:: كل عام وانتم بخير :: | |||||||||
|
التميز خلال 24 ساعة | |||
![]() ![]() |
![]() ![]() |
![]() ![]() |
![]() ![]() |
قريبا![]() |
باب الحنين
بقلم : براق ![]() |
![]() |
![]() |
كلمة الإدارة |
![]() |
![]() |
![]() |
|
![]() |
#1 |
" الآميرة النائمة " ![]() |
۩۩ 14/9.. مع الحكواتي ..} أحلام الطفولة{ ۩۩
|
![]() |
![]() |
#2 |
![]() ![]() ![]() ![]() ![]() ![]() ![]() ![]() |
السلام عليكم ورحمة الله وبركاته : طاب يومكم احبائي على الطاعه والقبول ![]() () هايدي .. شاكره لك على الأفكار النيره وأدارة الموضوع بأحسن مايكون و عالأستضافه عزيزتي طبعا انا راح أذكر لكم قصتي في الحج مليئه بالمواقف والعبر اتمنى ان أوفق بالسرد بصراحه كانت من اجمل أيام عمري .. ماراح أنساها .. تابعو معي ... |
![]()
قال رسول الله صلى الله عليه وسلم " من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"
|
![]() |
#3 |
![]() ![]() ![]() ![]() ![]() ![]() ![]() ![]() |
اهلا فيكم الحمدلله تيسر لي الحج قبل أربع اوخمس سنين .. سنة الغرق يمكن تذكرونها المهم .. كانا تقريبا اربع حريم وثلاث شباب ثنين اخواني وواحد ولد عمتي وتأخرنا على التسجيل مع الحملات المهم لقينا قبل الحج بيومين واحد معه جمس سوبر قررنا نروح معاه حتى أذكر ذيك السنه كان فيه لخبطه بأي يوم يكون يوم عرفه لأن الشهر كان ناقص . المهم طلعنا من حائل على مكه مرينا من عالميقات وأحرمنا ونزلنا نشتري لنا شبشب الله يكرمكم وطقمنا كلنا من رجال ومن حريم بلون واحد ومن الميقات دايركت عالحجز .. واحنا داخلين مكه كان فيه تفتيش عالستيكرات << يالله بداية خير طبعا الحبيب صاحب الحمله ماحط على سيارته ستيكر الترخيص .. مع ان بنته تقول ان الستيكر أستلمه ونزله بالبيت يقول انا كل سنه احج بدون ستيكرات وخرابيط المهم حبكة الا بستيكر ونجلس يوم كامل بسيارتنا بالحجز .. والله مير نتقهوا ونضحك على اشكالنا نقول صرنا مثل طاش ماطاش وبالليل دبرولنا واحد يطلعنا بواسطه خخخخخ وطلعنا الحمد لله على أقرب مكان بمنى ننصب فيه الخيام ومن بكرى رحنا طفنا بالحرم .. وكانو ثنين من الشباب اللي معنا بالحمله .. ماسكين العالم تنكيت وتعليق وحش واحنا البنات شوي نستغفر وشوي نضحك من قلب بس نقصر أصواتنا .. غصب علينا وطفنا بالحرم كل اللي بالحمله سوى .. والشباب هذولا الله يهديهم معتبرين الحج كأنه رحله سياحيه .. ولا مرت من عندنا حملة الفلبينيين كلهم صغار وقصار أعوذ بالله .. ليتهم مامرو تقطع خوينا من الضحك حتى تلخبط جلس يقول لبيت اللهم لبيت .. بدل لبيك اللهم لبيك المهم خلصنا من العمره ورحنا أكلنا حاجه عالسريع ورجعنا للخيام ونمنا عاد والله ماأذكر احنا رحنا وين بعدها ناسيه والله كل اللي أذكره يوم الجمره الأولى .. الحمد لله تيسرت لنا رحنا الفجر الساعه ثلاث قبل العالم وكان الناس قليل واتصل واحد من الشباب اللي معنا بالحمله على واحد شرطي كان مستلم ذاك اليوم بنفس موقع الجمرات .. ومشى معنا هذا الشرطي حتى وصلنا لحوض الجمره الأولى طبعا أخوي الكبير كل التعب عليه يمسكنا كلنا يالحريم بيده الله يآجره واخوي اللي اصغر مني وولد عمتي .. مايتكل عليهم آخذين الدنيا ببساطه وراحة بال واصلا ولد عمتي أحنا نتغطى عنه مو صغير يعني وانا أبعدت عن أخوي لأنه تعب ورحمته وصرت امشي وراه واحنا مقبلين على حوض الجمرات .. الا كانو فيه ناس قبلنا مخلصين ويبون يطلعون واحنا داخلين بوجيههم وكانو مصاريه