناشدالعلياتروس عالي المرقاب=ويمنى تحوش لصاحبه ماأسْتجاعه تقتل كثير وراح بسْبابها أرقاب=له طلقتن تقتل وماله صناعه يازين أسْمه ليانطقته به أعجاب=وألأسم ألآخر شين وذمّت طباعه بس الموكدصاحبه للخبر جاب=ماله قبول بجلْ راي الجماعه تصميم اللـــجــــاوي |
|
05-12-2013, 03:27 PM | #7 |
شاعـــــر
|
لغز رقم (7) ... الحل .. الماوس .... حله ../ محمد اديهم
قرْب لِي الفنجال مازون هيله=أبي تقهوى وأقعدالراس بالْكِيف وأجيب لغزٍلي جديدٍمديله=مايلْحقه نقصٍ ولاقول ياحِيف ياويش شيٍ وهوجديدٍ بجيله=ماله بسالف وقت الأجدادعرّيف يمْشي بأمر راعِيه من دون حيله=مطْواع وعلّمه ينقله دون تحرِيف يبقى مكّن ومن بغى له يجي له=كم مدمنٍ قابله وماهوبكييّف يروح بمْرك وكنْ حاله ذِليله=يُورِي بنفْسه بالْعجل ودون تكْليِف مدْرِي يذكّرْأويُؤنّث دلِيله=بس المؤكدأسمه مترْجم أوضِيف موجودعندك وشْ تبي بالطّويله=حتّى هلْ المقناص بسْلُومهم شِيف تصميم اللغز / اللجاوي حصري منتديات بعدحيي |
|
05-12-2013, 03:32 PM | #8 |
شاعـــــر
|
/
لغز رقم (8) الحل كرتون المناديل المزدوج 100 ... حلته الشاعره / على النيه ياويش رجلٍ مالقح منْ مزاجه=يبقى زمانٍ حاملٍ دون مايِلْد وأن جاب يتوم من رحمّه بْخراجه=يجيب توم ليالمس ميْشمهْ جِلْد كم لاعبو امن الْوامع زجاجه=غلْمانه أبداً مابهم واحدٍ صِلْد بس العجب اسمه يأنث لحاجه=معروف بقطارٍعديده وكم بِلْد له موقفٍ لياثار ريح وعجاجه=فيه الأصل وفيه التجاري وبه القِلْد تصمــيــم اللـــجـــاوي / حصري منتديات بعد حيي |
|
05-12-2013, 03:36 PM | #9 |
شاعـــــر
|
لغز رقم (9) .. الحل الفخ .... حله الشاعر / سفيني بدون مأكتب فوق لغزي بدآيه=أبختصروأدخل على اللغز طوآل ياويش رجلٍ وأنذكرفي حكايه=يدعي بلياصوت من غيرتجوال الريح تعطي له مجال ودعايه=واحيان يكفيه النظربكل الأحوال بوقات بين ونوب يسكن زوايه=وياقل سعداللي يزوره له اهوال كم قلطوبه زآد بيدام مايه =ماهوكرم ولاغايته كسب الاقوآل هذااللغزوأبقو معاه ومعايه=واظح وحلّه ياملاء بكل منوال ياجماعه الأبيات الجديده توضيح,,,,مالكم عذر حتى عباية اللغز شلتها عنه,,,,,,وينكم اسمه مذكرودوم وضعه خبايه=به شي بين ماوضع داخل شوال الزاد لأمروطاح من به شفايه=لامن قلط به جاه من الويل ولوال لغزي كشفته وشلت عنه العبايه=والشوربا حطت مع الفكر موال : : : تصـــمــيــم // اللـــجــــاوي/ حصـري |
|
05-12-2013, 03:42 PM | #10 |
شاعـــــر
|
لغز رقم (10) الحل بيت العنكبوت على الغار.... حله الشاعر/سفيني
قبل ساعه قمت أهوجس به وأغنّي=جبت لحنه خايف أكسربالوزن هذي القصيده ودون علمي اقتلب فكري بهاجس فيه جنّي=قال طعني واقلبه لغزٍومعاني به مفيده ويش بيتٍ بساع قام ودون جهدٍ بالتبنّي = وأنوجد به روح سبحانه ورزاق أل عبيده والعجب بالبيت دونه حارس وقافيه سنّي=انبنى بقياس وزن وهندسه بفن ومكيده وكان بتدقق ترى بالهرج ذكروزود فنّي=دقق تشوف الجواب بداخل الصفحه وعيده تصميم اللجاوي حصري |
|
05-12-2013, 08:12 PM | #12 |
شاعـــــر
|
لغز رقم (11) ... الحل الطوارق ....حلته/ معاني الفرقا
شفت موروث الشعرصارمتعطلْ=قلت مابه ياولد حضرقصيده اكتب ابياتٍ على المعنى وهطلْ=وأنثره مدراربابياتٍ عديده والله اني صاحيٍ ماني مسطلْ=مارخوذو اللغزبابياتٍ عديده ويش رجلٍ بالظهوراصبح مبطلْ=قبل وقتٍ فات وأزمانٍ بعيده عقل صاحي وبالهرج ماهومخطلْ=ولويعيدالجرح داره مايفيده صاريتوارى زعل وماهو ممطلْ=صار فعله سلم ماأظنه عقيده اللجاوي / حصري بعد حيي |
|
05-12-2013, 08:17 PM | #13 |
شاعـــــر
|
لغز رقم (12) ... الحل مرض الخشه الله يكفيكم شره حله/ قيس الحسيني
