.•:¨`:•. ديوان الشاعر فلاح العايد .•:¨`:•.

[ALIGN=CENTER][TABLE1="width:80%;background-color:burlywood;"][CELL="filter:;"][ALIGN=center]

السلام عليكم ورحمة الله وبركاته

يكتب بأحساس شاعر
ويرسم الحرف بريشة فنان
وتتلو كلماته أعذب
المشاعر وأصدقها
وتتوهج في سما الشعر
معنى وحبكه وتصوير وجزاله
اترككم مع ديوانه فهو اصدق بتقديمه ..

[/ALIGN][/CELL][/TABLE1][/ALIGN]

سلام يالشعر




http://www.b3b7.com/vb/showthread.php?t=65308

[poem=font=",6,sienna,normal,normal" bkcolor="transparent" bkimage="" border="none,4,burlywood" type=1 line=0 align=center use=ex num="0,black""]


سلام يالشعر مبطي قافل بابك=
زعلان مني تبي شعري على كيفك
أصبحت أخافك وأنا أول من أحبابك=
واجنب الدرب لامن شفت انا طيفك
وش فيك قاسي علي بالله وش صابك=
عشرين عام وأنا يامعزبي ضيفك
أبعتذرمنك وأرجع اصدق أصحابك=
لوقلت أبسهر عيونك صعب أنا أعيفك
صحيح ماحد(ن)ذكرني بأول كتابك=
لكنّ ماحد(ن)يعد(ن)من ملاقيفك
تبي غزل أبشرأبشروأترك عتابك=
المعركة حامية وأنا أنتظر سيفك
تذكر حبيبً إلا من جيت هلابك=
الصاحب اللي معه تحلى سواليفك
مازال في غيبتك يشتاق لأهدابك=
ويمني النفس تأصل له مظاريفك
وإليا زعل قال أنا زعلان بأسبابك=
قم أعتذر منه عده من مواليفك
وإليا طرب صاحبي لاتشرح غيابك=
أبحر معه واتركه يسحب مجاديفك
هذاك لامن رضي غصب(ن)علي جابك=
يجيبك بصدق لو حاولت تصريفك
وش فيك راجع رفيقي منكسر نابك=
قبل دقايق نغني من تواليفك
أوشفت لك واحد ماكان بحسابك=
خلاك ترجع حزين وكاشف زيفك
قال أعذر(ن)كان ماوقفت في بابك=
أخاف أغني ولا أغني على كيفك
[/poem]

ياغالية



http://www.b3b7.com/vb/showthread.php?t=65795

[poem=font=",6,firebrick,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


يـاغـالـيـة مـاعـاتـبـك غــيـــر غــالـــي=
وإلا العـذول اللـي حكـى فـرق أقـراب
ياغالـيـة مـانـي عـلـى البـعـد سـالـي=
لـو كنـت سالـي ماوصـل منـي عتـاب
يـاغـالـيـة خــفــي عــلــي الــدلالــي=
ولاتسمعـيـن لـهــرج عـــاذل وكـــذاب
يـاغـالـيـة دامـــــه تــعـــذر وصــالـــي=
لالا تـزيـديـنــي بــهــاذيــل واتـــعـــاب
ياغالـيـة كـثـر الحـكـي ســـم حـالــي=
وياليـتـهـم عـنــي بعـيـديـن وأغــــراب
والـلـي حـكـى مـاظــن فـيـنـا يـبـالـي=
فـلانـبـل الـطـيــن ونــزيــد الأســبــاب
صــبــرك مــــع يـاغـالـيـة بأحـتـمـالـي=
مصيرهـا تفـرج وتخـضـع لــي أرقــاب
دام العتـب مـن غـالـي لقـلـب غـالـي=
يخسى العذول أن فرق قلوب الأحباب
[/poem]

