قصة المثل ((العود من اول ركزه ))

بسم الله الرحمن الرحيـم





المثل منتشر ومعروف بين اغلب الناس... اليوم اخترته لكم ... وبشرحه
مع شوي بهارات

(( العود من اول ركزه ))

وسالفة المثل تقول كان فيه جارين فلاليح او مزارعين ... توفت زوجة واحد منهم وخلفت عند زوجها عيال ..والظاهر انهم صغار.

فحز بخاطر الجار العيال الصغار وشلون هالابو بيناضر مزرعته ولا يربيهم وينتبه لهم !!! فعطف عليهم... ومع الايام والليالي جاء هالجار العطووف وقاله يافلان انا ودي ازوجك
بنتي منها تهتم بعيالك وانت تقدر تشوف مزرعتك ... ومنها ... قصدي يفلها ويرجع الايام الخوالي

بس اني اخاف عليك من شي !

قال خير انشاءالله وش هالشي اللي تخاف علي فيه من بنتك ؟

قال اخاف انها تعاملك مثل ماتعاملني امها ...

امها لا تحترمني ولا تخاف مني ولا شي ..!!



( ياويلي ويلاه ياولله الرخمه ( معليش ترى هاذي خارج الموضوع )

المهم قال الرجال ماعليك انت بس زوجني البنت وحط في بطنك بطيخ صيفي والا نبوت سيف .

قال ابوها سم ... وتزوج الرجال البنت ويوم خذها لبيتها اللي هو في مزرعته.. وجا الصبح وافلحوا الناس قال اطلعي يابنت شوفي العيال هم يسقوون الغنم والا ولا ..

وكان اول يوم لها معهم فطلعت البنت ووقفت تناظـر ..وكان عنده ذود من الغنم ومثلها من البقر والحمير اكرمكم الله ..

فقال الابو للولد راعى الغنم اورد الغنم ياولد .. قال ابشر يايبه .. وساق الغنم وشربت الماء وراحت ...

ثم قال للولد الثاني ياولد هات البقر هنا ..... وسوى مثل ماسوى اخوه الاول اللي اورد الغنم وشربت وراحت

ثم قال للولد الثالث مثل ماقال لخوانه .. وهذا شاوي الحمير اعزكم الله.. وجت وشربت ماء وكان عنده حمار مايقدر يمشي وربوظ

يمشي ويوقف .. وكل الحمير راحت الا هالحمار ماقدر يمشي فجاه الابو وكان معه سيف وهو اللي يلعطه وينسف به راس الحمارو يطيح في الارض قطعتين ...

جسمه لحال وراسه لحال ...

طبعا كل هاللي صار ومرته قاعده تشوف ... فظنت ان زوجها شديد وعصبي وماعنده لف ودوران واللي مايطيعه بينسف راسه بالسيف
فصارت مطيعه له ولا تخالف امره وكل شي يقوله ويشاورعليه

تقول سم وابشر ولبيه ... وبعد وقت جا ابوها يزورهم قال الرجال التمثليه اللي سواها مع بنته ...

فأعجبت ابوها السالفه وحب انه يسويها مع زوجته اللي هي ام البنت ... يمكن تخاف منه وتحترمه وتعدل .. وفي يوم من الايام سوا نفسه ابو البنت انه معصب ويوم طلعوا كالعاده
يسقون الغنم والأم طبعا معهم والسيف مسننه ومجهزه عشان هالغرض او المشهد اللي ناوي يسويه ...

المهم يوم اسقوا كل البهايم حرن ثوور على الماء فجاء الابو وطير راااسه بالسيف .. وقال اي واحد مايسمع كلامي هذا مصيره ...
فعرفت البنت السالفه وضحكت عليه .. وقالت يايبه

((العود من اول ركزه ))

وفي روايه (( الرمح من اول ركزه ))

وسلامة الجميع

الموضوع الأصلي: قصة المثل ((العود من اول ركزه )) || الكاتب: الغند || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ههههههه بسلو قالت لا ياشيخ !!
ههه


تقديري لكي

اقتباس المشاركة الأصلية كتبت بواسطة قيس الحسيني ههههههه بسلو قالت لا ياشيخ !! ههه تقديري لكي

ههههههههههههههههه
كان علمتهااااا خخخخخخ

لمرورك ياقيس طابع خاص على قيثاااره
وربي يوفقك ويسعدك ياطويل العمر

هههههههه حيلوآ مايجوا الا بالعين الحمرا
::
يعطيك العافيه على هالقصه ياعسل
استمتعت حيل بقرائتها
الله يسلم يدينك على انتقائها
ربي يسعدك ولا يحرمنا جديدك قلبو ..

اقتباس المشاركة الأصلية كتبت بواسطة وتم بعيد هههههههه حيلوآ مايجوا الا بالعين الحمرا :: يعطيك العافيه على هالقصه ياعسل استمتعت حيل بقرائتها الله يسلم يدينك على انتقائها ربي يسعدك ولا يحرمنا جديدك قلبو ..

يالبى قلبك
العسل مايجي الا منك ياحبيبتي
شاكره لك هذا المرور

مشكورره يآآغآليه لطرح المثل وقصته
سلمتِ

اقتباس المشاركة الأصلية كتبت بواسطة على النيه مشكورره يآآغآليه لطرح المثل وقصته سلمتِ

العفو ياغلاهم
يسعدني جدا مرورك بصفحتي

الله يسلم عمرك
اى والله راحت عليه
لاهنتى
تقديري واحترامي

اقتباس المشاركة الأصلية كتبت بواسطة عقاب النهار الله يسلم عمرك اى والله راحت عليه لاهنتى تقديري واحترامي

كل الشكر لهذا الحضور المميز الآنيق

؛

قيثاره لك هنا عزف منفرد,,,,كل الشكرلطرح المثل وشرحه


دمتي بسلام يارائعه

اقتباس المشاركة الأصلية كتبت بواسطة اللـجـاوي ؛ قيثاره لك هنا عزف منفرد,,,,كل الشكرلطرح المثل وشرحه دمتي بسلام يارائعه

يالبى قلبك
اتشرف بحضورك الغالي على قيثاااره