انتو وين اهاليكم عنكم ؟؟

صبحكم الله با الخير ...


مشهد 1 ..

(

تجي وتطق الشبآك
هي: والله اني ام لخمسه عيآل وهذي ورقه المستشفى قرروا لي عمليه ولآ عندي حقها وحق اللى يوكل ها العيال

هو: توكلي ع الله

هي : الله يرزقك وتفرح بعيالك لآتحرم ها الجواعى لقمه عيشتهم
هو : الله يرزقك مو انا

هي تمشى ودمعتها ع خدها
هو : تعالي تعالي خذي وامرنا لله انتوا اصلآ كلكم كذآ ماينعرف صدقكم من كذبكم

تأخذ الفلوس وان كثرت صآرت عشر ريال وبمنه اخذتهآ

)



مشهد 2

هو وآقف عند الاشاره الظهر وتافل العافيه ويآويل اللى يكلمه تحت المكيف و الظل بس الانتظآر اللى ذآبحه

شبآكه يطق وهو مشغل الاغاني ع اعلى صوت ولآ هو سآمع، واللى برآ يطق بآقوى
هو يلتفت ويفتح الشبآك وبآعلى صوت : نعععععععم

الطفل : الله يخليك ريآل بأكل من امس مآكلت شي
هو : توكل يآولد ماني نآقصك
الطفل يمسك يده : الله يخليك يآعم والله غير يضربوني
الطفل الشمس لآعبه في وجهه ومآشي حآفي واصبآعه مقطوع عشآن يمشي مع الدور

هو يطلع من جيبه ريآل وبا القوه طالع : وين اهلكم انتوا اللى فالتينكم با الشآرع خذ ولآ اشوف وجهك مره ثآنيه

...!



مشهد 3

( هو مآشي في مكان عام ومعاه اهله وزوجته او اخته
جآييه من بعييد تجري دآعسه ع الاخر

هي : الله يخلي لك ولد انت كلو وزوج انت انا تبغى سفر عند اهل انا فيه عشرين سنه ماشوف انا تعب كله شغل مافيه فلوس
هو : اقول امشي بس لآ انادي لك البلديه يسحبونك

هي : الله يخليك يآبيه والله مافيه فلوس انا الله يرزق انت

هو : اقول انقلعي عن وجهي ويدفها بيده ويمشي
تروح هي مكسوره وتدور غيره ...


اللى خلآني اكتب ها الموضوع كنآ اليوم وآقفين عند مطعم ووحده جالسه جنبه ومعاها بنت صغيره وتشحد وشوي جاتنا بنتها في السياره وتدق الباب ..
اختي عصبت تقول المفروض تستر ع نفسهآ
واشتد النقآش بيينا لآنه احنا ماندري عن ظروف ها المخلوقه اللى خلتها تلجأ لها الطريقه

كثير نآس تلجأ للأطفآل عشآن تكسر خآطر النآس ويشوهون فيهم



كثير شفتوا وصآرت لكم ها الموآقف لآحد يقول لآ ..
آذكر كنآ مع الوالد في السيآره وشوي تدق تشآديه الشبآك ومعلقه ولدها في ظهرا وتترجى
طلع الوالد وعطاها وصك الشبآك وشوي تجمعوا يمكن 6 حريم عليه

فقفل الشبآك عنهم ؛ وشوي ولآ يبي يحرك السيآره وكل وحده تتفل ع الشبآك ((-- مآضحكوآ ابد


بعرف وين الدوله عنهم وين اهلهم خوآلهم اعمامهم ..

اطفال في عز الظهر يشحدون
اطفآل مقطعه يدينهم او مشوهيين يلجأون لها الطريقه ولآ العقوبه معروفه


مآعندي اكثر من اللى قلته ..

وش بيكون موقفكم .؟

الحل الصعب



والله مواقف تقطع القلب
بس بصراحه ماينعرف صدقهم من كذبهم

والغلط منا نحن عودناهم انه نعطيهم وجه
لو محد عطاهم وجه راح يوقفون هالتصرفات

شو ذنب الاطفال اللي يتبلون عليهم وله يشوهونهم
في جمعيات خيريه مافي داعي لهذا السلوك البشع والسموحه ع هالكلمه




ياختي شو نقول غير الله يهديهم
وان شاءالله الدولة تتصرف بهالموضوع

بصراحه اخر مره رحت للعمره لاحظت ان البلديه
كانت موجوده يعني في اهتمام بهذا الشي

وهالمواقف في جميع البلدان موجوده
وارجع واقول نحن الغلطانين عطيناهم وجه وعطيناهم البيزات
بعضهم يقولون صدقه لكن اقولهم الصدقه افضل للناس المتعففين
الي مايطلبون من احد لو كانوا بااعز حاجه للمال
ويمكن يكونون اهلك محتاجين لكنهم متعففين هم اولى بصدقتك