هلابك ياحبيبي


http://www.b3b7.com/vb/showthread.php?t=66513

[poem=font=",6,firebrick,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


هلابك ياحبيبـي والمحبـة كـل يـوم تزيـد=
ولاهم(ن) حكـي عـاذل ولافكـرت بشعـوره
أحبك تكفي أن قلته بـلا تفلسـف ولا تعقيـد=
وأنا أفهم شـروط الحـب وأتقيـد بدستـوره
أحبك يوم أقوله تشعر بصدقه ياأغلـى الغيـد=
وإذا فزت ضلوعك مـن غـلا والله معـذوره
وراها قلب يعشقني مثل عشقي بـلا تحديـد=
يحدد كل شـيء ألا الغـلا ماياصـل بحـوره
حبيبي ليش نتخاصـم ونقلـب ليلنـا تنديـد=
ترى مافيه شيء يستحق الحـزن وحضـوره
أنا أتضايق ألا مني سمعت بصـدرك التنهيـد=
أجل وشلون لاشفت الدموع بصـدق منثـوره
إذا ناوي عتب أعتب ترى بعض العتب تضميد=
جروح القلب ما تبرى إذا بالقلـب مستـوره
حبيبي والله أني ماأبي غيرك وشوفـك عيـد=
شف أشعاري إلا غنت تغني فيـك مغـروره
وإذا ذنبي غلاك الذنب هـذا زادنـي تمجيـد=
حبيبي والذنوب بحضـرة العشـاق مغفـوره
هلابك ياحبيبي والغلا لامـن حضـرت يزيـد=
يرحب بك حبيب(ن) مايعرف الكذب بشعـوره
[/poem]

صباح العطر


http://www.b3b7.com/vb/showthread.php?t=66991

[poem=font=",6,seagreen,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
صباح العطر والحب الشريف وساعة الأمطار=
صباح الوردفي خدك صباح الخيـر ياوافـي
صباح ٍ يشبه لوجهك صباح ٍ ممتلي أزهـار=
صبـاح ٍ كـل ماناظرلعينـك فـز متعافـي
صباح ٍ كل مايطلع يـدّور للجميـع أعـذار=
مدام أجمل ضياء ضوك فضوك للبشر كافـي
يعـود للغايـب وبالغيـاب يحـن للأقمـار=
يلاقيهن معاك وينسحب ويموت بـك طافـي
صباحك ياحياتـي عيـف البحـار بالمحـار=
يغوص ولا لقاء اللؤلؤ تذكر نورك الظافـي
صباحـك ميـزه أن الزهرغنالـك الأشعـار=
وأنا عندي قصيد ولا قدرت أوقّف أطرافـي
أحاول هالمشاعرتنجمع وأنـا بـلاي أنهـار=
كثير الحب في قلبي ولاأذكر كنـت خوافـي
ولكن شكل دنياالحب مليانـة كثيـر أسـرار=
وأنا توي صغير ولافهمـت الحـب ياوافـي
[/poem]

تبين أكتوف الرخم بالمواجه

http://www.b3b7.com/vb/showthread.php?t=67254

[poem=font=",6,crimson,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لا لا تقول اكتب عن الحب والشوق=
ماعاد لي في عالم الحـب حاجـه
من يوم شفت العز ياصاح مشنوق=
وأكبر شنب فينا يزيـد احتجاجـه
لا لا تقول اسكت ترى الدم محروق=
شاعر وترديـد القصايـد علاجـه
ياصاحبي مافيه بالكـون مخلـوق=
إلا إليـا ضاقـت يـدور خراجـه
ياصاحبي عدونـا يسوقنـا سـوق=
وحنـا نـدور مايهـدي مـزاجـه
ياصاحبي كم ضاعت حقوق وحقوق=
ومازال فينا من يطيـع الخواجـه
وتصدق ان ماعاد ياصاحبـي ذوق=
نبـرر الذلـه بحمـق وسمـاجـه
متى على الله تنتهي شلـة البـوق=
والمسجد الأقصى يولـع سراجـه
لوحاول الأعلام يرقى بهـم فـوق=
تبيـن أكتـوف الرخـم بالمواجـه
وتبيني أنسى الوضع وأغني بشوق=
ماعاد لي في عالم الشـوق حاجـه
[/poem]