طوال .. انا ماأدري وش السالفه مادريت الا اللي جاء بوجهي ومو راضي يوخر عني وانا ألف وأمشي معاه مدري كيف سويت كذا واهلي مادرو عني .. الا الشرطي اللي جاء معنا كان عيونه علينا ومسكني مع كتفي وقال يابنتي لاتلفين معهم ولفني بيده وخلاني أتجه يم الجمرات والله كل ماأذكر هذا الشخص أدعيله بكل وقت لولا الله ثم هو ولا كان انا الحين ضايعه وزايده هم اخوي واهلي همين .. بس الحمد لله وطلعنا من الجمرات ماعلمت أحد باللي صار ورجعنا للخيام نمنا وبعدين جابو فطور وأناظر بأخواني الا مصلعين صايره روسه جحه الا ولد عمتي رفض يحلق شعره يقول شكلي يضحك ويالله وبالله سوى تقصيص لأنه ابو الشباب من اللي يهتمون بشعورهم ويطولونها ويسوون قصات وحركات ولما جاء وقت الغداء احنا يالبنات رفضنا ناكل مالنا نفس بس الرجال ماشاء الله منفتحه نفوسهم << ياويلك لو يسمعونك ولما جاء وقت العشاء كذا بعد نمنا ماأكلنا شي والرجال منصدمين .. يقولون كيف عايشات عالجوع ويتصل اخوي يقول معقول قولن ايش نجيب لكن واحنا نجيبه .. قلتله لاخلاص أصلا احنا نايمات ونقوم من بكرى على صلاة الفجر ميتات من الجوع يومين ماأكلنا شي واحنا بالخيمه نسمع أخو وحده من البنات يقول البنات ياحرام من البارح ماأكلن شي ونادانا بصوت مرتفع يابنات عندنا قشطه تبون أنتم ماأكلتم من البارح واحنا نقول بصوت مرتفع نسينا أنفسنا أيه << حتى كلمة أيه قلناها من قلب جلسو يضحكون علينا قالو باين اللي ميتات من الجوع وراحو للبقاله وجابو لنا فطور على قولتهم فطور الملوك ولما جاء وقت الغداء رفضنا نتغدى وأكلنا باقي الفطور وقبل صلاة العصر بشوي قالو يالله بنروح نرمي الجمرات الثانيه والثالثه وبعدها أذا سهل الله نمشي وقالو كل بنت توكل أخوها لأنهم يقولون مكان الجمرات هناك زحمه مررررره واحنا رفضنا قلنا لا ودنا احنا اللي نرمي الجمرات المهم وبعد محاولات مع الرجال .. قالو يالله تروحن معانا وندور لكن أقرب مكان للجمرات ونجلس فيه أذا كان زحمه أحنا نرمي عنكم والحمد لله والشكر .. ماخلونا بالخيام تدرون ليه تابعو معاي القصه ونروح معاهم ونجلس على طرف الرصيف فيه مكان وجلسات الرجال ماراحو كلهم جلس نصهم عندنا وراح نصهم ولما يجون اللي راحو أول يروحون اللي جلسو عندنا . المهم واتأخرو علينا واحنا جلسنا نتصل عليهم و والشبكات مزحومه ورجع نصهم ونصهم تأخر واللي رجعو يقولون الباقين ضيعناهم والجمرات مره كانت زحمه حتى فيه شرطة من المشاه توفو الله يرحمهم بسبة تنظيم الحجاج وبعد مانشفة عروقنا وارواحنا من الخوف على اللي راحو .. كل شوي جاي واحد الحمد لله بالتقسيط المريح ويوم اكتمل العدد قررنا نمشي نطوف طواف الوداع ونمشي على اهلنا واحنا بالطريق .. كان الوقت تقريبا قبل المغرب بنص ساعه وامطرت واحنا نمشي على رجلينا بالبدايه كان المطر خفيف بعدين أشتد المطر أظطرينا أن نوقف بأي مكان لحد مايوقف المطر شوي الا المطر يزيد وتكثر الحوادث من شدة الزحمه والماء يملا الشوارع ويوصل للساق تقريبا ونلتفت الا أخوي وولد عمي ماندري وينهم وندورهم مالقيناهم واحنا واقفين بالشارع ونتصل لجوالات تعطلت من المطر .. حتى أذكر جوالات اخواني كانت فيصليه وجوالي كان الثعبان في ذيك السنه كان الثعبان توه طالع وصاير أكشخ شي بين البنات خخخخخ ![]() المهم .. وبعد عناء طويل من الخوف والبحث .. أتصلنا عليهم وقالو أنهم وصول للمسجد اللي كان عند خيامنا ولما رجعنا مالقينا خيام لقينا الشعيب كله سايل وجرف الخيام وأغراضنا كلها