ياقف الظرف في دربي ويكشر بنابه=واجعل العزم رمحي واطعنه واتعدّا
الردي ما نصيته تاركه سـد بـابـه=من تـردّا بغيري في لزومي تـردا
اكثر الناس عاشو عوز عيشت ذيابه=مار من هان نفسه في جبينه مصدا
المراجل عزايم والـغـنـايم نهابـه=والحقيقه بياض الوجه عندي مبدّا
تغريده للشاعر/عبدالله المفضلي
وهذي مجاراتي له
ياسلامي على اللي جزل الابيات جابه=شاعرن للشدايد في عزومه تحدا
شاعرن له مع اهل الشعر ثقل ومهابه=من نوا يكتب الجزلات فيه ايتقدا
فارسن حد سيف الشعر جود نصابه=من بحور الفرزدق بالقصيد استمدا
شاعرن من عيون الشعر تشرب ركابه=رد جزل البحور بسيف الابداع ردا
سل سيف القصيد وجرده من جرابه=واستثار القريحه بالكلام المبدا
كان ابو نايف ابدع باالمثل لاغرابه=منجمن للذهب فيه الجنيه استبدا
شاعرن للدويله كل حيّن درابه=نادرن مخلبه قد ابرق الريش قدا
جامعن في بيوته بين لين وصلابه=هدكل الجسور بحربة الشعر هدا
جاب شعرن يورث للولد والقرابه=من محيطن به الهاجوس قرّب وودا
وصاطين عند ميلات الدهر ينغازبه=بالقصايد يسجل بصمته وايتحدا
مشعل عسام التريباني الشمري في 18/9/1441هجري
العضو الأكثر نشاطاً هذا اليوم 
العرض المتطور
