الليـل طـوّل وحقـه علـيّ اسهـره=احـاول ارد الجميـل لوقـت مايهـاب
سهرت كل عمـري الإ اقّلـه وأنّـدره=ونوّخت القصيد ودموعـي لـه ركـاب
يسامرني سكونه وان جرحـي يسمـره=طاب السهر وحزني اليوم مـا طـاب
احاول اعدّي الصمت وخوفه واعبـره=بيت الشعرآهات والقهر حوله اطنـاب
ارغمت دمعي وحاولـت انـي اجبـره=ياقف ويجف وبدّل المطلـوب بإسهـاب
حاولت ابني حياتـي وغيـري يدمـره=وش بقى دامهم عليّ كثـار واحـزاب
هذي ايامـي خيانـات وادري مدبـره=بس ودي اعرف الفرح ليش غـاب ؟؟
الخيانة عذاب والعـذاب فينـي اكبـره=جروح وبهاذيل واصوات وقلب منصاب
بعض الوجيه بطيحتي ضاحكه مستبشره=وانا كنت احسب انهم اخوان واقـراب
كنت ألبيه واقف معـه وكنـت اقـدره=كنت اعده من صفـوة كـل الاحبـاب
ابي اعرف السبب صاحبي وش غيره؟؟=يمكن الطيبه اعـده مـن الاسبـاب !!
قدّام عينـي اخوتنـا اشوفـه ينحـره=وانا لك الله منصـدم مذهـول مرتـاب
واليوم لو اشوفـه والله انـي لا انكـره=والله اني لا اساوي حضرتـه بغيـاب
بدعي الله عليه بجهنـم ربـي يسعـره=لا تلومني بفعله راسـي اليـوم شـاب
كنت اعدّه ملاك واعذب الناس واطهـره=كنت اموت عشانه واقول فلان مايعـاب
بس اللعين ياسـود قلبـه يـا امكـره=يوريني الضحكة الصفرا والسم بالنـاب
نذرٍ علي لو اشوفه والله اني لا احقـره=والمؤمن يبعد عن شجرته واخبث الداب
يوريني العذاب وفن الخيانـه وامهـره=وانا ماقويت صدمتي ونهايات العـذاب
قولي سمعته وإن كـان ودّك ابجهـره=انت مانت بكفو خوّة رجـال واشنـاب
تحياتي / خالد السويدي
العضو الأكثر نشاطاً هذا اليوم 
العرض المتطور
