[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
هوى البيض يازاحم لهيبـه شديـد البـاس=ومن عانـده يصعـد مواعـر تضاريسـه
ولو هو عزيزن يحرز الطيـب والنومـاس=كريمـن ولاتطفـي لهـايـب محاميـسـه
دليلك شليويـح العطـاوي تقـل قرنـاس=نواظر مضـاوي تجدعـه فـي متاريسـه
وهذا الامير ابن الخفاجـي غـدى نبـراس=يطـارد عنـوده ليـن غابـت مراميـسـه
وعقبه وطى درب الهلك مثل ابـن مـرداس=حبـال العـذارى شـاف منهـن لواليسـه
وقابيل وش حده لدربـن ضعيـف السـاس=يريـد الطمـع باللـي زهتهـا ملابيـسـه
وطعنة كليب برمح رجلـن مثـل جسـاس=سبـب ناقتـن للـي تجرجـر هداريـسـه
ومثله محمد يـوم يشكـي علـى عبـاس=مطاعن غرامـن مثـل شاطـر مكانيسـه
وانا اليوم مثل اللي مضى من صنوف الناس=خذتني عنـودن فـي رهايـف مواريسـه
عنودن قبل جرحه وانـا طايحـن منحـاس=نطحتـه وزادت هاجسـي مـع هواجيسـه
هنوفن غطى جسمه هلايل جديـل الـراس=وجسمن قبس بالـروح حامـي مقابيسـه
جميع الحـلا قـدام زينـه وقـع منـداس=ومـن شفتهـا فـارع رمتنـي وساويسـه
ومن عاند عيونه وقـع يشكـي اللـولاس=وزينـه غـدى مرجـع فنونـه وتدريسـه
خذت درع من بين العذارى وشالـت كـاس=ومن كان يبي الـدرس يحضـر كراريسـه
حلا الزول والمبسم وفي طبعهـا الحسـاس=تحوس الحشى واصبحت تالـي محاويسـه
بكل الحلا سـارت عنـود المهـا مـرواس=ومن غـار مـن زينـه يفـارق مجاليسـه
وثوبن على مفتول جسمه غـدى مقيـاس=حماهـا ولـي العـرش نظـرة مناجيسـه
تلالا بياض العنـق يشبـه لميـع المـاس=تقـول انهـا ليـلـة زفـافـه لعريـسـه
اجل كيف لو شفت الحبيبـه بـدون لبـاس=تقـول انهـا عاشـت بلنـدن وباريـسـه
تقول انها الليـدي ولـو مامعـه حـراس=ولو مامعـه عشـرة ريـالات فـي كيسـه
لك الله يلـو كانـت ديـاره ورى تكسـاس=غزيـتـه وجبـت اوراق نقـلـه وتجنيـسـه
وصاله عسيرن كنهـا مـن ورى مكنـاس=حزينـن ولا نسمـع غنـاوي مراويـسـه
ظروف الغـلا قشـرا ودون الغـلا جـلاس=ودون الغـلا نفـدن تزامـى طعاميـسـه
صوابـه يشـادي بنـدقـن شالهـا حــواس=ولافـاد معـلـوقـي صـلابـة كــراديــسـه
كـفـخ بالحـشى حـبـه مثـل طـقـة النحـاس=خفـوقي سجينـن قاعـدن مـع محابيسـه
اوانك سمعت بجوف صدري رجيف الفـاس=وانا اللي رجيت هـروج مزحـه وتونيسـه
وانا صعب اعيش العمر بالخوف والهوجاس=وريـم الفـلا تركـض وراهـا بلاليـسـه
انـا خـلـت بـراقـن تـلالا تـقــل مقـبـاس=قـبـل يـجـمـد البـاذر بـلافــح مـقــاريـسـه
ليالي وتلقى الـربع تشبـع مـن البسبـاس=يشـيلـه بـعـون الله رواهــا وتشميـسـه
وتـفـرح ضعـوفـن دينهـا زاد بالقـرطـاس=وتاخـذ هـل الوعـدات جيـفـة مفـاطـيسـه
عسى الريف في دار الحبايب يجي محتـاس=عنودن بوسط الزيـن غرسـه وتأسيسـه
تركني حزينن في بحـور القهـر غطـاس=حريصن على جـذب الضمايـر وتمسيسـه
الا لـيتـنـي ماجـيـت فـي حـارتـه عسـاس=ولاشفت مـن حطـت بدربـي عواكيسـه
او اني على شوفة عيونه طويـت اليـاس=ولاقمـت اداري خطوتـي عـن دبابيسـه
ولولاي خايف طيحتي مثـل ابـن فرنـاس=اركـب جناحـن يشلعـن مـع نسانيسـه
وراع الهوى سهلن تصيـده بـلا مفقـاس=مدامـه عـن الحسـاد يتبـع دواعيـسـه
هوى البيض خلانـي شبيهـن لابونـواس=ضحوكن ووسـط الليـل تبـدى كوابيسـه
واذا عاضبت مالـي بظـل الغـلا مجـلاس=والاحبـاب ماتوضـي علينـا فوانيـسـه [/poem]
العرض المتطور
