من التكنولوجيا الحديثه الذي دخل علينا سريعاً
أصبح كالشبكة العنكبوتيه تربط القاصي والداني
في وقت واحد.. يتم تخزين أرقام عديده
تندرج تحت مسميات ..ولكن يأتينا أحياناً
أرقام غريبه ليس لها مسمى.. تحدث ردات فعل
إما بالتعجب!! والتسائل من قد يكون صاحب هذا الرقم
هل يعرفني ويتصل من رقم آخر أم أنه مخطيء
أم ماذا ؟؟؟....ولما يصيبنا الخوف عند مشاهدة الرقم
على شاشة الجوال .. لماذا تتردد اكثر الفتيات بالرد على الرقم
الغريب..؟
اسئله؟؟
هل أنت\ي ممن يردعلى اي رقم؟
إذا كانت إجابتك لا\نعم مالسبب؟
وهل ترضى ايها الرجل لأختك امك زوجتك أبنتك
بالرد على الارقام مجهولات الأصحاب؟
****
كثير مايراوودني هذا السؤال لما اراهـ من بعض المقربين عند اتصال رقم غريب يكون في حيره من امره يرد او لا يرد
الصراحه كنت في البدايه من اللي يردون ع الارقام الغريبه ولكن بعدين بطلت لانه صارت أذا رديت ع رقم غريب ألقاه يدق علي وبكثره ذكرتني في مره أتصل علي رقم غريب وكان شخص يقول هذا جوال عبدالله قلت له لا وما القاه الا كل شوي داق علي عشان كذا قلت لزميلاتي أي وحده تبي تدق علي من غير رقمها ترسل لي قبلها رساله وتخبرني بأسمها ....
صعبه بالنسبة لنا نرد على أرقام غريبة ..
خصوصاً البنات ..!
يمكن يكون خوف من الإزعاج و المعاكسات ..
و أحياناً يكون عندي أخوي و ما أقول له يرد ..
لأنه ما له داعي أصلاً أرد !!!
و اللي يبيني يرسل أو حتى يدق على جوال أمي أو البيت !!
<< للحين موجود عندنا ثابت ^^"
و شخصياً قليله إتصالاتي أو الناس اللي يدقون علي ..
و طريقة إتصالي الوحيده بالعالم الخارجي هي النت ..!
لكن أحياناً لا أستغني عن رسائل الجوال ^^
خصوصاً بالمناسبات أو الأعياد ^^"
***
لكن بالنسبة للرجال ما يردون ..
يمكن رغبة منهم ما يبون أو مالهم خلق ..
و يمكن خوف أيضاً ..!
لأني سمعت قبل فترة ..
عن أرقام غريبه تتصل و إذا رديت ..
سحبوا الرصيد أو حتى سرقوا الرقم !!!!!!!
مع إني ما أصدق بهالشي ..
لكن خفت ^^"
<< وش دخلك ؟؟؟؟
***
تسلم أخوي النوفي على طرحك الواقعي ..
و عساك عالقوة أخوي ..
[mark=#cccccc]هل أنت\ي ممن يردعلى اي رقم؟[/mark]
زمان ،، ما آرد ،، آعطي الجوال لآخويا ،،
و هو ما يتكلم إلا بعد ما يتكلم المتصل ،،
إذا كانت بنت يعطيني الجوال على طول ،، بدون ما تحس آنو ولد اللي رد عليها ،،
وبآوقات يرسلوا مسج آنا فلانه ،، آلحين بتصل عليك بنفس رقم المسج ،،
بس آلحين ،، جوالي دائماً ع الصامت ،، له آكتر من سنة ما نطق ،،
وإذا ظهر رقم غريب ،، آطنشه ،،
وإذا رقم آعرفه ،، آرجع آتصل ،،
<< خسرت آهلها ،،
[mark=#cccccc]إذا كانت إجابتك لا\نعم مالسبب؟ [/mark]
آكيد آتجنب المعاكسات ،،
[mark=#cccccc]وهل ترضى ايها الرجل لأختك امك زوجتك أبنتك بالرد على الارقام مجهولات الأصحاب؟[/mark]
بنسبة لآخواني ما يرضوا بذات آخويا الكبير ،،
هو اللي عقدني من طلعت الجوال ،،
<< تسمع الكلام ،،
العضو الأكثر نشاطاً هذا اليوم 
العرض المتطور