تعال قربي




http://www.b3b7.com/vb/showthread.php?t=69050

[poem=font=",6,sienna,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تعال قربـي تعبـت أغنـي لحالـي=
ياأول مراسي الغلاوآخـر موانيهـا
قرّب ترى الكون بعدك صاير(ن)خالي=
قصائدي ماتبـي غيـرك يحاكيهـا
معقول عن هالغلا ياصاحبي سالـي=
أو خايف(ن) ياحبيبي مـن تواليهـا
أشتاقلك وأنت قربي ياهـوى بالـي=
شفني إليا قلت أحبك قمـت أغنيهـا
بنيت قصر الغلا وأصبحت به والـي=
وأسوارك محصنة محد(ن) يعديهـا
كثير منهم يبـي قربـي ولاطالـي=
مشاعر القلب ملكك وأنـت كافيهـا
غلاك ماهو كلام(ن) عابـر يقالـي=
وألا قصيدة عشان الناس أبرويهـا
ياللي معي صابر(ن)في كل الأحوالي=
محبتك صعب مخلوق(ن) يجاريهـا
ياحلو كلمة صباح الخيـر ياغالـي=
أحـس مبسمـك لقلتـه يحليـهـا
كرر كلامك علـى مغليـك لازالـي=
مسمع حبيبك يذوب بحلـو طاريهـا
قرّب ترى صعب أغني شعري لحالي=
قصائدالحـب دونــك ماأدانيـهـا [/poem]

مهما قلوب الناس


http://www.b3b7.com/vb/showthread.php?t=70209

[poem=font=",6,firebrick,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


مهما قلوب الناس تقسى على الناس=
ماأظن به قلب مـن الحـب خالـي
الله خلق بقلوب هالناس الأحسـاس=
أحـدً يبالـي بـه وأحـد مايبالـي
ماهو بذنبه كان خانـوه الأنجـاس=
الذنب ذنب اللي عن الحـب سالـي
شف دمعة القاسي إذا ذاق الإفلاس=
لـو ماذرفهـا بايـن بـه توالـي
شف حالة الظالم بحبسات الأنفـاس=
وينه عـن أيـام الكبـر والتعالـي
والمعتدي لابد فـي يـوم ينـداس=
في لحظـة ياصاحبـي وش يقالـي
لذا ياراعي الحب لابـاس لابـاس=
مافيه داعي تقول شعـري خيالـي
خذ القلم واكتب على كـل قرطـاس=
أحـب وأنّـا بالمحـبـة مثـالـي
حب عفيف مامشى درب الأدنـاس=
ماشي على منهاج عمـي وخالـي
متوارثينه في الجزيرة على سـاس=
ساس الشرف والطيب أول وتالـي
حب نفاخر به على كـل الأجنـاس=
يبقى على طول الزمن راس مالـي
ياصاحبي اكتب ولو تزعل النـاس=
وتذكر(ن)ماحد(ن)من الحب خالـي
[/poem]

ياصاحبي لله في الله


http://www.b3b7.com/vb/showthread.php?t=71046

[poem=font=",6,crimson,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] ياصاحبـي لله فـي الله أناديـك=
اسمع كلامي واترك أبليس عنّـك
إليـا تمـادوا لاتزيـد بتماديـك=
واحذر يقولوا بادي الشـر منّـك
صاحبك لخطـأ لتظنـه يعاديـك=
اصبر عليه وراح يرجـع لظنّـك
وإليا زعلت احذر يبين الزعل فيك=
مايغبن الأعداء سوء ضحك سنّك
واصنع من الأحزان شئ يسليـك=
فأن كنت شاعر زود الحزن فنّـك
وراع الردى ياصاحبي لايخاويـك=
لابـد زلات الــردي يبتلـنّـك
والصدق لوضرك مع الوقت ينجيك=
بـه التـزم فضايلـه يسعـدنّـك
وخلك طموح فقمة المجد تدعيـك=
ولاتلتفـت للمغريـات أن دعنّـك
وعليك باللي به تـزود حسانيـك=
ترى غيرهن لحتجتهـن يخذلنّـك
ولجاك ناقل هرج سكـر أذانيـك=
اللي رمى غيرك سهامـه رمنّـك
ولاضاقت الدنيـا فلابـد يأتيـك=
بعد العسر يسرين جـنّ يسعفنّـك
هذا وأنا ياصاحبي يـوم أناديـك=
منك أستفيد ولأغتني يـوم عنّـك [/poem]

