إنتظروا (البيدجانه) !!

البورتقاااااله والرمانه وقريباً على الشاشه أغنية البيدجانه والزيتونه وياقلب لاتعصررر كلمات فارغه ورقصات ممتلئه كل شئ اصبح باللون الاورانجي تغلب على لون البياض وطغى على كل مايقربنا له اغتال اللون كل مراحل حياتنا وجرف تيار البرتقاله مراحل متقدمه من العمر واجتاح الاسم لوحات المحلات ونغمات الجوالات!! حتى فرق الحواري لم تسلم من تسمية الفريق بالبرتقاله (حتى ولوا كان كابتن الفريق يلعب بفنيله خباز وسروال سنه )!!
شناط المدارس هي الاخرى سوف تنعكس بتوهج اللون على اكتاف الطلاب والخوف من ان يشمل طالباتنا عن طريق المريول البرتقالي ..

عمال البلديه !!هم الوحبدون المتمسكون بأصالة اللون وعراقته .. ياعزتي لهم كل صبحً كارفين اعمارهم ولاأحد عطاهم وجه .. ولكن الدنيا ارزاق ..

هناك بالمقابل ارتفع سعر البردغان ونافس في حضوره كل مبيعات الحبحب لسبب بسيط هو انه سلب النصف الاول من مسمى (الحبحب) ليكون كفيل بشلخ القلوب بدون استخدام السكين !! (برتقال على السكين !!)

تخيلوا احدهم صرخ ذات يوم من هول ماسمع من أمه اللي تعيش مراحل الجده حينما باغتته بسؤال من طراز مفاجئ فقالت: إلا وش هالبرتقاله ياوليدي اللي صاجينا به ، وش هي من لحيه !! (حسبي الله عليهم حتى العجوز ماسلمت )!!

الغريب بالامر ان امه ماتعرف من الفن الا اسمه ( يعني واجد منه إن عرفت محمد عبده ) ..
رد ولده : يمه !! وش دراك عنه !!؟
قالت امه : ماادري سمعت الحريم يسولفن به ويتوصفن وانا مفهيه حتى إني قلت ابخطبه لك وضحكن علي !! قلت مالي إلا ولدي يعطيني برنت عن السالفه ..

مشهد ثاني من الجانب البردقاني :: حيث يقبع مجموعه من الشباب وقد اخذ منهم التسدح والتبطح كل مأخذ !! ومابين تمرات الخراف والنعول ام جلد برتقالي كان الحوار عن الفيديو كليب شفت يابو محمد الشعر وشلون يتناثر كنه مثعب بيتك اذا امطرت !! ويباغته أبو محمد بعد ان حط البياله : الا والله الشعر يتلاصف تقل لاحسته بقره !!
خل عنك مامثل ام اصفر
رد عليه : اصفرت عيونك مامثل هالككاوي !
وانت الصاتز ام ازرق وهكذا تناثرت الالوان وصمت الاذان والعقول وتطايرت العيون هنا وهناك .. ليختلف الاغلبيه على جملة : ( شلك على ابن الناس ) ..
لتتحول الى بعض الناس جلسة حريم ذات لحظه كان فيها الفصفص سيد الموقف كان الحوار عن الخلطه السريه لذلك الشعر فلا زيت سمسم ولازيت خروع يفيد ، وتعبنا يا ام ناصر غطينا شعورنا بزيت خروع وماافاد بشي !!
تهقين الوراثه تلعب دور !! ( تصريفه )
لتدخل احدهم عرض السالفه مصرحةً بأن الشعر الطويل يخليها ماتعرف تحط كعكع وبعدين لو تبي تجمعه وتلفه فوق ماهي قادره تشيل شي فوق راسه ! ( مصدقه ان بنات هالوقت يبي شلن شي ) !! إلا والله يبي من يشيلهن من زود المياعه !!

مشهد واقعي من احد الدول :: زوج يطلق زوجته بسبب البرتقاله بعد ان شاهدته يفغر الخشه أمامها بشكل هستيري .. فخيرته بينها وبين برتقالته ففضل الثانيه وهو يتراقص !!

السؤال هنا :: ماالذي احتاجته البرتقاله لتعانق ألسنة واعين العالم ؟؟ ولماذا عصرت البعض إلى حد كتم الانفاس ؟؟
الجواب :: بلا تكلف هو بإختصار هو انها مقشره نفسها وخاليه من البذور والحموضه وحينما غابت شهرة الفوار الذي يمدنا بفيتامين سي تواجدت اغنية البرتقاله لتكون هي البديل ولكن بطريقة فوران الدم ..

في الاخير حبيت اذكركم بتمادي الصوره المؤسفه للفواكه الاصطناعيه حين صرح ذلك المطرب أن اغنيته القادمه تحمل اسم التفاحه مما جعلنا نثق أن ذلك الفنان كان في اول مراحل حياته ( راعي مبسط جح وشمام ) ووقتها ماراح أستبعد إن تصوير الفيديو كليب بيكون بأقرب سوق خضره ...

ودمتم سالمين .... والله يستر علينا وعلى برتقالاتنا .. والسلام عليكم[/size][/I]

الموضوع الأصلي: إنتظروا (البيدجانه) !! || الكاتب: زيـزوم || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

[align=center]ههههههههههههههههههههههههههههه
زيزووووم
شكرا على المشاركه الظريفه
ننتظر جديدك من الفاكهه ههههههههه
تحياتى
اختك سهر[/align]

ههههههههههههههههههههههههههههاي
ههههههههههههههههههههههههههههاي
هههههههههههههههههههههههههههههاي

هلا وغلا اخوي الغالي زيزوم مشكور على المشاركه الرائعه
والله لايحرمنا منك ولا من مشاركاتك الغاليه
عساك على القوه ولا تحرمنا من جديدك
تقبل فائق الاحترام والتقدير
اخوك
نزف المشاعر

هههههههههه ههههههههههههههههههههههه

زيزوووم مشكو رعلى هالمشاركه الحلوووه

تقبلوا تحياتي
الحنون

ههههههههههههههههههههههههههههههههههااي

زيزوم

مشكور يالغالي على نشرك للموضوع

وبصراحة نقد لاذع

وعساك على القوة

وربي لا يحرمنا منك



تحياتي...





الفيصل

ههههههههههههههههههههههههههههههه

مشكور اخوى زيزوم على المشاركة الطريفة والجميلة وننتضر جديدك
اخوكم الــعـــأ بـر

مشكورين يابعد حيي على المشاركات والاطراءات ..

لكن بصراحه السالفه طالت وشمخت ... البرتقاله !!
حتى وغدان حارتنا هاك اليوم مجتمعين ويغنونه !! (اول مره يطلعون) ..
حسبي الله على البرتقاله علمتهم على الشوارع بعد ؟

[align=center]هههههههههههههههههههههههههههههههههههههههههههههههههه
ههههههههههههههههههههههههههههههههه
مشكور اخوي زيزووووووم
على ها المشاركة وربي لا يحرمنى من جديدك اخوي
اخوكم/
The End[/align]

مشكور the end يابعد حيي على مرورك ,,,,

وبصراحه توقيعك يخرع ..

واعذروني على المقاطعه لاني كنت مشغول شوي (الدراسه بدأت) ..

والسلام ,,,