عسى الله يهدينا ويهديهم يارب
والسموحه ع الاطاله

الحل الصعب
والله ماينعرف صدقهم من كذبهم
والله اني كل يوم وانا راجعه من الدوام
احصل وحده شايله طفل رضيع وتطلب المساعده
عند اشارة المرور ولها علي ذا الحال اكثر من
شهرين يوميا
والطفل اعمته الشمس واقول في نفسي وش الله حادها
علي ذي الظهاري
بس لانها لقت من يسفر في وجهها
مشكور وبالتوفيق

الله أعلم بخفايهم سواء صادقين او كاذبين حرام علينا ننهرهم

قال تعالى " وأما السائل فلا تنهر "

ابذل المعروف أن استطعت وادع لهم وكل إنسان محاسب على صدقه او كذبه

انا بصراحه يبكيني أطفال الأشارات وخصوصا في فصل الصيف وقت الظهر الله يرحم حالهم وضعفهم

تسلمين يالغاليه على طرحك ولكِ شكري وتقديري

دمتي بخير ..

الحل الصعب
تشكراتي وياكثرهم عن الاشارة بس من جد مايكسرون خاطري الا الاطفال الي يبيعون مناديل من جد احس انهم محتاجين
لدرجة انه هذاك اليوم يترجانا نشتري منه علبه ولا ابوه يذبحه ...اخذناهم كلهم من عنده واخذ المقسوم فوقهم
بس مايندرى اهم صادقين ولا كذابين

شــــذا

مشاهد متكررة والي يشحدون بعد الصلوات حكاية ثانية
اغلبهم اجانب...

والله ياقلبي فيه على ما اعتقد فيه مؤسسة مسؤولة عنهم
تبع وزارة الشؤون الاجتماعية اسمها مكافحة التسول
بس ماعندك احد ومضيعين الامانه بقوووووووووووة




تحياتي لك

ياعزيزي انت اذا بغيت الأجر ادفع ولاتسأل

والله فيه عوايل محتاجه ولاتلقى عشاء ولكن مايشحذوون !!

كل الشكر يالغالي على الطرح

والله حالتهم تقطع القلب
صراحةالنساء والأطفال الأجانب مغلووب على أمرهم لأن متأكد أن أكثرهم أجانب جايين عوايل تلقى زوجها يشتغل بمطعم ولا بورشة ولا ببقالة
وهي يغصبها ويمكن يضربها تطلع تشحذ يمكن طلعها مرة وأعجبه الوضع لقى كسبها يغطي مصروف ولا شي وأستانس لأن الشعب السعودي مافي أطيب منه والدليل شوف لما يصير أي نكبة لأي دولة عربيه أول مايساهم الشعب بكل مايملك
بالعربي إحنا داريين إن أغلبهم يرسلون أطفالهم ونسائهم بهالصورة عشان يستعطفون قلوبنا عليهم
لكن
المفروض المسؤل يتحرك إما يدخلهم تحت مظلة المؤسسات الخيرية أو يسفرهم لبلدهم لأن المناظر هذه تسيء لسمعة البلد
فهم مايدرون هالي تحت العباءة هي سعودية أو أجنبية
والأطفال خلها على الله الحالة حاله بهالظهاري والحرور حافي والملابس متشققة ----غصب عليك تعطيه
شكرا عالموضوع

اكثر من مرة اشوف سيارة تجي تنزل مجموعة نساء وأطفال
وتركب مجموعة ثانية في السيارة وتمشي
يعني مداومين شفتات بكل مكان
جتني وحدة تشحذ وتقول زوجي مصاب بفشل كلوي وهذي ورقة علاجه
وتوريني ورقة مطوية بيضاء سحبتها من يدها ابي اشوف الروشتة لقيتها صورة بطاقة احوال !!
عموماً اذا اعطيتهم فإن شاء الله انه يكتب لك الأجر
وإذا مابغيت تعطيهم لاتهاوشهم وترفع صوتك عليهم
قلهم الله يرزقنا وإياكم وكل مسلم
يعطيك الف عافية على الطرح الرائع

اشكر لجميع على المرور والتعقيب ,,

واللي استشفيته ان اغلب ارائكم انكم اكثر ما كسر

خاطركم هم الاطفال بس اتوقع من وجهة نظري ان هاالاطفال

اغلبهم مو اطفالهم كثيرا ما تحدث سرقات الاطفال منذو الولاده .

