أُوبريت قمر ليل حائل .. كلمات البدر ..

شمس بلادنا والقمر
كلمات - صاحب السمو الملكي الأمير بدر بن عبدالمحسن بن عبدالعزيز
الحان – طلال باغر
اداء الفنان – عباس ابراهيم .
يا قمر ليل حايل.. شق ستر السحاب

لجل نسمر بنورك.. لين وقت السحر

غط رمل النفود بفضتك والهضاب

واسكب الضي.. يجري ف الاديرع نهر

غرد الصوت وغني بالقوافي العذاب

كن بقعا قصيد وكن جبه وتر

يا هلا.. يا هلا بك يا عزيز الجناب

يا قريب لشعبك.. يا بعيد النظر

يا ملك كل غليٍٍ فوق هذا التراب

ويا بعد كل غالي في جميع البشر

انت ريف الضعيف وبلسم للصواب

وانت عطفك غدير وقو عزمك صخر

يابو متعب نحبك لا يطول الغياب

لو تواضعت حنا فيك تهنا فخر

ويابو متعب حملت همومنا والعذاب

وحقنا اليوم ندعي لك بطول العمر

ويا قمر ليل حايل وان نويت الغياب

ضيفنا اليوم.. شمس بلادنا والقمر

***
يا بعد قلبي وعيني

في البروق.. شف وجهك.. في الشروق

في السما بين الكواكب.. انتي فوق

ياللي حبك في العروق.. دم جاري

أنتي قلبي.. وانتي اهلي.. وانتي داري

جنة لو كنتي صحاري..

ياللي في صدري الخفوق

***
يا بعد قلبي وعيني انا احبك اسمعيني

لحظة من مجدك حياتي حفنه من رملك جبيني

صدقوني الأرض واجد بس ارضي فيها ميزه

تشهد أن الله واحد ودايم حره عزيزه

أعشقك ليلي ونهاري جنه لو كنتي صحاري

ياللي في صدري الخفوق

***
الوطن ما هو مباني لا طريق ولا مواني

الوطن ما تحت جفنك واللي ما بين المحاني

صدقوني الناس واجد بس ما في الناس مثله

السعودي والله شاهد ثابته عروقه في رمله

يفخر بارضه يماري جنة لو كنتي صحاري

ياللي في صدري الخفوق
***

منقول

هلا بالغلا حايلي
تسلم ربي يعافيك على الاوبريت
وصدقني اوبريت حلو
عسى يكون اتقانه حلو امام ابو متعب
ربي يسعدك حايلي
لك مني كل التقدير

اخوك
الساري

اقتباس:

المشاركة الأصلية كتبت بواسطة الـ ساري

هلا بالغلا حايلي
تسلم ربي يعافيك على الاوبريت
وصدقني اوبريت حلو
عسى يكون اتقانه حلو امام ابو متعب
ربي يسعدك حايلي
لك مني كل التقدير

اخوك
الساري

هلا بك ياعزوتي
الله يسلمك ويسلم غاليك
صدقت انه حلو
انشالله انهم متقنينه صح
ويسعدك انشالله
شاكر لك المرور ياعزوتي


حايلي

مشكور حايلي
ربنا يوفق بس عشان يرتاح ملكنا
انشالله

اقتباس:

المشاركة الأصلية كتبت بواسطة بقعاويه

مشكور حايلي
ربنا يوفق بس عشان يرتاح ملكنا
انشالله

العفو ياعزوتي
انشالله ربنا راح يوفقنا ويرتاح ملكنا بديرتنا
شاكر لك هالمرور



حايلي

الله لايهينك حايلي
ننتظر جديدك
ياسنايدي


خلاوي

اقتباس:

المشاركة الأصلية كتبت بواسطة الخلاوي

الله لايهينك حايلي
ننتظر جديدك
ياسنايدي


خلاوي

لاهنت ياعزوتي
شاكر لك المرور يابعدي



حايلي