معاه (( الحمدلله ماخلونا بالخيام وأخذونا معاهم ولاكان الحين جارفنا السيل )) ونرجع للمسجد ماعندنا الا الله ثم هو يآوينا وملابسنا كلها مبلله وشناطنا راحت مع السيل ولقينا المسجد بعد محيوس ونجلس بالجمس طول الليل ثيابنا مبلله والجو برد بعد المطر ولما هدا المطر راحو الرجال لخيامنا .. وأنقذو مايستطيعون إنقاذه ودورت على شنطت اليد حقتي مالقيتا واخوي يقولي وصفي لي شكلها واخذ شوي الا جاب لي شنطة وحده مصريه فيها حوستها قالو هاه في احد ضاع له شي .. سكت أبي الفكه أبي نمشي بس وكان وقتها مابقى شي على صلاة الفجر وكان لازم نطوف طواف الوداع رحنا وشرينا لنا ملابس وغيرنا ملابسنا الغرقانه بالمويا وذبحتنا بالبرد بعد لما صلينا الفجر على طول رحنا للحرم المكي الشريف علشان نطوف طواف الوداع وقلنا كلنا لأخوي ماصابنا الا بلوى هالشباب اللي كانو آخذين الحج تسليه وأذنبو بحق أنفسهم وحقنا كثير كل واحد يطوف مع محارمه احسن وتفرقنا كل واحد ماسك أخته ولاحظنا الفرق أرتحنا كثير والحمد لله خلصنا على خير ومشينا لأهلنا بحوستنا بعد الغرق وتذكرت قول الرسول صلى الله عليه وسلم (( من حج فلم يرفث ولم يفسق رجع كيوم ولدته أمه)) وتمنيت لو كل من يحج يتجنب مافعله الشباب الأثنين اللي كانو بايعينها وهمهم بس يضحكون ويضحكون اللي معاهم نسأل الله لنا ولهم الأخلاص بالعمل والتوفيق والسداد ()()()() وتوته توته خلصة الحتوته ![]() فيه احد عنده نقاش أو أستفسار ياشباب وشابات بس لايكثر تكفون ![]() ![]() |
|
![]() |
#4 |
" الآميرة النائمة " ![]() |
أهلين .. بحلومه .. << ما تسير هايدي لو ما أقتبست وحركشت بكم .. ![]() اقتباس:
شبشب الله يكرمكم وطقمنا كلنا من رجال ومن حريم بلون واحد
<< تفطس ضحك عليهم .. ![]() اقتباس:
حملة الفلبينيين كلهم صغار وقصار
أعوذ بالله .. ليتهم مامرو تقطع خوينا من الضحك حتى تلخبط جلس يقول لبيت اللهم لبيت .. بدل لبيك اللهم لبيك ولا شكلو ما ينطق حرف (ك) ييقول (ت).. << تستهبل ![]() اقتباس:
ومسكني مع كتفي وقال يابنتي لاتلفين معهم ولفني بيده وخلاني أتجه يم الجمرات
والله كل ماأذكر هذا الشخص أدعيله بكل وقت لولا الله ثم هو ولا كان انا الحين ضايعه كنتي ألحين عايشة مع العائلة المصرية .. اقتباس:
وطلعنا من الجمرات ماعلمت أحد باللي صار
<< بتنجلد . ![]() اقتباس:
وبعد مانشفة عروقنا وارواحنا من الخوف على اللي راحو ..
كل شوي جاي واحد الحمد لله بالتقسيط المريح والله موقفكم صعب .. الحمد لله إنهم جو بالتقسيط ولا كاش .. اقتباس:
ودورت على شنطت اليد حقتي مالقيتا واخوي يقولي وصفي لي شكلها
واخذ شوي الا جاب لي شنطة وحده مصريه فيها حوستها قالو هاه في احد ضاع له شي .. سكت أبي الفكه أبي نمشي بس ![]() بس كويس سكتي .. لو كانت الغراب رجوجه .. كانت للآن في مكة تدور شنطتها .. ![]() اقتباس:
لاتسمعون كلام هايدي تقول حركشوها قامد
حركشوها أوي أوي .. الله يجعلها حجة مقبولة .. والحمد لله ع سلامتكم .. الله يعافيكِ ..ويسلمك أستمتعت بالحكاية الشيقة .. شاكرة لك من القلب . لقبول الدعوة .. طاب يومك ![]() |
|
![]() |
#5 |
![]()
زهره في الرمال
![]() ![]() ![]() ![]() ![]() ![]() ![]() |
الحمدلله علا سلامتكم والله موقف صعب برد وامطار وتعب وجوع
الحمدلله يارب علا رجوعك سالمه حلوووومه والاهل ... احلام الطفوله ... ربي يسعدك ويعافيك امتعتينا بحديثك ![]() |
![]() .. أنا يكفيني لامني رح ــــلت أترك صدى أسمي تزين با الوفــا ولو البشر خــآنــو!! |
