هنا مساحة حرة خاصة لشغب طفولتك ..
باسمك اللهم نبدأها ..
هل كان لديكِ حب استطلاع وفضول ،تصل إلى تكسير ألعابك ..؟
أكيد ^^
و كانت تعتبر مجاهده و صامده اللعبة اللي تصبر معي يومين ^^
* * *
صفاتك الخُلقية والخلقية ورثتها من والدك أم والدتك ..؟
الخلقية قليل أشبه لهم << ما تدري من طالعه عليه ^^
أما الخُلقية << الطباع يعني ..
أشبه أبوي أكثر شي ..
* * *
وجبتك وشرابك المفضلين ..؟
كنت أحب الكبسات << قبل أيام الرجيم ^^
أما العصير كنت و لا زلت أحب السفن أب << أهلاويه صميم ^^
* * *
هل كنتِ تقلدين وتتصرفين كأحد والديك أو أخوتك .. ؟
لا كنت قليل أقلد أحد ..
لي طبعي الخاص << امحق طبع ^^
* * *
حدثينا عنها كما يحلو لك ..
كانت طفولتي شقيه لدرجه مو معقولة ..
بس أحسن شي إني أخذت حقي من الدنيا ..
و عشتها بالطول و العرض ..
بس سمعتي بالعائلة راحت فيها ^^"
بحكم إن كل البنات مؤدبين و أنا اللي خربت أطباعهم بشقاوتي و لقافتي ^^"
* * *
مكان الميلاد ..؟
حائل ..
ترتيبك بين أخوتك ..؟
الثانية ..
أكثر شي يزعج أخوانك منك وأنت طفل ..؟
اللقافة و إني أتدخل بشؤونهم بحكم إني كنت نسبياً أكبرهم ^^
من الأقرب لك أبوك أم أمك في طفولتك ..؟
الله يخليهم لي كلهم ..
بس أبوي كان أقرب لي أكثر من أمي ^^"
أمي ما تعطيني وجه تدري بعوابتي و طول لساني ..
عشان كذا أنصب على أبوي و يصدق ^^"
موقف ما زال في ذهنك ..؟ ( سعيد أو حزين )
هو مو موقف واحد لكن يتكرر ..
و هو طلعة يوم الخميس ..
كان جدي الله يرحمه يعزم العائلة كلهم بالمزرعة ع الغدا يوم الخميس ..
و لما يجي العصر نرجع لبيته ..
كانوا يجلسون خوالي وخالاتي بالجلسة جنب البيت و يسولفون لحد المغرب ..
الشباب يروحون يلعبون بالملعب بعيد شوي .. و البنات يجلسون يشجعون جنبهم ..
أما أنا كنت رايحه جايه مع وسط الملعب << أخرب عليهم المباراة ^^"
كانت أيام حلوه و قسم ..
لكن الله يرحم الحال الحين ..
جدي توفى الله يرحمه والمزرعة ما احد يجيها و أرض الملعب باعوها خوالي و الجلسة صارت مواقف سيارات ..
يعني مالي من طفولتي إلا ذكرياتها ^^
و ما أدري الموقف سعيد أو حزين .. انتم احكموا ^^"
أعز صديق لك ..؟ ومن أي دولة ..؟
قصدك أيام الطفوله !!
ياكثرهم ..
و كانت صديقتي هي اللي تلعب معي ..
يعني كل لعبه صديقه ^^
و كلهم من حائل ..
أصدقاء الطفولة هل مازلت متواصل معهم ..؟
لا بسبب انتقالنا لأكثر من حي << جيل الإيجارات ^^
كنت تحب تلعب مع البنات أم الأولاد .. أكثر ؟
بلاش فضايح حبيبتي ..
ضروري أجاوب يعني ^^"
تصدقين إني ما أذكر بنات خالاتي و أنا صغيره^^"
ما أدري ليش بس ما لهم وجود بذكرياتي ^^"
أول صفعة في حياتك .. وش سببها ..؟
مرة خالي ^^"
ضربتني عشان ضربت ولدها ^^
كان أصغر مني بسنه مو حيل صغير يعني << ترقع السالفة ^^"
أفضل لعبة ..؟
أي لعبه فيها ركض أموت فيها ^^
و من الإلكترونيات كمبيوتر العائلة << كسرته من كثر اللعب ^^"
أحب مكان تتنزه فيه ؟.
فيه غير جبال حائل بعد حيي ^^
أفضل فلم كرتوني ..؟
هايدي ^^
ليدي , سالي , كابتن رابح و موكا موكا << أم الشطف يا شيخ ^^"
هوايتك في الطفولة ..؟
كل يوم شكل ^^
على حسب المود ^^"
حلمك الطفولي ..؟
أصير مدرسه ..
و بعدين تمنيت أصير دكتورة << حلم إبليس ^^"
مطربك المفضل ، أغنيتك المفضلة كـ طفل ..؟
حاولت أتذكر ..
ما لقيت غير فوق هام السحب لمحمد عبده << لا تسألون ليش ^^"
إذا عادت عجلة الزمن للطفولة .. ما هو الشيء اللي بتغيره ..؟
و لا شي أبداً ^^
صف طفولتك باختصار ..؟
روووووعه ..
عشتها بكل التفاصيل ..
و مستحيل أتمنى أعيش غيرها ^^
إذا ما عندك مانع حط صورتك وأنت طفل ..؟ << ما أعتقد أحد بيشوف هالسؤال ..؟
بصراحه ما عندي صور << ما قطعتهم أنا ^^"
لكن حتى لو عندي ..
مستحيل أشهر بروحي ^^
لأني كنت مشهوره ذيك الأيام ولو بنزلها بيعرفوني كل الناس ^^"
***
كل الشكر هايدي على فتح المجال ..
لذكريات الطفولة ^^
الله يعيدها بكل خير << بعد هالعمر ^^"
أتمنى أكون خفيفه عليكم أنا و شقاوتي ^^
و تقبلوا ودي و تقديري ..
انتهى ..
العرض المتطور
