يفضل زوجته على أهله ؟؟

***بســـم الله الرحمن الرحيم***



بصراحة موضوعي اليوم أكتبه وأنا في قمة القهر من موقف حصل ..

الموضوع للنقاش وحار أيضآ أتمنى اللي يدخل يضيف على الموضوع

ولايطلع والصفحة من وراه بيضاء ..

ليش الزوج لتزوج يفضل زوجته على أهله ؟؟

وش في عند الزوجه مالقاه عند أهله ؟؟ طيب واللي لقاه عند زوجته معقوله لهالدرجة

ينسى أهله ويقدس كلام زوجته على أمه ..



طيب الزوجه ليش إذا تزوجت الرجال أول ناس تغار منهم هم أهل الزوج ؟؟

يعني مافي أحد يحبه غيرك ؟؟

وإلا يعني كلهم يكرهونه إلا انتي ؟؟

صراحة قمة التخلف إن الزوجه تغار من أهل زوجها ..

ياختي أخذتيه جاهز مجهز لاحملتي فيه ولا ولدتي فيه ولا انتظرتيه ينتهي تعليمه

ولا إنتظرتيه يتوظف ولا تعنيتي تدورين له زوجه ..

وبالأخير ياااااويله إن مدح أخته وهي لا ..

وياويله إن اتصلوا عليه أهله يبونه يسريهم

على طول تقول : ليش مافي أحد غيرك يرسلونه ..



هذه رساله أرسلها لكل من يقرا عباراتي وإلى كل من يتصفح في مواضيعي :

والله لو أعطتك زوجتك من الحب مالم تجده عند أهلك فأعلم أنه لن يصفى لك إلا أهلك

لأنك عندما تموت أو تصاب بشلل أو يصيبك فقر فإن زوجتك تستطيع ان تكمل

حياتها من دونك .. تموت وتتزوج بعدك ومع الأيام ستنساك .

اما اهلك فبكل مناسبة وبكل ظرف يتذكرونك لأنك الإبن الذي يحبه والداه

والأخ الذي تحبه أخواته .. والرجل الذي ينتظره أباك ..

فإنتبه أن تفضل زوجتك على أهلك ,,

((مع إني أعرف دناديف الله لايبلانا زوجته ياطول لسانها على أمه وهو ماسك السيجارة

تقل ..... (كملوها أنتم ) ..))


وقفتي الأخرى معك أنتي أيتها الزوجة :

من الذي سمح لك أن تغاري من أهله في أي قانون وجدتي هذه الصلاحية الكبيرة

أن تاتي لعائلة منذ نعومة أظافرها مع بعض وتأتي أنتي في الأشهر فقط

تريدين أن تتملكيه,,

فعلك هذا ليس حبآ ((أبدآ )) بل هو حب تملك ..

كالطفل لايحب أن يشاركه أحد في لعبته..



والله اللي يشوف بلاوي المتزوجين ومشاكلهم يحلف الأيمان ألا يتزوج ماأحياه الله

وليت مجتمعنا يؤيد ذلك ولكن هيهات هيهات ...

الموضوع الأصلي: يفضل زوجته على أهله ؟؟ || الكاتب: ابو اريج || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

بسم الله الرحمن الرحيم
مشكور اخي على الموضوع
موضوع بالفعل حساس ويحتاج للكثير
الموضوع يحتاج إلى عدل من كل الطرفين وانصاف هذه زوجته لها من الحقوق والواجبات بما لايخل بحقوق الوالدين
همسة :في أذن الأزواج الجنة تحت أقدام الأمهات رضاها عليك والدعاء لك من مسببات دخولك الجنة رفقا بقلبها المحب
همسة : في أذن الزوجات زوجك جنتك ونارك لاتكون عونا له على عدم بره بوالديه رضاه من مسببات دخولك الجنة لاتحرميه بره بأمه خاصة

لاهنت ابو اريج

اخي العزيز

من الخطأ ان زوج يفضل زوجتة علي اهلة ولا يفضل اهلة عليها ويحاول ان تكون له شخصيتة
ولا ينقاد لاي طرف منهم خاصة اثناء المشاكل
وهناك لابد ان يتحرا مخافة الله فيها وينتبه ان لا تكون الام هي من تفتعل المشاكل
نعم طاعة الام واجبة والموازنه مطلوبه
بين الطرفين
فعلا في ازواج للاسف يفضلون الزوجه على الاهل
ولكن لانعمم على كل الازوااج لان بعضهم فيهم البركه