يسرقونهم لاجل الحاجه والبعض منهم يستخدمون اعضاهم الجسميه للبيع

والتسول عند البعض اصبح عاده .. لا يستطيع التخلي عنها ..

اذكر مره كنت بالسوق باخر الليل لان كان بكره ا العيد ويتكاثرون بهذي الفتره .. تاخرة كثيرا بالسوق الاني كنت متاخره بالتجهيز

شفت باص ياخذ هؤلاء المتسولين كلهم .. انصدمت من جد لمن شفتهم ..


طلعو يعملون لصالح شركة المتسولين ..

بس على قولتكم ما ينعرف صدقهم من كذبهم

بس اذا كنت مقتدر والله فاتحها عليك عطهم وخل

اجرك على الله ..

شطحه <<متحدثتكم بنت ماهي ولد

يعطيك العافيه الحل الصعب ماشاء الله أجد الأخوان ماقصروا

في هذا الطرح والموضوع الذي نعيشه حالياً وسوف نعيشه كذلك

في الأيام القادمه , لما نرآهـ من كثرت هذه العينات في المجتمع السعودي


عموماً لا أحكم على هذا أو هذا , ولكن ـآنا حصلت لي سآلفه وأحد يشحد في

الصنآعيه جآني والله مدري وش موديني يم الصناعيه , المهم عطآني ذآك الصك

قلت بقرىء وبشوف وش المكتوب , بصرآحه قلبي ناقزني منه ـأحسـه مآش مو صآدق

الـمـهـم ماشاء الله الصك مختم من المحكمه ومن كل شيء تحسه صحيح الصك , لكن

ماكنت مرتاح له , الشاهد في ذلك أعتقد والله اعلم إن بعض المحاكم متعاونه ومتساهله

في إخراج بعض هذه الصكوك أو ـأنهم يزورون هذه الصكوك لكي يوهمون الموآطن ~ ]

عموماً ريال أو عشره ريال مهي منقصه من ميزآنيتي شيء أبداً لن تنقصهآ وإنما يزيد

أجري , ولكن هنا ليس المال أو الريال أو العشرهـ هي من تقف أمامي وتدعني أن ّ لا

أعطي ذلك الشخص أي شيء , المشكله أعلم مايجول ويدور في بآلهم يظنون أن المواطن

أفدغ أو إنه غبي وهذا هو اللي يغبن الوأحد على أساس أنه ضحك عليك ..!!

ولكن دامك تريدها لوجه الله فالحمد لله أولاً لم يؤثر على ميزانيتي ذلك الريال أبداً وإنما زاد

من رصيد أجري .


بخصوص هذه الفئات لا أعلم عنهم قد تكون كذلك الدنيا حدتهم على ذلك الأمر والتسول

وقد يكون العكس إنما من مؤسسات وشركات تجيد وتحاول أن تكسب المال بهذه الطريقه



الحل الصعب أكرر شكري على موضوعك الجميل والحديث والله يطول في هذا الطرح تحيتي لك

ودي

/

الحل الصعب

صحيح كلامج ممكن مسروقين وممكن شركات

وربي مره جدامنا وحده تتسول وريلها مقصوصه

لما دخلوا الناس الحرم يصلون قامت وقفت

وكانت بالاساس لافتنها بشكل يبان انها مقصوصه

والله استغررررررربت منها

الحل الصعب

السموحه حبيبتي ظنيتج ولد وتم تعديل المشاركه
العذر منج ماكنت اعرفج قبل

دمتي بود

والله دي الحالة في مكة مررررررررة منتشرة
فين مكافحة التسول عنهم ؟؟؟؟

الاعضاء هنا يتبطحون بين الاقسام وعلى المكيفات ويشمتون فيهم

ترى الناس ذولا لولا ضعفهم ما وقفوا بعز الحر وتحت الشمس يسالون الناس

ياخي الواحد يتقى الله في نفسه اما عطهم لوجه لله ولا لاتشمت فيهم واتركهم

كان الله في عونهم فقراء وضعوف الله يرزقهم..

اتمنى ان الواحد يكون عنده شوية احساس ويفكر لو كان في محلهم وش راح

يكون موقفهم..

اسال الله ان يرزق فقراء المسلمين.

الحل الصعب

اهل الشر ماخلو لهل الحاجه والطيب
فرصه
استغلو المواقف والشعب السعودي شعب طيب
على العموم مشكووووووووووووره على الموضوع