لي صاحب ناعم حساس

لي صاحب ناعم حساس يهز غصن الرجاء نسناس ...... وأنا اجمع الدمع من خده لازلت احس بتعب واعماس ............ يعاود البال من مده لاباس ياخاطري لاباس ..... ....السيف مايجرحه حده والقلب لولا عليه اقواس ........... لا فز بعروقه تصده يمديه لاهزه الهوجاس ......... يشقق الصدر ويقده لي صاحب ناعم حساس ........ اغليه بالحيل واوده يقول لي في حشاه إحساس .......... مانيب كبره ولا قده ويقول احبك واحس بياس ....... والأمر ماهوب في يده قلت أه يالمطرق المياس ........من طاري البعدوالصده في عيونه عيونه النعاس ........ يبني لي الشوق ويهده والظبي والليل والقرناس ...... وما لا أقدر احصيه واعده ياليتي اجمع قلوب الناس ........... أشباه والضد مع ضده واحبك بها بدون اقياس ............. لين العمر ينتهي حده يازين ما في البعاد اوناس ............ ان كان لي كفك تمده عطني لعيني بعدك انعاس ................ لا تاخذ النوم وتلده وعطني لنسيانك الاجراس .......... وقلبي على مهجته رده

قصيدة متفردة فاخرة وجزلة
شكراً لك

روووعه يسلمو ع ذوقك

؛

يازين ما في البعاد اوناس
............ ان كان لي كفك تمده



صح البوح والاحساس

قصيدة جميلة ورشيقة
تصلح اغنية
صح لسان الشاعر والناقل

يسلم ذوقك عمري لك
اختيار عجبني
وقصيدة روعة

هلابك عمرك له
واشكرك ع النقل الرااائع
تمنيت أنك نقلت اسم الشاعر/ة للأمانة الأدبية
تقديري لجهودك لاعــــــــدمنا وجووودك.

راق لي اختيارك
يسلمك ربي ويحفظك

اختيار روعه
يسلم شاعرها الراقي ويسلمك على ذوقك