حسن المظهر ومؤهل .. وخرطي بخرطي يامسؤولين ..!!

السلام عليكم ورحمة الله وبركاته

لما تطرح الشركات عدة وظائف بتخصصات معينة ,,

وطبعاً تطرح الوظيفه من ( حدر الشليل ) ,,

يعني لاإعلان ولاهم يحزنون ,,

ويجون عيال الهوامير الساعه 10 الصبح ,,

شبعان نوم وطاق النظاره وماله خلق للمقابله الشخصيه ,,

وينزل مدير التوظيف يركض ويده فوق شماغه ويده الثانيه على ثوبه ,,

يركض لما ولد فلان وعلان ,,

وتفضل طال عمرك وسم طال عمرك عندك مقابله ,,

وينزل المطحطح من السياره عن قولة ماقدمت للوظيفه ,,

وعشوق جايه خبر بالوظيفه وناشب بحلوقهم من الصبح ..

وهم يحلفون ويقسمون ان مافيه وظايف ,,

وعشوق وغيره من المواطنين يلطعونهم عند الباب بالشمس ..

ولد فلان بالريسبشن عند المكيف وشاهي رايح وقهوه جايه ,,

والمقابله الشخصيه سوالف وخرابيط ,,

ولما يفتحون الباب لي ولغيري ندخل ركض تقل ذابحنا العطش ,,

وآخرته ماعليش ( ياشباب مافيه وظايف ) ,,


شوفوا الإعلان هذا معي ,.,



لغه ولله الحمد حلوهـ ..

مؤهل معي مؤهل ,,

طموح لو يبون أدرس علم الجينيات حقت الفيله من عيوني

وحسن المظهر ( طخمه اطيح الطير من السماء ) هههههههههههههههـ ,,

وتجيهم وانت مكشخ يالله تناظر لليمين خايف على العقال يقع ههههههـ .,

وآخرته مع مخرج 9 ..

قبل فتره جيت لشركة ,,

واللي يسوي المقابله هندي وبريطاني ,,:h37:

وكنا 8 اشخاص ننافس على وظيفه وحده فقط ,,

وطلعت النتايج وعشوق الأول عليهم ههههههههههـ ,,

واجيهم مستانس وآخرته يقولون ماعليش جت واسطه قويه من الرياض

وطيرت اسمك برى وحطت اسم شص ماندري وشو هههههههههـ .,,

يالربع لاتحسبون اني ابي احد يوظفن لا والله .,

بس بعض الناس الى الحين وهو يقول مافيه عاطلين بالسعوديه ,,

وحبيت أتكلم عن نفسي وعن غيري من آلاف الأشخاص ,,

وصدقوني مافيه أحلا من السعودي اذا مسك الوظيفه ,,

وهــــــــو ( جـــــــاد ) ,, صدقوني راح يبدع إبداع غير طبيعي ,,

اما اللي جاي يقضي كم شهر ويمشي هذا موضوع آخر ..

قبل فتره بعد >> كل شوي يطري عليه طواري وسوالف

قالوا تقديم على العسكريه برتيه جندي ..

وبعد مشاورات قلت اروح اسجل ليش لا ,,

والعسكريه أحلى وأزين من غيره ,,

واروح بزعمي قلت ياشافوني أعلى من الثانويه يقدرون ,,

والله مع الباب انا وأوراقي خخخخخخخخخخخخـ ,,

وشلونكم انتم طيبين ..

تروني ماعندي شغل وقلت اسولف لكم عن نقطه من بحر ..

محبتي ومسراتي لقلوبكم /عشوق

ههههههههههههههه
اشكرك عشوق
والخافي اعظم
ربنا يعين الي ذولا قدوتنا

اقتباس:

المشاركة الأصلية كتبت بواسطة عانيتـ بسكاتـ

ههههههههههههههه
اشكرك عشوق
والخافي اعظم
ربنا يعين الي ذولا قدوتنا

هلا وغلا

العفو ياحلو وشاكر هالحضور

شوف وجه العنز وحلب لبن هههههههه
ربك يعين ياعشوق

اقتباس:

المشاركة الأصلية كتبت بواسطة ملكني العنا

شوف وجه العنز وحلب لبن هههههههه
ربك يعين ياعشوق

هههههههههههههههههه
صح لسانك يابعد حيي

عشوق

مراقبنا الحبيب يقول صنعة باليد أمان من الفقر لو معنا صنعه ما احتجنا لأحد ويبقى النقد فلان جزار والآخر حلاق

الشكوى لله ويعطيك العافيه يالحبيب

اقتباس:

المشاركة الأصلية كتبت بواسطة الصريح

عشوق

مراقبنا الحبيب يقول صنعة باليد أمان من الفقر لو معنا صنعه ما احتجنا لأحد ويبقى النقد فلان جزار والآخر حلاق

الشكوى لله ويعطيك العافيه يالحبيب

هذه المشكله والله ..
وعسى الله يعين ياقلبوووووووووو

منور ولاخلا ولاعدم منك

يا عشوق قلبت المواجع
مشكله هذا حال الشباب الحين
يوهمونهم ويأملونهم بوظايف

ما اقول الا الله يصبرهم ويعينهم

الوظايف صارت مثل السراب اللي تشوفه وتركض وراه وهو يبعد عنك

الله يعين الجميع ,,,

عشوق ,,, ربي يوفقك ,,,

اقتباس:

