صاحبت

صاحبت

[poem=font="simplified arabic,7,black,bold,normal" bkcolor="white" bkimage="" border="double,8,black" type=2 line=0 align=center use=ex num="0,black""]
صاحبت قرأني بدال الأصاحيب=وخاويت من سجدات الاسحارعاده
وذخرت للضيقة طوال المراقيب=وسجّة عصر مع مجرهد الحماده
وان حل بي كربٍ وحزة مواجيب=نصيت ربٍ ما يرد أعتماده
محيي هميد الارض في ساعة الصيب=بردم السحاب الي يعقّرِب زناده
وافراج ربك له رعاة ومناديب=والله جعل له صفوة من عباده
على عظيم الشان كل المطاليب=العزم عزم الله قوي الإراده
بين أصبعينه تستدير الدواليب=ويصّبِح إليا من راد حيٍ جماده
عند الله الواحد جميع المكاسيب=ماكلف إبن آدم سوى بالعباده
[/poem]

متعب الفارس

تسلم يابوفارس وصح لسانك عدد نجوم السماء ولله درك
كتبت فأبدعت لاعـــــــدمنا وجووودك.

تم التنســـــــــيق

شاكر لك مجهودك يابو طارق وصح الله بدنك لاعدمتك

قصيدة مميزة من مميز
صح لسانك وعلا شأنك

يسلّم قلبك شاعرنا الفاضل
الهي يسعدك وَ يديمك

نعم الصاحب ونعم الصحيب .... ما اروع الحرف التقي النقي الصادق الجميل
أبدعت بكل حرف كتب هنا ...... اللهم أدمها من صحبه ولا تحرمه أجر هذه الكلمات الصادقه
صح لسانك

صح لسانك مليون ولا يسدووون

صح فكرك وبوحك الراقي دمت ودام نبضك

ماااحلا من السجده اخر الليل

يسلم لسانك وبنانك

الله الله صح لسانك ابيات فخمه شكرا

صحت ابدانكم اخواني خواتي وكل من رد وشاهد
الله يسعدكم ويحفظكم من كل مكروه

صح الله لسانك شاعرنا الراقي المبدع دائماً

يسعد ايامك ع البوح المميز


ابدعت لروحك الشهد


دمت كما



تحب

شكرا للاخوان والخوات الذين اسعدوني بمرورهم هنا // كل المنى والتقديرلكم