صرت ادور لغز وشبيت الزقآره=وبعدماكنْيت قمت أزفربخآره وجبت لغزٍ منْحبك نظْم وعبآره=ومرحبا باللي تعنى له وزآره ويش بنتٍ تنوجدفي كل حآره=وبالأخص بداري ودارك ودآره يوم ترحل وتبتعدوماهو بخيآره=ويوم ترجع وتشتغل والكاركآره يجذبه زود الدسم بليل او نهآره=والياأجتمع بالشبط تنسْب في عيآره كم نسب له من الخبرفي كي نآره=ميسمه بين وتقل دوآر طاره وكان تنشدمن كلامي لك إشاره=زرمحلات البلد وحتى العطاره شرط تلقى نوف واحمدوزود ساره=كلبوهم يرفضون البنت جاره اللجاوي / حصري بعد حيي |
|
05-12-2013, 08:30 PM | #14 |
شاعـــــر
|
لغز (13) الحل ناب ألأفعى (الداب)..حله / أسوار الحديد
أمس الصبح نزلت لغزي بسرعه =وحسيت وضعه بين ألألغازرايق والله يجيرك ماخذا بشرب جرعه=شبت عليه أسمااللهب والحرايق جابت خبره بأول ردوده ورمعه=ودليت أهوجس من القهر جد ضايق ياويش ثنتين بكاهن بدمعه=دمعة غضب تنظح بنزفه عوايق كم فرقن من لمت الخلق جمعه=متعاونات ودوم هن السبايق بعض البشرنطلب بكاهن وطمعه=تطلب بنزف الدمع بعض الحقايق متباريات بوصفهن بعض لمعه=وفيهن صفات المرهفات الدقايق حيٍ شهيروجابهن دون سمعه=معهن بقول الناس بعض الرفايق ؛ ,,,,,,,,, ((الـــــــــــــــــــــحــــــــــــــل)) كفانا الله وأيكم شره ؛ ياويش ثنتين بكاهن بدمعه=دمعة غضب تنظح بنزفه عوايق كم فرقن من لمت الخلق جمعه=متعاونات ودوم هن السبايق كم فرقن من الناس وكم أهلكن وفرقن الأحباء كفانا الله شرهنّ,,طبعاً أذا امسك احد أسنان الافعى شي تمسك الناب الاخرى وهن دوم بمقدمة الرأس بعض البشرنطلب بكاهن وطمعه=تطلب بنزف الدمع بعض الحقايق متباريات بوصفهن بعض لمعه=وفيهن صفات المرهفات الدقايق هنا الكثير من الاطباء والباحثين يطلب هذه القطرات ويطمع بالسم من اجل البحث من خلال المختبرات عن استخلاص العلاج منه وهناك أدويه كثيره مستخلصه من السم,,,,,,,,,,,,!! نعم هن يتبارن بالمشي بجنب بعض وهن شديدات البياض ,,,ورؤسهن مرهفه ودقيقه من اجل سهولة الدخول الى جسم الفريسه حيٍ شهيروجابهن دون سمعه=معهن بقول الناس بعض الرفايق
الحي اللي جابهن ونقلهن هو الافعى او الداب ومن غير سمعه أثبت العلم الحديث بأن الثعابين لاتسمع بل تحس من خلال حرشفات ومجسات بجلدها وتحدد نوع فرائسها ليضاً وتستطيع الاحساس بحركة الفريسه من خلال تلك المجسات,,,,,,,معهن بقول الناس وهي مقوله يتحدث عنها بعض العرب بأنها تمشي ومعها ملك وقد يكون كلام اسطوري لكنه قيل سابقاً,,, وهناك من يؤمن به كل الشكر لكم جميعاً أتقبل النقد بصدر رحب وكلي عذر لو وجد خلل فهوا مني,,,,, تصمـــــــيـم / اللـــــــــجــــــــــاوي,,,,,حصري بعدحيي |
|
05-12-2013, 08:36 PM | #15 |
شاعـــــر
|
لغز رقم (14) الحل المعزل اللي يكون بوسط الرأس .....حله الشاعر/ عقاب النهار
قم يالخوي واظبط لنا الكاس لاأنام=فوح لنامن ميْ توارن وزلّه وصب اشقرٍمن شاي لبتون لضرغام=يودع نفوسٍ ضايقه مسفهلّه ياويش خط ماانرسم بزرق الاقلام=يقسم بناتٍ وضعهن دوم فلّه الخط يسكن فوق وله دار ميقام=متعليٍ ودآيم يجي بزين طلّه له درب نوبن ظاهرٍ كنه أحزآم=ونوبن يروح بظلمة الليل جلّه تلقاه عندضعوف الاجناس وأيتام=وعند الغنى تلقاه في وسط حلّه كم جيب وصفه بالشعرتقل مرسام=وياماتناخى لجل وصله هلٍ لّه بس الغريبه وهالزمن جابه أحكام=صارأمتشابه بين الاجناس كلّه وصلوعلى سيدالبشروكل الآنام=اللغزواضح ومن فيكم يحلّه ؛ ؛ ؛ تصميــم / اللــجــــاوي حصري بعدحيي |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض الكل) الاعضاء الذين شاهدو هذا الموضوع: 20 | |
, , , , , , , , , , , , , , , , , , , |
|
|