صوتك يانواف الإهداء للشاعر نواف الفيصل الجربا

http://www.b3b7.com/vb/showthread.php?t=72933

[poem=font=",6,crimson,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
حي إتصالً جـاء بصوتـك يانـواف=
يفز له قلب علـى الوصـل ضامـي
فزت فرح بالصوت والدمـع ينشـاف=
دمع الفرح مافيـه شخـص يلامـي
من الموصل أو حوله بهاذيك الأطراف=
أو من ربيعـة قـال بلـغ سلامـي
للي لهم في ساعة الضيـق ميقـاف=
شمر هلي ربعـي خـوال وعمامـي
اللي حموها يوم هي خيل وأسيـاف=
دخيلهـم عبـر الزمـن مايظـامـي
رمز الكرم ماقيل فـي ذلـك خـلاف=
كل البشر تشهد لهـم فـي كلامـي
قصده يجمعهم على الطيـب ماخـاف=
من هرج جاهـل يختفـي باللثامـي
يالله تحفـظ عالـي القـدر نــواف=
اللي لجمع قلـوب الأجـواد ضامـي
[/poem]

يازيد راعي الشعر معذور

http://www.b3b7.com/vb/showthread.php?t=73861


[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يازيد راعي الشعـر معـذور=
لويكتـم أحيانـاً شـعـوره
بعض الحكي بهالزمن محظور=
ودموع الأجـواد محظـوره
قلبي تعـب رحـت للدكتـور=
ماعالـج القلـب دكـتـوره
حاولت أغني وأنـا مقهـور=
لقيـت الأبيـات مقـهـوره
سئلت أنا الناس عن مسرور=
ماحد(ن) بهم بيّـن سـروره
أوجاعهـم مابهـا مستـور=
لوقالـوا بكـذب مسـتـوره
المشكلـة نرفـع الدستـور=
ونجهـل معانيـه وسطـوره
البعض عند الطمع مسعـور=
والعذر الأسعـار مسعـوره
يأكل رشـاوي ويشهـد زور=
ولاخجـل يـوم مـن زوره
مايدري أن القبـر محفـور=
وأفعـال الإنسـان مخبـوره
الله يوسـع لـنـا بقـبـور=
وكل نفس بالكـون مقبـوره
المشكلة بعضهـم مشهـور=
وأفعالـه بقبـح مشـهـوره
ماهمـه إلا يزيـد حضـور=
لوماأستفدنا مـن حضـوره
وإليا مشى مشيت المغـرور=
وتصفـق النـاس مغـروره
هـذاك ودك يجيـه الـدور=
وتـريـح الـدارمـن دوره
يازيد هذا القصيـد شعـور=
والعيـن بالدمـع مـعـذوره [/poem]

تبي حلول


http://www.b3b7.com/vb/showthread.php?t=75363


[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تبي حلول لحالتك أشلون أدور لـك حلـول=
صارت حلولك ياوطن بيدين نـاي وغانيـة
نطرد وراها كلنا من دون لانحـرك عقـول=
نتبع مساراته غصب مثل الرشا والسانيـة
تغيـرت كـل المعالـم لاجبـال ولاسهـول=
مدامنـا فانيـن عـادي لـو تبعنـا فانيـة
متى نفيق وننهي السكره ونرجع للأصـول=
وألا الكرامة حرمت ترجع لنـا لـو ثانيـة
حتى المنابر تشتكي من ضيمها قل الفحـول=
يومه تزمجر ندعي بـأن السعـادة دانيـة
اليوم لامنبـر ولاأحـد بنـا يقـدر يقـول=
بس نتمنى تكون أيادي من جلدنـا حانيـة
تعبت أناظر للماسي يارفيقـي فـي ذهـول=
إليا نسيـت الصدمـة الأول تجينـي ثانيـة
ماني متشاءم لوزمان الذل والعتمـة يطـول=
لكنّ لي نفس من الأوضـاع ماهـي هانيـة
في هالزمن ياصاحبي أن كنت تبغى لك حلول=
دوّر لحن صاخب ولا تنسى تجيب الغانيـة [/poem]

