عندك يصير اللي لغيرك مايصير

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]


لو كل خلق الـله عطوا حق الجـوار=ماناف فـي نامـوسـهـا شيـــخ الظفـير
ولو قـيـمــة الـخــوه تسـدد باقـتـدار=مانافوا الـشـلـقــان في شيل الكسير
لو من بـغــى الجـنـه يسـافـر قندهار=ماكـان حــج الـبـيــت بالـذكـر المنير
ولو من يقول القاف يصبح مستشار=تلقى الـذي مـثـلــي مـع الـعـالـم كثير
ومااقـول عـنــدي للـتـمـاثيل احـتكار=بـس الـشـغـايـا ماتـقــارن بالـمـحـيـر
والـبـنــز تـفــرق بالـمـكايـن عن نمـار=وتنسى الـثـمـيـله دام بالـمربــاع بـيـر
لادار دولاب الـــقـوافــي واســتــدار=جـتـــنـي تشـادي للـنعام الـمسـتذيـر
والا طـيـــورٍ ذيــره فــرخ الـحــرار=والا الجـراد اليا غشى روضٍ نضـير
مـيـراث عــودٍ حــاذفٍ كــل الجـمـار=خـلا الـقـوافــي بالـفـعــايـل تسـتـنـيــر
ورثٍ كـفــاني كـنـز مذحـج مـع نزار=دامـه عـدلـنــي بالـفـرزدق مع جـريـر
نـوبٍ عـلــى نـهــج الضـيـاغم مـع عرار=وقاف الخـلاوي بالعرب وابن الوزير
في خــافــقٍ ماسار بــدروب الضــرار=او غــار مـثــل الريــم لعيون الـعـشيـر
لاشفت راع الطـيـب بالـنـاموس سار=خـلـيـت روحــي مـع طـواريـقــه تـغــيـر
وان جـبــت لولو من صواديف المحــار=اصبحت مـثــلــه للـنــدى كـنـي سـفـــير
والا وضعت اسمي على الحجز انتـظار=ولا عـيـب في حظٍ رفض طيره يـطـير
وماراح اراجي بالـعــرب كسب افتخار=وانــا اتـســدح نـايـــمٍ فـــوق الـســـريــر
والحـســد دربــه بـيـن كــل الخـلق عــار=كــم واحــدٍ حــده عـلــى ظـلــم الضمير
ان ما عرف عـيـبٍ علـى المحسـود جـار=وظلم الـبـشـر ياطاك لو دونك خـفـيـر
والــرزق مادونــه سـجـون ولا حصار=ان كان مكـتــوبٍ عـلــى لوح الــقـديـر
اللـي رزق دابٍ كـفــيــفٍ فــوق غـــار=لو ماشكى غيره على الــوضــع الـمـريـر
وباب الامـير ان حال من دونه ستار=رح للالـه الـلــي كـتــب رزق الامـيــر
والادمــي لـو كـان فــي طـيـبــه مـزار=ما كــل مـزنٍ يشـتــعــل بـرقـه مـطــيــر
ومــيــراد دنـيـــانـا على نـفـس الـمـسـار=والـفــرق بين الناس بدروب الـصـدير
ومـن بـان لحـمــول الـثـقـــايل ثـــم بـــار=مثل الذي يـرغـي عقب حـس الهـدير
والـبـذل لاهل الطيب بالـشــدات كار=اللي يشيـل الـثــقــل بالــوقـت العـسـير
وشــدايــد الـدنـيــا على الطيب اخـتبار=حتى تعزل القـمح عن حوض الـشعـيـر
اخــاف سـيــفٍ بالــرخــى حــرر ديــار=واليا بـغــيــتـــه بالـقــسـى تـلـقــى الجــفــير
ومحـدٍ بـمــيـــدان الـنـــدى يـصــبــح مـنار=لا طــاوع الخــفــرات بالـوقــت الخـطــيـر
ومن عـاش عـمـره ســايــرٍ دون اخـتيار=لاتطـلــبـــه شــوره تــره مـثـــل الـغـــريــر