بداية ( الي ما فيه خير لأهله .. ما فيه خير لأحد )

كثير من الأزواج فضلوا زوجاتهم على أهلهم .. والسبب أن الزوجة فيها غيره من أهله

وقدرت الزوجة تسيطر بشكل أو باخر على زوجها .. وتكسبه في صفها

وعشان ما نظلم الزوجات .. فيه بعض الأزوج يتغير من حاله .. ويميل لزوجته أكثر من أهله


والنوعية من هؤلاء الأزواج للأسف ما حطوا في بالهم .. أنه راح يجئ يوم يعاملون فيه بنفس الأسلوب الي عاملوا فيه أهلهم من أولادهم

ابو اريج .. يعطيك العافية على الطرح الرائع

انا مع اخوي الساري

وكما قال الرسول خيركم خيركم لاهله


والتوازن شي مطلوب لفض الغيره بين الاطراف وخاصه الحريم

بسم الله الرحمن الرحيم
اول: يعطيك العـــــافيه والصحه وطيله العمر يارب
وبااارك الله فيك على كل ماانقلت لنا من مووضووع صرااحه شيق
واسمحلي ان ارد على اسألتك
ليش الزوج لتزوج يفضل زوجته على أهله ؟؟
بصراحه اخوي هو موو تفضيل عند بعض الرجال بل حب بها
وانا اقول من فضل اي ابن ادم غير رسول الله صلى الله عليه وسلم على امه وابيه
فهو لايفهم بلغتنا (هــديفه) وهو ناقص عقل ودين


وش في عند الزوجه مالقاه عند أهله ؟؟ طيب واللي لقاه عند زوجته معقوله لهالدرجة
ينسى أهله ويقدس كلام زوجته على أمه ..

لقى عندهى بعض الحناان يمكن يكون افتقده,,,,,,,,,,,,,,
وبصراااحه مايخليه يقدس كلامه ولي شخصيته قويه راح يسمع كلام الوالده
طيب الزوجه ليش إذا تزوجت الرجال أول ناس تغار منهم هم أهل الزوج ؟؟
لانهاا خفيفه عقل وكل من جاه يبي يقوله اول ماتخافين منه هم اهل رجلك
وهذا معررروف ان الحرريم ناقصاة عقل ودين
يعني مافي أحد يحبه غيرك ؟؟
من الوساوس وكثر الكلام
وإلا يعني كلهم يكرهونه إلا انتي ؟؟
لا بل اهله يحبونه اكثر منهاا


ارجو ان اكوون اجبت على أسألتك
وتمنياتي لك بالتوووفيق اخوي ابو اريج

وويلي منك ومن موضوعك داخل مدحم الظاهر بعد موقف حصل

لك ولم تذكره لنا..الحاصل الاهل جابوا الولد وتعبوا عليه وربوه وعلموه

عشان ايش؟!! يذلونه؟ !! وكل ماطق عود وعود قالوا حنا ربيناك وتعبنا

عليك؟!! لا طبعآ..ماحد قال للأم تحمل وتتعب عشان بالنهاية تذل ولده الأم

على عيني وراسي لكن لاحظت لا تزوج ولده نشبت بحقله والا يوم هو أعزب

يطلع يروح يسافر مايقولون له ولا كلمه وبعد الزواج كيف يسافر به؟ كيف

يتمشى به؟ كيف يشري له؟ وليه بنات الناس يتزوجن عشان يغثن ويلهدن؟

التوازن مطلوب من الأهل والزوجه أما الزوج ماله إلا يعطى كل ذي حقٍ حقه

أهله مايقصر بهم وزوجته نفس الشيء..قولة ليه يحب زوجته أكثر عشانه زوجته

وأم عياله ومقابلته ليل ونهار وترعى شؤؤنه العامه والخاصه..وبالعكس ياما زوجات

وقفن مع أزواجهن وهم معاقين ومشلولين و عقب وفاتهم مافكرن بالزواج الرجال

هو اللي ماتكمل وفاة زوجته شهر الا وهو طاقن له زوجه جديده..

والأهل ينجبون أطفال عشان يونسونهم وهم صغار ويفرحون بهم

وهم كبار ويشوفون أحفادهم وليس لإذلالهم باالتربيه والسهر والتعب

عليهم..شكرآ وآسفه على الإطاله.

