لما يكونون معزومين بعزيمة ...والكل مستعد وتجهز....ويطلعون برا وينادون السواق
وأخيرا يلقون السواق مو موجود
وبعد جوله على جوالات الاخوان.... وتسيرة على جوال الابو
ويأس من ظهور السواق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة
( يا ليتني ولد )
والا بجمعة عائليه ...وتخيم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين باللوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمال
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية
( يا ليتني ولد )
وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
كل شيء يهون بس اللي مايهون ايام العطل
قبل العطلة يمكن بشهر
البنات حول الابو
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة
لا وانا ابوكم ذا السنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم بالعيينه
بنفس هالوقت يدخل فيصل
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخوتي ياحلوين تامرون على شيء قبل ماأروح
إيه
سموا
تبادل
ايش
( يا ليتنا أولاد )
ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
_____________
قفلي النت
ليه؟؟؟؟؟
ابي التلفون ....وثاني مرة لعد تشبكينه فاهمة !!!!اوكي
وليه معد أشبكه
اولا أصرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
لاأحد يرفع السماعة طيب......
( يا ليتني ولد )
طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كئيبة ومملة بشكل كبيييييييير
والسواليف أغلبها تقتصر على
لبست...اشترت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس موب لازم كل ذي الهذرة-
من بتكلمين نهى ...مو لازم بكرة بتشوفينها بالعزيمة
(( هذا اذا لقت احد يوديها ))
ألحين انتظر تلفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك
__________________________________
طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التليفزون انقلب الى أداة لترويج المنكر ...كله استعراض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
(ااذاكر)
!!!!!!عرفتوا ليه البنات اشطر من الاولاد ...........استوعبتوا السر ؟؟؟؟
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف
( يا ليتني ولد )
نصل هنا للهدف من الموضوع !!
عندما تقول المرأة ،،،
((لو أني ولد)) ...
أول شيء اسويه اروح أخذ امي واخوتي وامشيهم بشوراع الرياض
ونروح نشرب لنا قهوة من توتي كافيه
ولا نمر على ملك المانجو وناخذلنا كوكتيل
والااعشيهم على حسابي
والا أفاجئهم بتذاكر لمكة عشان ناخذ لنا عمرة
والا استنى اي فرصة اشوفهم محتاجين لي فيها عشان اخدمهم
زيادة على افعالنا لهم كنساء نطبخ وننظف ونقوم بالبيت كله عشانهم !!
هذي أفعالهم عندما تتحقق أمانيهم بأن يصبحون أولادا !!
فهل فعلنا نحن كــ (أولاد) لأجلهم مايستحقون ؟؟!!
اوتمنينا يوما ان نحقق لهم بعضا من مما قرروا فعله لنا عندما
يصبحون اولادا !!
رفقا بهم فانهم يستحقون الكثير !!
شكرياتي لك حيران
موضوع جميل
اولا لا اعتراض على حكمة الله وخلقته
ولكن مو كل العوائل بالشكل هذا
بصراحه الشباب مكروفين مشاوير وحوسه وكله كوم ويوم يجوع واخته زعلانه عليه
ماله غير الزيتون يقعد يمزمز فيه المهم انا اقول حمدلله اني ولد بس
بالاخير حيران هذا
الي خلق الله كل له دوره بالحياه بنات وعيال
شكرياتي لك
الصراحه في بعض الاحيان ما اقدر لوم الفتاة على هذا الشي
فبعض العائلات مقصره فحقها وااااايد
اذا كان فخاطرها شي ودها تسويه ومحد عاطيها وجه وش تسوي؟؟
او ودها تطلع وكلهم يقولوا لها مشغول، ماني بفاضي تروح مع من؟؟؟
الاهل حتى لو كانوا مشغولين المفروض يخصصون وقت حق بناتهم
الحيران
تشكر على الموضوع
نايم اللــــــــــــــــــيل
[align=center][/align]
[align=center]تسلمين خيتو على التوقيع[/align]
[align=center]نافق تعيش
وجامل الناس تنحب
وبيع الضمير وشوف كلن يجيلك
هذا هو الدستور في وقتنا الصعب
اما تزيل الــصدق ولا هـــو يـــزيلك!!!!!!!! [/align]
دنوت منــها لأقتسم معها هــمومها .... وأســمع مــنها وأخرج ما في جوفــــها
وجدتها كالطفل اليتيم من همساتها .... تشـــكوا فــراق الوطــــن و والديــــــها
كم تـــرجيتها بــأن تمسح دمــــعتها .... وتقول هذه دموع الغربه دعني أخرجها
ققصيرة الطول كحيلة العين رموشها .... ميـــساء الخد ناعــم الأســود شعرها
انا عن نفسي ياكثر ما اكرر هالكلمتين
خاطري اطلع لكن محد يطلعني
ويوم ودي بشي محد يلبي طلبي
وش نسوي اذا كل شي للاولاد وللبنات لااااااااااااااا
بس بعد الحمد لله اقولها كل ما ذكرت ان ربي خلقني بنت
ولله في خلقه شؤون
العضو الأكثر نشاطاً هذا اليوم 
[/align]
العرض المتطور