وظـل الـفـريضـه شـر مـن شمس الخـيار=وفـقــرك ولا قـصــرٍ تـقــع وسطه ثـبــيــر
وان عـشــت مالك بالـعرب اي اعـتـبـار=تصـبـح كـمـا الـثـيًــل عـلـى جال الـغـديـر
ولايـنــدم الـلــي جــاب ربــعـه واسـتـشـار=وان زل مـا خـــاف المــــلامـــه والمــــعــــيــــر
وشـيـخ العرب يرسـي الـيـا ضــاق المسار=وان نــار كـــل الــربـــع مــع دربـــه تــنـــيـــر
والخـتـــم مايـعــطــي عـلــى الـشيـخه قـرار=ولا راح تدخـــل فــي تـقــاريـــر الــوزيــر
والشيــخ من يـسـعــى لـنـصـرتـهــا جـهــار=ويرفى الضعيف ويـنـفــع الشـيــخ الضرير
طـيـبه يـجــيــر الـلــي من الضيم استجـار=ويـمـنــع شــرور وفـيــه لاهــل الخــير خـير
والـلـي يـبــي نسـلـه عـمــارٍ فــي عـمــــار=يـتــرك بـنــات الـعـفـن لـو زيـنـه شـهــيـر
زرع العرب يطـلـع على طـيـــب الـبـذار=والا تـصـيـــر بـمـقــعـــد الــذلــه جــــديـر
صـعــبٍ تـبـــدل بـالـولــد قـطـــعــة غـيـــار=دام الــردى بـعـروق طـفــلك يـسـتــديـر
ومن طارد الـمقـفي مـشـى قـفـو الـقـطار=مـثــل الـــذي يــارد وخــلــق الله صــدير
والـلــي يـبــي بـيــــع الــذبــايـــح مايـحــار=عـجــلٍ يـريــد الـبــيــع مـن قـبــل المســير
يـاصــل سـلايــل يــام مـفـنــيــن الـفــقــار=نـقــوة بـنـــي مــره شـفــى كـبــد الـفـقــيـر
وان جـاء بـيــوت الـلـي يـعـزون الجـوار=تسـمــع سـكـاكـيــن الـمــراجـل له صرير
والـلــه فــلا يـكـبــر مـع الـراعـي حــوار=وحـولـه مـن الـمـره ولــو طـفـلٍ صـغـير
شف حربة الـنـابـت على الحاشي دمار=قــومٍ يـحـطــون الـغــنــم فــوق الـبـعــيــر
مايـذبـحــون مـن الـحـــلال الا الخـــيــار=لـيـن امـست الذيـدان مـنهم تـسـتجـيـر
لــو قـيــل للـنــابــت مـع الــذيــدان ثــار=قـلــت ان راع الـثـــار نــوبٍ يستخــيـر
لـو بالـعـرب بـطـــبــــوعــهـــم نـاسٍ كـثار=ما شـفــت فـيـنــا طـايــحٍ مـالـه نـصـــيـر
ان جـاء يـمـيـن الطـيــب ماقالوا يسـار=نـبــع الـفــزايــع لا ظــهـر حــس الـنــذيـر
وياراكـب اللـي لامـشـى تـال الـنـهـار=جـيـبٍ يريح اللي نوى طـول الـمسير
حـطـوا عـلـى الكبوت له رمـز وشعار=لكسز وحـسـه حـس غـنــدورٍ عـطير
او حس هملولٍ يـنــوش جـنـوب غار=من مزنةٍ صارت على الـوسمي بشـيـر
جـانـا مـن الـمصنع ينـشنـش بالبـحـار=فـوق الـبــواخــر قــاطــعٍ مـوجٍ غــزيــر
مصـنــوع لاجــل الـبـنــز لاشـافــه يغار=ويقبس على الجرمن بشوفه جـمر كير
وبـنــزان فـكــر فــي قــرار الانــتــحــار=بالــرمــل وجــويـبـــان يـصـفـر صــفــيــر
فـيـه الـشـنـب للـهــوش زاده بالــوقــار=ويفرح بـرجــلٍ طـول صـوتــه يستجير