فيه كثير من الازواج ينسون اهلهم بعد مايتزجون

والخطا ع الزوجه اللي تسمح لزوجها يسوي كذا لان المفروض لما تشوفه كذا تذكره بامه

اللي تعبت عليه وابوه اللي دفع دم قلبه عليه لين خلاه رجال

انا استغرب من الحريم اللي تخلي زوجها يقاطع اهله لكن اهلها كل يوم وهي عندهم

طيب الرجال مايفكر ليش هي اهلها عادي وانا اهلي لا؟؟؟؟؟؟

ولكن فيه اهل ازواج طبعهم صعب ويدورون الزله على مرة ولدهم

بس هذا مايمنع انه تذكر زوجه باهله وان قاطع اهله مايدخل الجنه

وان رضاهم من رضا الله

بس وين اللي يفهم

بالفعل موضوع صعب...للاسف هؤلاء اسمحلى ليسوا رجال...ينسون فضل اهلهم امام زوجاتهم
يمكن الحق على الأهل ماعلموهم الأسس وأعطوهم شي من الحنان...
وأقول لأى امرأه تغار من اهل زوجها أو حتى تحرض زوجها على أهله وتستمتع بانقياده لها أقول:::
اللى مافيه خير لأهله مافيه خير لك

تحياتي ,, اختكم/ نبرهـ حزينهـ

كل الأطراف مشتركه بـ الجريمه ..!
و قسم و أنا أقرأ الردود كـ أني داخله ميدان حرب ..!
مو نقاش و موضوع نتكلم فيه ..

***

الأم من يلومها ..
تبي ولدها أحسن رجل ..
و كل شي فيه كامل ما ينقصه شي ..
و زوجته بعد نفس الكلام ..يعني مو شي جديد ..

***

الرجل ملزم إنه يوفق بين الكل ..
أهله و زوجته و بيته و نفسه ..
فـ ليش ازيد الحمل عليه ..
و أطالبه فوق طاقته ..!!!
و أمه نفس الشي ..!!!

***

الزوجات و الحموات اللي في حالة حرب ..
و رب البيت محتاجين علاج نفسي و عقلي مكثف جداً ..!
لـ أن كل شخص حر نفسه ..
و زمن العبودية ولى الحمد لله ..
زوجك مو ملكك ..!
و لا ولدك ملكك ..!!!!
اللهم رد المعروف و البر ..
لكن هذا مو معناته تملكين رقبته ..
و الزوجة نفس الشيء ..
بـ رغم وجود العقد ..
لكن هذا مو معناته صك الملكية ..!!!!

***

و الله نقاصة عقل ..
و أنا أقرأ منصدمه ..
معقول فيه ناس كذا ؟؟!!
هو صحيح معقول بـ هالزمن ما فيه شي غريب ..
لكن ما توصل لـ هالدرجه ..
هذا إستغباء مو معامله و لا تملك ..!!!!
أجل أبي أملك ولد الناس و أسيطر عليه ..
و أحرمه من أهله و الناس ..!!!!

و لا انا أبي امنع ولدي من زوجته ..
ليش أخطب له بـ الأساس ؟؟!!!!

***

آسفه أخوي ..
لكن و الله مو مستوعبه الفكرة ..
ربي لا يبلانا و لا يسلط علينا ..
و يحمينا و يستر علينا ..

***

كل الشكر اخوي على طرحك الواقعي ..
و أسلوبك الجميل ..
قد غطيت الموضوع من كافة جوانبه ..
تسلم و الله ..
و عوداً حميداً ..
فـ لا تطول الغياب هـ المرة ^^

حياك الله اخوي ابو اريج

موضوعك شيق جدا

صحيح في الوقت الحالي صرنا نسمع كثير عن المشاكل اللي تصير بين الزوجات واهل ازواجهن

يعني زمان اول كانت البنت اذا تزوجت واحد

صاروا اهله مثل اهلها

تعيش معهم وتاكل معهم وتقوم بالبيت مثل اي وحده من بناتهم

لكن الحين الله يعين

بس للحين فيه زوجات ماشاء الله عليهن تهتم لاهل زوجها وتحبهم وتوصيه عليهم

ودايما تحثه على صلتهم وبرهم

الله يهدي الجميع ان شاء الله

كل الشكر لك اخوي على الموضوع الهادف