المشاركة الأصلية كتبت بواسطة انوار الشمال

يا عشوق قلبت المواجع
مشكله هذا حال الشباب الحين
يوهمونهم ويأملونهم بوظايف

ما اقول الا الله يصبرهم ويعينهم

الوظايف صارت مثل السراب اللي تشوفه وتركض وراه وهو يبعد عنك

الله يعين الجميع ,,,

عشوق ,,, ربي يوفقك ,,,

عز الله صدقتي يا أنوار الشمال
جبتيها على الجرح والله
شاكر حضورك

عشوق
وعسى ان تكرهوا شيئا وهو خير لكم
لاتتضايق من اسلوبهم وانا اختك
لو ربك شايف فيها خير لك ماطافت عليك
انا جربت كثير مواقف مشابهه
مرة قدمت على وظيفة انا وزميلتي بالكلية
كلنا متخرجات سوا ونفس التخصص
والتدريب والدورات هي نفسها
الفرق انا ممتاز وهي جيد جدا
ويوم طلعت النتائج
قبلوها وانا لا؟؟؟؟
مازعلت لأني وكلت اموري لله اولا واخير
المهم وتجي صديقتي للمقابلة الشخصية وياخذون منها
مبلغ مادي عشان تدخل دورة منتهية بالتوظيف

وكل يوم يقولون تعالي بكرااا

لين زهقت البنت
قالوا للأسف الغيت الدورة من مصادر عليا
لكن مانقدر نرجع لك المبلغ
كل اللي نقدر نسويه لك
اننا نحطك عندنا بقائمة التوظيف((متى)) ماحصلنا لك وظيفة نتصل عليك

انا يوم سمعت بمعاناتها قلت ياربي لك الحمد اللي ماقبلوني
فعلا الأنسان مايدري وين الخيرة
والله مايضيع جهد من اجتهد

واسفة للأطالة

اقتباس:

المشاركة الأصلية كتبت بواسطة نورالدنيا

عشوق
وعسى ان تكرهوا شيئا وهو خير لكم
لاتتضايق من اسلوبهم وانا اختك
لو ربك شايف فيها خير لك ماطافت عليك
انا جربت كثير مواقف مشابهه
مرة قدمت على وظيفة انا وزميلتي بالكلية
كلنا متخرجات سوا ونفس التخصص
والتدريب والدورات هي نفسها
الفرق انا ممتاز وهي جيد جدا
ويوم طلعت النتائج
قبلوها وانا لا؟؟؟؟
مازعلت لأني وكلت اموري لله اولا واخير
المهم وتجي صديقتي للمقابلة الشخصية وياخذون منها
مبلغ مادي عشان تدخل دورة منتهية بالتوظيف

وكل يوم يقولون تعالي بكرااا

لين زهقت البنت
قالوا للأسف الغيت الدورة من مصادر عليا
لكن مانقدر نرجع لك المبلغ
كل اللي نقدر نسويه لك
اننا نحطك عندنا بقائمة التوظيف((متى)) ماحصلنا لك وظيفة نتصل عليك

انا يوم سمعت بمعاناتها قلت ياربي لك الحمد اللي ماقبلوني
فعلا الأنسان مايدري وين الخيرة
والله مايضيع جهد من اجتهد

واسفة للأطالة

ياهلا وغلا نور الدنيا
بارك الله فيك وكلامك عين العقل
وشاكر تعقيبك ومداخلتك عساك العافيه

عشووق


وكلها للي متنام عينه ووتزين كثير من مر بمامريت فيه لاكن انشالله بتظبط الأموور يالله انتأمل خير وشو حنا بدوون أمل لا وظيفه ولأمل وربي مستشفى النفسيه

بيمتلي من الشباب

وسأل الله ان يرزقك ويرزقنا والجميع بالووظيفه ولأستقرار وأول بالعافيه وهذا الأهم


تقديري لك

اقتباس:

المشاركة الأصلية كتبت بواسطة النوووفي

عشووق


وكلها للي متنام عينه ووتزين كثير من مر بمامريت فيه لاكن انشالله بتظبط الأموور يالله انتأمل خير وشو حنا بدوون أمل لا وظيفه ولأمل وربي مستشفى النفسيه

بيمتلي من الشباب

وسأل الله ان يرزقك ويرزقنا والجميع بالووظيفه ولأستقرار وأول بالعافيه وهذا الأهم


تقديري لك

ونعم بالله والله ..
لاهنت يالنوووفي ويسعدلي قلبك والله

قال الله تعالى :
(انما الحياة الدنيا لعب ولهو وزينة وتفاخربينكم ....)
قال الله تعالى :
(ورفعنا بعضكم فوق بعض درجات ليتخذ بعضكم بعضا سخريا ورحمة ربك خير مما يجمعون )
الايمان بالقضاء والقدر يحتاجه الناس في هذه الحياة ليعيشوا بسلام
بعيدا عن الاوجاع والاوهام والامراض
فالله عزوجل خلقنا وكتب لنا ارزاقنا وهو كفيل بنا
قال الله تعالى:
(ان مع العسر يسرا )
شكرا للكاتب
دمتم بخير

اقتباس:

المشاركة الأصلية كتبت بواسطة هداج

قال الله تعالى :
(انما الحياة الدنيا لعب ولهو وزينة وتفاخربينكم ....)
قال الله تعالى :
(ورفعنا بعضكم فوق بعض درجات ليتخذ بعضكم بعضا سخريا ورحمة ربك خير مما يجمعون )
الايمان بالقضاء والقدر يحتاجه الناس في هذه الحياة ليعيشوا بسلام
بعيدا عن الاوجاع والاوهام والامراض
فالله عزوجل خلقنا وكتب لنا ارزاقنا وهو كفيل بنا
قال الله تعالى:
(ان مع العسر يسرا )
شكرا للكاتب
دمتم بخير

شاكر مداخلتك وحضورك
والله يبعدنا عن الهموم والأمراض

محبتي \ عشوق