لاتظن الله على الخلق اصطفاك

لاتظن الله على الخلق اصطفاك=وانت مثل الغير مخلوقٍ ضعيف
هين نفسك(ل) اصدقائك واقرباك=وخل دمّك مثل مانسمع خفيف
لاتغرّك زخرف الدنيا تراك=مرجعك للرمل لوكنت العنيف
بالتواضع عز والكبر الهلاك=التغطرس دايمٍ غبّه مخيف
احذر الشيطان لايقلع مداك=لين عقب الكبرياء تزحف زحيف
عزتي لك كان شيطانك ولاك=واخزمك خزم المهجّن للعسيف
وابعدك عن جمع ربعك واصدقاك=وانزلك وفي منزلٍ ضنك وقصيف
ياانتشر فيك الجفاء يصعب دواك=الجفاء راعيه مخلوقٍ كسيف
اغتنم نفسك عسا الله يهداك=شف طريقك قبل تصدم بالرصيف
ياخلا الشيطان بك يصعب شفاك=صار علك صعب وعلاجك كليف

(((مشعل عسام التريباني))) في 1443/8/6هــ

صح لسانك
قصيدة جزلة جزلة

صح بدنكي اختي نسمات
شكرالمروركي لاهنتي

عزتي لك كان شيطانك ولاك
وخزمك خزم المهجن للعسيف
ياسلام عليك يا بوعبدالرحمن
وهذا البيت يذكرني بقول الله عزّ وجل
قَالَ أَرَأَيْتَكَ هَٰذَا الَّذِي كَرَّمْتَ عَلَيَّ لَئِنْ أَخَّرْتَنِ إِلَىٰ يَوْمِ الْقِيَامَةِ لَأَحْتَنِكَنَّ ذُرِّيَّتَهُ إِلَّا قَلِيلً

صح لسانك وبيض الله وجهك

يسلّم قلبك شاعرنا المميز
الهي يسعدك وَ يديمك

صح لسانك قصيده متميزه شكرا

هلابك يابوعبدالرحمن وصح لسانك ملاااايييين
تحياتـي لك لاعــــــــدمنا وجووودك.

تم التنســــــيق

اخواني الافاضل
عواد العلي
وتم بعيد
امير الشمال
مشرفنا ابوطارق
صحت ابدانكم جميعا الله لايهينكم

صح السانك تعودنا على ابداعك وفقك الله

'

ليس بغريب هذا الابداع منك شاعرنا
القدير فشكرا لانك بيننا

اخوي هوجاس
صح بدنك لاهنت يبعدي شكرالمرورك

اخوي هدوؤ الجوري
صح بدنك لاهنت يبعدي شكرالمرورك

يانتشر فيك الجفاء يصعـب دواك
الجفـاء راعيـه مخـلـوقٍ كسـيـف


صح لسانك مدد بلا عدد اطربتني شعرا

الشعر سبك وحبك معنى وتجزيل.
أسبك بيوت الشعر واحبك عددها