لوتعتذر


http://www.b3b7.com/vb/showthread.php?t=76539


[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] ضاقت وجيتك يارفيقـي مـن الهـم=
والله يعين اللي من الوقـت مهمـوم
صديت عن غيرك ولوهـو ولدعـم=
ماهو ردى فيهـم فلانـي بمضيـوم
هـم بقلبـي قلـت يمكنـه ارحــم=
أجي رفيقي وأشرحه وأبعـد اللـوم
تدري وش أصعب شئ ياصاح يصدم=
لقالوا اللي حولـك أشفيـك مغمـوم
أخـاف مـن نـاس تزيـد وتكلـم=
وأنا ماني ناقص كـلام مـن القـوم
حسيت يوم(ن)قلت لك وقـف الـدم=
وعجزت أقول اللي بقلبي من علـوم
حاولت أوضح لك وأنا عاجز أفهـم=
وش سر خوفي وأنت طيب وشغموم
ولو تعتذر ياصاحبي قلت لـك سـم=
تبقى وسط قلبـي مقـدّر ومحشـوم
عذرك سمين وراعي العـذر يسلـم=
وقدرك ياساس الطيب بالقلب معلـوم
عـنـدي امــل بالله والله يعـلـم=
أني لأجل غيري معـذب ومحـروم
يارب ياللـي عالـم السـر ترحـم=
عبد(ن)فؤداه من عناء الوقت مكلوم
وتفرج لعبد(ن) ضاق صدره من الهم=
واجعل حياته مابها ضيـق وهمـوم [/poem]

الجرح أكبر

http://www.b3b7.com/vb/showthread.php?t=77170


[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] أحيـان يطـري علـىّ أكسّـر أقلامـي=
وأجنب الشعر وأهـل الشعـر وألحانـه
وأصدر على أوراق عمري حكم الأعدامي=
وأريح الشاعر اللي بـي مـن أحزانـه
وأريح النـاس مـن ترديـد الأحلامـي=
وأغرق بنومي مـدام النـاس غرقانـه
لكنّي أرجع إلامـن شفـت لـي ظامـي=
يشّر على ناس مثلـه صـدق ظميانـه
وأحطهـم قبـل لأكتـب بيـت قدامـي=
وألقى القصيـدة تجينـي تقـل شفقانـة
تقول لـي لاتراجـع والهـدف سامـي=
الناس مثلك علـى الأوضـاع زعلانـه
اكتب عن اللي سرق لو دينـه أسلامـي=
مـدام جنـب ويمشـي خلـف شيطانـه
واكتب عن اللي يقول المـال لأعمامـي=
فلايمهـك حـلال ونــاس عميـانـه
وعليك باللـي علـى مسكيننـا حامـي=
ولاجاءه راعي ظهر زيّـن لـه لسانـه
وعليك بالجاهل اللـي صايـر أعلامـي=
لافــاد داره ولاحـبــوه جـيـرانـه
وكم فيه مسوؤل صاير واجـب ألزامـي=
خططـه متناقضـه وأفـكـار تعبـانـه
قلـت أتركينـي أعيـش لباقـي أيامـي=
الجرح أكبر من أهـل الشعـر وأوزانـه
ياذا القصيدة طلبتـك باأكسـر أقلامـي=
أصبحت أخاف القصيـد وكـاره ألحانـه [/poem]

دعاء وإبتهال

http://www.b3b7.com/vb/showthread.php?t=78003

[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]



مال الضعيف إليا بكى غير يدعيك=
ياواحد(ن)مارد عبد(ن) لجا لـه
ارحم ضعيف(ن)جاء لبابك يناجيك=
ماعنده إلا موحد(ن) في سوالـه
وإلاذنوبه تحرجه يـوم يرجيـك=
بس الأمل بك تسعده فـي مآلـه
يالله يارحمـن عبـدك ينـاديـك=
على كثر مااذنب ويشطح خيالـه
لكن يسلي النفس لقـام يطريـك=
أنك رحيم يرحم اللي سعـى لـه
يارب ياللي تعلم بحـال راجيـك=
لاتحرمه رحمتك وأغفـر خمالـه
عبدك ولد عبدك وجا بذل ناصيك=
جاء يطلبك وأنت عليـم بحالـه
وعندي طلب يالله لاترد داعيـك=
أغفر لأبوي وجنة الخلـد فالـه
يالله تجمعنا تحت ظـل كرسيـك=
في لحظة تنسى الحنونـة عيالـه
والختم عد اللي بهالكون يدعيـك=
صلي على الهادي محمـد وآلـه
[/poem]