![]() |
#7 |
اداري ![]() |
الحمدلله على السلامه
اخوي كان حاج بنفس السنه هذي وشفت صور الامطار واصله للفندق اللي هم فيه شلون انتم اللي بالخيام اشوى مير اللي رحتوا معهم بس ياليتك قايله لنا وش فيها شنطة المصريه ![]() تسلمين يالغاليه على الحكايه اسعدتينا الله يسعدك |
![]() ربيّ لآاعلَمْ مَاتحمِلهٌ الايّامٌ ليّ لَكنْ( ثِقتيّ ) بِانكَ معّي تكفَينيْ ![]() |
![]() |
#8 |
الأمــيـــر ![]() ![]() ![]() ![]() ![]() ![]() ![]() |
ههههههههههههههههههههههههههههههههههههههههههه
احلام الطفوله الله يعطيتس العافيه والله شي هارحله ومواقفها بس بصراحه عجبني اخووتس ولد عمتس رايقين ونواع الحش هههههههههههههههههههههههههه ربي يسعدك على الحكايه الحلوووه |
![]() ![]() |
![]() |
#10 |
![]() ![]() ![]() ![]() ![]() ![]() |
اقتباس:
الحمدلله تيسر لي الحج قبل أربع اوخمس سنين .. سنة الغرق يمكن تذكرونها
![]() اقتباس:
الا ولد عمتي رفض يحلق شعره يقول شكلي يضحك ويالله وبالله سوى تقصيص
![]() اقتباس:
ولما رجعنا مالقينا خيام لقينا الشعيب كله سايل وجرف الخيام وأغراضنا كلها معاه
![]() ![]() اقتباس:
وتذكرت قول الرسول صلى الله عليه وسلم (( من حج فلم يرفث ولم يفسق رجع كيوم ولدته أمه))
وتمنيت لو كل من يحج يتجنب مافعله الشباب الأثنين اللي كانو بايعينها وهمهم بس يضحكون ويضحكون اللي معاهم نسأل الله لنا ولهم الأخلاص بالعمل والتوفيق والسداد ![]() بس مايصير حج فيه حب صح ![]() ![]() اقتباس:
بس كويس سكتي .. لو كانت الغراب رجوجه ..
كانت للآن في مكة تدور شنطتها .. ![]() لو سمحتي لاتقولين لي غراب تذكرينن بالغربه ![]() يالهدهد الشايب ![]() ![]() حلوومه..تسلمين على الموقف الشيء وياحليلك انتي واخوك وولد عمتك والله انكم فله ![]() <<كل الرد فيسات ![]() خيتك رجوووجه |
![]() تغيب شمسي عند بعض الموآني و أقول طآحت للبحر .. ~ ( فكرة أطفال ) ..! و أعيش كِل الليل حِلم و أمآني و أصحى مع ( الِمذّن ) .. و أقول : الفجر طآل ،
|
![]() |
#11 |
" الآميرة النائمة " ![]() |
اقتباس:
س مايصير حج فيه حب صح<<ولا كيف ياهايدي
حلومه أنا ما قلت شي .. بس صححت كلام الغراب .. إنجاز .. أول مره الهدهد والغراب يتفقوا .. اقتباس:
<<كل الرد فيسات
ولا تستخدمي الفيس بتاعي ![]() << رجعت للهوشه .. ![]() |
|
![]() |
#12 |
![]() ![]() ![]() ![]() ![]() ![]() |
اقتباس:
![]() اقتباس:
<<بيحبو الهواش ![]() |
|
![]() |
#14 |
![]()
والسعاده؟ فيها من عيونك كثير
![]() ![]() ![]() ![]() ![]() ![]() ![]() |
الله يقبل حجتكم جميعآ
. وهـ وهـ فديت حآئل > توووي أدري إنك من هذيك الديآر ![]() ![]() الآن أبدأ التعقيب بالتفصيل . . .ههههههههـ أخوك ولد عمك سآلفتهم سآلفه تدرين لو إني معكم كآآآآآآآآآآآآآن فضحتكم > ماتصدق سآلفه فتحت الكشره متريييين إلآ شوي . أمآ سآلفة الغرق تخووووووووف لو صآرت لي الحآدثه بتوب أحج ولآ المصري يآآآآآآآمآمي > يرقع قليبي من أشوف وآحد طوووويل حلووووووووووووووومه يسعدك ربي قولوآ آآآآمين ,, |
|
![]() |
#15 |
"روح لايمسها عابر" ![]() ![]() ![]() ![]() ![]() ![]() ![]() |
أولا حجا مبروكا وسعيا مشكورا
موقف لاتحسدون عليه الحمدلله اللي هونها عليكم دمتي في حفظ الرحمن |
![]() كيفْ أقنع
نبض قلبي ب /..الرحيل .. |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
![]() |
|
لا يوجد اسماء لعرضها |
|
|