عظيم الحزن حرجـم واحتوانـي
على نجمٍ هوى مالـه رجوعـي
سماي اظلـم ونوّخنـي هوانـي
من احزاني على (سقم الجموعي)
طلال اقفى عسى فالـه جنانـي
الا يالله كفوفـي لـك ضروعـي
نسائلك ارحـم سهيـل اليمانـي
عقيدٍ راح عمره مـن قطوعـي
بكينـاه وبكـى معنـا المكانـي
وهلّينـا الدمـوع بكـل نوعـي
وبكاه الطيـب بدمـوعٍ هتانـي
وصاح القاف ياحزني وروعـي
وجبل شمّر عليه الحـزن بانـي
من اللي جاه من كبر الفجوعـي
فجيعـه ماينسّيهـا الزمـانـي
بجاهـك ربّنـا داو الوجـوعـي
العضو الأكثر نشاطاً هذا اليوم 
العرض المتطور
