|
من اجمل ماقال بن سعدي الرمالي..
** السلام عليكم ورحمة الله وبركاته**
بصرااحه هذي من اجمل ماقاله بن سعدي(منصور) بشمر قبيلته واللي انا حافظها
اليـــــكم أبيـــــــات القصيـــــــــده الاكثر من راااااااااائعه!! اعذروووني طوييييله شوي
مهما حصل نبقى ونبقى سناااااعيس
ويبقى جبل شمر لنا ساكنينه
ويبقى لنا تاج الفخر والنواميس
وتبقى لنا كل الصفات الحسينه
حنا الطنايا محرقين المحاميس
عز الصديق ومن زحمنا نهينه
بالسلم لطفين وبالحرب فريس
نبقى كما حيد صدوده متينه
ومن جالنا محتاج له نرخي الكيس
والضيف من حمد الولي مكرمينه
شمر ربوعي عرضهم دوووم ماديس
وارواحهم دون الشرف مرخصينه
من دور حاتم طي هو وامرؤ القيس
والطايله رغم العدى نازلينه
صلنا وجلنا يوم للفعل تقييس
يوم الرجل حقه يجيه بيمينه
مانذبح الا شيخ قوم ماهو هيس
زيزوم قوم باللقا فاقدينه
يشهد لنا العالم وبيض القراطيس
ويشهد لنا من دين الاسلام دينه
وتشهد لنا نجد وحمر الطعاميس
وتشهد لنا سمر الجبال الحصينه
وتشهد لنا كتب الثقه والقواميس
ويشهد لنا اللي كلنا عابدينه
ولاباس ياللي عذبتك الهواجيس
ولاباس يامن عافت النوم عينه
لابد مايجي الفرج للمحابيس
ولابد مايستافي الحر دينه
واصبر يجي يوم تشب القواميس
ولاضاع حق دوره طالبينه
ولاهمنا حكي الخساس المناجيس
ومن اعترضنا ناسمه في جبينه
واللي كذب العنه والعن ابليس
والصدق يبقى مع بقايا سنينه
ومهما حصل نبقى ونبقى سناعيس
ويبقى جبل شمر لنا ساكنينه
وش عاد لو دون الهدف به جواسيس
..المووووج بالقوه يهز السفينه..
اعذروووووووووني تراني كاتبها من حفظي
يعني تقبلوا اي غلط ...
وتقبلوا خاااااالص تحيــــاااتي وتقديري
**بانتظااااااااااااار ردوووووووودكم**
|
العضو الأكثر نشاطاً هذا اليوم 
العرض المتطور