لادست له يكفخ على خـمـسـة غـيــار=وعند الوعر تضـغـط على الزر الصغير
شيـخٍ بـراس الـطـعــس والا فوق قار=ماطاح وسط الرمل تسـمــع لـه جعير
ماقــام يشـكــي سايـقــه لون السـمــار=مـن كـحــل شـكـمــانٍ يــذره لـه ذريـر
ولا ياصــل الـسـواق بالـعــجــة غـبــار=غـمــارتــه فـنـــدق وحـجــزه للـسـفــيـر
ريــح الـبـخــتــري والخــزامـا والـبـــهـار=وكــل الـمــراتـب فـوقـهـا طـقـم الحرير
والـزيـت بالـطـبـلــون مـقـيــاس العـيار=قــدامـك امـبــيـــرٍ لـمـقــيـاســه يـشــيـر
لا فــر ويـلــه حــط بالــقـــاع انـفـجـــار=لولا الحـيــاء من مصـنـعــه يـمكن يطير
تلقى الحصى قـفـوه رصــاصٍ يـوم ثار=من قــاذفٍ بكـفـــوف ثــورٍ مستـثـيــر
فـيـــه الاديـتـــر مـاشـكـى نــاره وفــار=وكثرت تـهــاريــبه ومـعـهــا زيـــت قــيـر
في ضغـط زر ويـبـتـدي نـفــخ الاطار=وعند الـقـوايـل ضـيـفــتــه ثلج وعـصـير
اطيب من اللي تنـتـظـر وسط المطار=وزولـه عـلــى كـل الـمــواتر صار غير
روحه على التهريب ووقــوت الخـطـار=لاشــاف دوريـــاتـهـــم مـثـــل الـنــفــيـــر
نـوبٍ يـعـــديــهـــم جـــزيـــرة زنـجــــبــــار=والا ورى الـقــاعــد ومدخــال الهرير
خلا عشى العسكر من الغـثـه فـشـار=ومن بينهـم هـوشــه ونـقـــرات ونـقــيــر
اسـقــى مـواتـرهــم طــراقـيـــع الـمــرار=تسمع مكــايـنـها شـهــيـــقٍ مــع زفـــيـــر
يشدى لـذيــبٍ جـايــعٍ وقــت الـفــرار=بـاول يـنـــــايـر واللــــيـــالــي زمـهـــريــر
وابن العـطــر فـوقــه وفــي راسه قرار=الـنــابـتــي نـســل الـسـبـاع اللي تـزيــر
يـســري لشــيــخ مــدتـــه قـحـص المهار=الشيخ ابن قمراء فــرج قـلب الاسـير
لابـانــت الـقــمــراء غــدى لـيـــلـي نـهـار=واللـيـلـة الـقـمـراء هنى قـلـب السـهـيــر
ماالــوم شـيــخٍ قــال عـن طـيـبــك قـمار=مـن كـثـر مـاتـنـثــر من الـمال الـكـثـيـر
يــارافــــعٍ روس الـنــوابــت بــاقــــتـــــدار=ساسك يقول انك على الفـزعه خـبـيـر
نســل الذي شاف الـهـنادي والـقـصـار=وشال الاذان الفـجر بالصوت الـشهير
الـصــوت هادي والـعداء تـقــدح شرار=والـقــوم من صــوته غــدو شـر وشـرير
لـيــلـة هـــديــة حط خـــتـــم الانـتــصـار=فــي سـاعــةٍ راع الــردى قلـــبـه يـطـــير
صالح وطـى خــوف الحرايـب باخـتـيار=ولا اخـبــر له فــي موقـفــه هذا خشير
وياشيـــخ خذ زبــدة كلامي باخـتــصار=وعـمـدا تـركت الدسم بالبيت الاخـيـر
جــدك سـمـيـك والـنــدى ما يسـتــعــار=وصيت المراجل تاصل الرجل الجديـر
ومـادام جــدك ســار دربٍ مـايـســــار=عـندك يـصـيـر اللـي لغـيرك ما يصـيـر
[/poem]

الموضوع الأصلي: عندك يصير اللي لغيرك مايصير || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات